Yoshua 6:6 - MUKANDA USANDU WA ZAMBI 1975

⁶ Chocho Yoshua mwana wa Nune yasanyika asasendote, yamba kuli ayo ngwenyi, Zundulenu mushete wa usendo, mba asasendote shimbiali akambate yitavwi shimbiali ya mbinga ja kuji a mapanga kumeso ja mushete wa Yehova.

Mukanda Wa Zambi 1970

⁶ Yoshua yatambika mahako, yaalweza ngwenyi: “Andenu mushete wa Usendo. Shimbiali a kuli yenu, tetekelenu kulutwe liawo, ni kumbata yitavwi ya mbinga ja mapanga.”

Yoshua 6:6 Iomraidhean Croise

Kutuhuka 25:14

Ukanjise ye mikambo mu ngo jayo ha malumbu a mushete, ya kumbachila mushete.

Yilinga 9:1

Alioze Saulu hindu machihwilijela kwomisa nikushiha hali tumbaji twa Mwene, wayile kuli sasendote mukwa lutwe,

Yoshua 24:11

Nwazaukile Yordau, yinwiza ku Yeriku. A-Yeriku ashile jita ni yenu, chocho nawa A-Amore, ni A-Perize, ni A-Kanana, ni A-Hete, ni A-Ngikashe, ni A-Hevwe, ni A-Yepushe. Alioze naakunjikile mu moko jenu.

Yoshua 3:3

nikutuma e atu ngwo, Muze munumona mushete wa usendo wa Yehova Zambi yenu kanaumbata kuli asasendote A-Levi, hikatukenu kuze nwatwama nukaukaule,

Yoshua 3:6

Yoshua yamba kuli asasendote ngwenyi, Andenu mushete wa usendo nukatetekele e atu. O yanda mushete wa usendo yatetekela e atu.

Yoshua 6:13

Asasendote shimbiali akwa kumbata yitavwi shimbiali ya mbinga ja kuji a mapanga ayile kulutwe lia mushete wa Yehova nikuhumwona yitavwi. Mba akwa yitwa ya jita aatetekelele, ni akwa kufunga kunyima akawile mushete wa Yehova, shimbu yitavwi kuyaholele kuhanjika.

Yoshua 6:5

Muze o mahumuna liji lisuku ha mbinga ja kuji a mapanga, enu munwivwa liji lia yitavwi mba atu eswe makololoka ni liji linene. Mba chipanga-cha-mawe cha chihunda muchinungukina hashi, hanga e atu akanduke pundu mutu mweswe kumeso jenyi.

Yoshua 6:7

Yamba kuli atu ngwenyi, Senyenu, nukajinguluke chihunda. Akwa kumbata yitwa ya jita akatetekele kulutwe lia mushete wa Yehova.

Yoshua 6:8

E asasendote shimbiali atetekelele ni yitavwi shimbiali ya mbinga ja kuji a mapanga kumeso ja Yehova, nikuhumuna yitavwi. Mushete wa usendo wa Yehova wakawile chizechene ngwe Yoshua hanatumu atu.

1 Samuel 4:3

Muze atu ahetele ku chilombo makulwana ja A-Izalele ambile ngwo, Kuchi te Yehova hatulamba musono kumeso ja A-Filistea? Tusakenu mushete wa usendo wa Yehova ku Shilo, mba muze muuheta hakachi ketu muutulamwina kuli akwa kole jetu.