Yoshua 6:4 - MUKANDA USANDU WA ZAMBI 1975

⁴ Asasendote shimbiali mambata yitavwi shimbiali ya mbinga ja kuji a mapanga kulutwe lia mushete. Ha tangwa liamuchishimbiali munujinguluka chihunda yisuho shimbiali shimbu asasendote mahumuna yitavwi.

Mukanda Wa Zambi 1970

⁴ Mahako shimbiali atetekele kulutwe lia mushete wa Usendo ni kumbata yitavwi ya mbinga ja mapanga. Ha tangwa lia muchishimbiali yena ni e tujita twe chanutamba kujinga limbo yisuho shimbiali shimbu mahako anembi yitavwi.

Yoshua 6:4 Iomraidhean Croise

Ubutukilo 2:3

Zambi yawahisa tangwa liamuchishimbiali, yalisela lisandu, mumu ha lienalio yahwima ku milimo yenyi yeswe yize Zambi atangile ni yize alingile.

1 Yitanga Ya Mianangana 18:43

Yamba kuli kavumbi kenyi ngwenyi, Kanduka haliapwila utale ku kalunga-lwiji. Yaya, yatala, yamba ngwenyi, Nichimwe. Yamba ngwenyi, Yako nawa, yisuho shimbiali.

1 MIANANGANA 5:10

Elisha yatuma kanganda kuli iye ngwenyi, Yako usane mu Yordau yisuho shimbiali mba musunya we muwalumuka kuli yena, kumupema.

1 MIANANGANA 5:14

Henaho yapalumuka, yalichupika kashimbiali mu Yordau nikulita ni liji lia mutu wa Zambi, mba musunya wenyi yiwalumuka ngwe musunya wa mwana mukepe, yapema.

2 Sango Ja Mianangana 13:12

Chikwo nawa Zambi kwali hamwe ni yetu kututetekela, ni asasendote jenyi ni yitavwi ya kulungula akahumune kutulungula kulimika ni yenu. Enu A-Izalele! Kanda nwasa jita ni Yehova Zambi ya tulamba twenu, mumu kunuchi kuwahamo.

2 Sango Ja Mianangana 20:17

Kuchatambile kwasa jita, enu A-Yunda ni A-Yerusaleme. Lilongenu, manenu chizechene nukamone ulamwino wa Yehova hamwe ni yenu. Kanda nwivwa woma, kanda nulishimwoka. Hamene tuhukenu kutakana no mumu Yehova kwali hamuwika ni yenu.

2 Sango Ja Mianangana 20:19

Ni A-Levi akwa munyachi wa Kohate ni akwa munyachi wa Kora yamana ha molu akahalise Yehova, mwe Zambi ya Izalele, ni liji linene kuhiana.

2 Sango Ja Mianangana 20:21

Muze halitesa ni e atu, yatongola akwa kwimbila Yehova nikuhalisa mu upeme wa usandu shimbu matetekela tujita ngwo, Sakwilenu kuli Yehova, mumu utu wa zango lienyi wa mutolo.

Jobe 42:8

Kashika andenu kuji a ngombe shimbiali ni kuji a panga shimbiali nuye kuli kavumbi kami Jo. Munulambula hali yenwene mulambu wa kulumba mba kavumbi kami Jo manulembela mumu mungupanjika ku kulemba chenyi, chichi kunulinga nikulita ni uhepuke wenu mumu kunwahanjikile kanawa ha kutwala kuli yami ngwe kavumbi kami Jo walingile.

Izaya 27:13

Ha tangwa lize mahumuna chitavwi chinene, ni waze anatoko mu chifuchi cha Asuria ni waze aahumine aye ku Engitu meza akawayile Yehova ha mulundu usandu ku Yerusaleme.

Alevi 14:16

Akachupike songo lia munwe wenyi wa chindume mu maji ali mu kwoko lienyi lia chimeso, akasapwile amwe maji ni munwe wenyi yisuho shimbiali kumeso ja Yehova.

Alevi 4:6

Mba sasendote akachupike munwe wenyi mu manyinga akasapwile amwe manyinga yisuho shimbiali kumeso ja Yehova kulutwe lia chikalakala cha hina cha muma musandu.

