Yoshua 7:12 - MUKANDA USANDU WA ZAMBI 1975

¹² Kashika A-Izalele kahashile kumana kumeso ja akwa kole jo. Anachina kumeso ja akwa kole jo mumu halipwisa atu a kukunjika ku kwonwona. Chichi kupwa ni yenu nawa shina munwonwona yuma yajila hakachi kenu.

Mukanda Wa Zambi 1970

¹² Kashika Aisraele kaahashile kujikiza ni kulimika ni akwa kole jo. Kaanachina mumu Zambi haakunjika mu kwonona! Chichi kubwa hamwe ni yenu shina munuchiza yuma yize nanuhele Shimbi ngwami, kanda nuyanda!

Yoshua 7:12 Iomraidhean Croise

Miaso (Masamu) 44:10

Hiwatuhilwisa kunyima kumeso ja mukwa kulimika, ni waze akutuvwila kole kakulihupila upite.

Miaso (Masamu) 60:10

Yena Zambi kwatumbilile? Zambi kushi kutuhuka ni tujita twetu?

Yishima 28:1

Chingulungulu kakuchina chipwe niumwe kamuhangile; alioze akwa ululi kanahamuka ngwe ndumba.

Izaya 59:2

alioze uhenge wenu hiwahandununa hakachi ka yenu ni Zambi yenu, milonga yenu hiyanufukila meso jenyi kanupanjikile.

Jeremia 23:33

Muze umwe wa wano atu, hanji profeta, hanji sasendote makuhula ngwenyi, Chiteli cha Yehova chika? Muwamba kuli ayo ngwe, Yena mwene uli chiteli, mba Yehova kanambe ngwenyi, Ngunambe kukumbila.

Jeremia 6:8

Ivwa kutoweza chino, ena Yerusaleme kuchina mungukuchiza mbunge; kuchina mungukupwisa chihunda cha hululu, chifuchi kuchishi atu.

Hosea 9:12

Chipwe malela ana hindu mungwashiha, kechi kasala niumwe. Lamba lio! Muze mungwakatuka.

Habakuke 1:13

Meso je apema naye, kahashile kumona yipi; kwahashile kutala uhenge. Kuchi te wakutala malunga a mafwefwe? Kuchi te wakuhola muze chingulungulu mamina mutu yoze wamuhiana ni ululi?

Kwalula 14:39

Mose yambulwila A-Izalele eswe maliji ano. E atu yalishimwoka chikolo.

Kwalula 14:42

Kanda nukanduka mumu Yehova keshi hakachi kenu, kuchina munukalambama kuli akwa kole jenu.

Kwalula 14:43

Mumu kokwene A-Amaleke ni A-Kanana kulutwe lienu ali, kumunukafwa ku katana; mumu hinwachina kukaula Yehova, kashika Yehova kechi kupwa hamwe ni yenu.

Kwalula 14:45

Haze hene hapalumukine A-Amaleke ni A-Kanana, aze atwamine ha we mulundu, yaalamba ni kwaonwona, ndo ku Horoma.

Shimbi 7:26

Kanda nunjisa mu mazuwo jenu chizelwokeso chimwe, kuchina munulifwa nacho mba munupwa ajila; nukachichine, nukachivwile lwaji lume; mumu kuchapwa chuma chajila.

Yoshua 6:18

Alioze yenu, lifungenu ku yuma yize hanayijilila ha kwonwona, kuchina muze hinwayijilila munwanda yize hinwajilila, chocho munwalumuna chilombo cha Izalele chuma cha kwonwona, nikunehenako lamba.

Akwa Kuyula 16:20

Pwo yamba ngwenyi, Samasone, A-Filistea hakuwana! Mba iye yalaula ha tulo, yamba ngwenyi, Mungutuhuka ngwe matangwa akwo nikulisakumwinayo. Alioze kanyingikine ngwenyi, Yehova hanangukatuka.

Akwa Kuyula 2:14

Kashika utenu wa Yehova wakasumukine hali A-Izalele; waakunjikile kuli akwa kupupa, akaapupe. Yaalanjisa ku tachi ja akwa kole jo ha kwajingilika, chocho kahashile kulimika nawa ni akwa kole jo.

Akwa Kuyula 2:4

Muze mungelo wa Yehova hamba maliji wano kuli A-Izalele eswe, alilile ni liji linene.

1 Samuel 14:38

Saulu yamba ngwenyi, Kundamenu kuno, enu miata eswe nunyingike, numone kuze kwapwa mulonga musono.