Yoshua 6:3 - MUKANDA USANDU WA ZAMBI 1975

³ Munujinguluka chihunda; tujita eswe majinguluka chihunda kamuwika. Chocho munulinga ha matangwa asambano.

Mukanda Wa Zambi 1970

³ Yena ni tujita twe jingenu limbo chisuho chimuwika tangwa ha tangwa ndoo matangwa asambano.

Yoshua 6:3 Iomraidhean Croise

2 Sango Ja Mianangana 4:3

Kushi lialwo kwapwile ngwe kulifwa cha ngombe a kujingilikako ha kumi lia mbandu jinguluke kweswe. E ngombe apwile mu mikala yiali a kuzuzulula hamuwika nalwo.

Kwalula 14:9

Chuma chimuwika, kanda nukolema Yehova, chipwe kanda nuvwila woma atu atwama mu chifuchi, o kanapu kulia chetu; chize malikwasa nacho hichaachina. Yehova hwali hamwe ni yetu. Kanda nwavwila woma.

2 Korintu 4:7

Alioze upite uno tuli nawo mu yikwachilo ya uma, hanga kuhiana cha tachi chikapwe cha kuli Zambi, hi cha kuli yetwene ko.

Yoshua 6:11

Chocho watumine mushete wa Yehova ukajinguluke chihunda, nikujinga kamuwika. Mba yahilukila ku chilombo nikupombako.

Yoshua 6:14

Tangwa liamuchiali ajingulukile chihunda kamuwika mba yahilukila ku chilombo. Chocho alingile matangwa asambano.

Yoshua 6:2

Kashika Yehova yamba kuli Yoshua ngwenyi, Kwamwene! Hinakwaha Yeriku mu kwoko lie hamuwika ni mwanangana wo ni yitakame, akwa hamu.

Yoshua 6:4

Asasendote shimbiali mambata yitavwi shimbiali ya mbinga ja kuji a mapanga kulutwe lia mushete. Ha tangwa liamuchishimbiali munujinguluka chihunda yisuho shimbiali shimbu asasendote mahumuna yitavwi.

Yoshua 6:7

Yamba kuli atu ngwenyi, Senyenu, nukajinguluke chihunda. Akwa kumbata yitwa ya jita akatetekele kulutwe lia mushete wa Yehova.