Zakaria 4:2

Yamba kuli yami ngwenyi, Yika unamono? Yingwamba ngwami, Ngunamono chikwachilo cha ndeya cheswe cha oru. Chili ni musenge helu liacho, ni ndeya shimbiali jiliho. Ndeho jize jiliho yimwe ha yimwe yili ni tumihembo shimbiali.

Zakaria 4:6

Aye yamba kuli yami ngwenyi, Lie liji lino lia Yehova kuli Zorobabele ngwenyi, Yehova-wa-Tujita kanambe ngwenyi, Hi ku ndundo ko hanji ku ngolo alioze kuli Spiritu yami.

Kwalula 23:1

Mbalau yamba kuli Mbalake ngwenyi, Ungutungile kuno yilumbilo shimbiali, ungululikile kuno kuji a ngombe shimbiali ni kuji a mapanga shimbiali.

Yoshua 6:13

Asasendote shimbiali akwa kumbata yitavwi shimbiali ya mbinga ja kuji a mapanga ayile kulutwe lia mushete wa Yehova nikuhumwona yitavwi. Mba akwa yitwa ya jita aatetekelele, ni akwa kufunga kunyima akawile mushete wa Yehova, shimbu yitavwi kuyaholele kuhanjika.

Yoshua 6:3

Munujinguluka chihunda; tujita eswe majinguluka chihunda kamuwika. Chocho munulinga ha matangwa asambano.

Yoshua 6:5

Muze o mahumuna liji lisuku ha mbinga ja kuji a mapanga, enu munwivwa liji lia yitavwi mba atu eswe makololoka ni liji linene. Mba chipanga-cha-mawe cha chihunda muchinungukina hashi, hanga e atu akanduke pundu mutu mweswe kumeso jenyi.

Usolwelo 1:20

Chijimbikilo cha matongonoshi shimbiali waze hiwamona ha kwoko liami lia chindume, ni yikwachilo shimbiali ya ndeya ya oru ngwami, Matongonoshi shimbiali, angelo ja yikungulwila shimbiali; ni yikwachilo shimbiali ya ndeya, yikungulwila shimbiali.

Usolwelo 1:4

Yami. Yoano ngunasoneka ku yikungulwila shimbiali yize yili mu Eshia: Vumbi kuli yenu ni sambukila ya kuli yoze kwali, yoze wapwile, yoze meza kupwa: ni ya kuli Maspiritu shimbiali waze ali kulutwe lia ngunja yenyi;

Usolwelo 10:3

Iye wakololokele ni liji linene, ngwe ndumba mahanjika lundunjila: ni muze akololokele, kukulunguza shimbiali chahanjikile maliji jacho.

Usolwelo 15:1

Mba namwene chilayi chikwo mwilu, chinene cha kukomwesa, angelo shimbiali kali ni lamba shimbiali, lie lamba lia kusula, mumu ufwatulo wa Zambi muumanunuka.

Usolwelo 15:7

Mba umwe wa kuli akwa mwono awana wahanyine kuli angelo shimbiali misenge shimbiali ya oru yinazala ni ufwatulo wa Zambi, yoze mukwa mwono ndo ku miaka yeswe ya mutolo.

Usolwelo 16:1

Mba nevwile liji linene lia kukatuka ku tembele, Unambe kuli angelo shimbiali ngwo, Yénu, nukamwange misenge ya ufwatulo wa Zambi hashi.

Usolwelo 5:1

Namwene ha kwoko lia chindume lia yoze Watwamine ha ngunja mukanda unasonewa muchima ni hanyima, wa kujika chikolo ni yijikilo shimbiali.

Usolwelo 5:6

Mba namwene mukachi ka ngunja ni akwa mwono awana, ni mukachi ka makulwana, mwana-panga kanamana ngwe hamushiha, kali ni mbinga shimbiali, ni meso shimbiali, eno maspiritu shimbiali a Zambi a kutumiwa hashi heswe.

Usolwelo 8:2

Mba namwene angelo shimbiali waze akumana kumeso ja Zambi: aahele yitavwi shimbiali.

Usolwelo 8:6

Mba angelo shimbiali, waze apwile ni yitavwi shimbiali, alilulikile hanga embe ni yitavwi yo.