Yoshua 6:25 - MUKANDA USANDU WA ZAMBI 1975

²⁵ Alioze mwe chikoi Rahape, ni akwa zuwo lia tato, e atu jenyi eswe, Yoshua waalamwinyine ni mwono. Mba iye kanatwama mu Izalele ndo musono mumu waswekele tunganda aze Yoshua watumine akendese Yeriku.

Mukanda Wa Zambi 1970

²⁵ Alioze Yoshua yalamwina chitanji Rahabe ni usoko wenyi eswe, mumu waswekele ngendeshi waze atumine ni kwendesa Yeriku. (Vungu lienyi liatwama mu Israele ndoo ni musono.)

Yoshua 6:25 Iomraidhean Croise

Mateu 1:5

Salamone wasemene Mboaze kuli Rahape; Mboaze wasemene Opete kuli Rute; Opete wasemene Yese;

Yilinga 2:21

Mba kumuchikapwa, mweswawo matambika ha jina lia Mwene kumakamulamwina.

Hebreu 11:31

Ku Ufulielo Rahape, chikoi, katokeleko hamwe ni waze kononokeneko, se watambwile ngendeshi ni sambukila.

Tiangu (Jake) 2:25

Chizechene nawa kasambishile chikoi Rahape ku yitanga, muze azekele tunganda, aakatwishile ku jila yeka, nyi?

Yoshua 2:1

Ku Shitime Yoshua mwana wa Nune watumine malunga aali ngendeshi ngwe ku tenga ngwenyi, Yénu nukatale chifuchi ni Yeriku. O yaya, yaheta ku zuwo lia umwe chikoi jina lienyi, Rahape. Yapombako.

Yoshua 2:18

Muze mutunjila mu chifuchi ena mukashila kamuhipu kano kachila mu njanela yino unatusunwishinamo. Mba mukungulula mu zuwo lie tatenu ni noko, ni mandumbu je ni akwa zuwo lia tatenu eswe.

Yoshua 2:4

Alioze mwe pwo te handa malunga aze aali, haasweka. Ngwenyi, Chamwenemwene malunga ezanga kuli yami alioze Chanyingikine kuze akatuka.

Yoshua 2:6

Alioze iye haatwala helu lia zuwo, haasweka ni mishachi ya linyu yize kanayanyika ha zuwo.

Yoshua 4:9

Yoshua yalumbika kumi lia mawe ni mawe aali mukachi ka Yordau, kuma kuze kwamanyine yiliato ya asasendote anambata mushete wa usendo. Kokwene kwali ndo musono.