Yoshua 6:24 - MUKANDA USANDU WA ZAMBI 1975

²⁴ Ochele chihunda ni kahia ni yuma yeswe yapwilemo. Prata wika ni oru, ni yikwachilo ya unengu ni ya utale asele mu milambu ya zuwo lia Yehova.

Mukanda Wa Zambi 1970

²⁴ Mba yoocha limbo ni yuma yamo yeswe, shina lume yuma yakulinga ni oru, ni prata, ni unengu, ni utale. Yenayo ambachile nikuyisa mu mushete wa Mwene Zambi.

Yoshua 6:24 Iomraidhean Croise

2 Samuel 10:5

Muze hambulwila David, iye yatuma kwapatwiza mumu sonyi jinji evwile. Kashika mwanangana yamba ngwenyi, Twamenu ku Yeriku ndo wevu wenu hiwasuha, mba munwiza.

1 MIANANGANA 25:9

Yocha zuwo lia Yehova, ni zuwo lia mwanangana. Mazuwo eswe a mu Yerusaleme, e mazuwo eswe anene yaocha ni kahia.

1 Sango Ja Mianangana 18:11

Yino nawa mwanangana David yatumbikila kuli Yehova hamuwika ni prata ni oru yize yatumbikila ya ku mavungu eswe, ya Endome, ni Moape, ni A-Amone, ni A-Filistea, ni A-Amaleke.

Kwalula 31:10

Yocha ni kahia membo jo eswe muze atwamine, ni yilombo yo yeswe.

Shimbi 13:16

Nukakungile upite walio weswe mukachi ka tapalo lialio, nwoche lie limbo ni kahia, ni upite weswe lukombo kuli Yehova Zambi yenu, likapwe mulumba wa mutolo. Kanda alitunga nawa.

Shimbi 13:17

Niyimwe ya yuma yajila kanda nuyikwata ni moko jenu, hanga Yehova alumuke ku usasu wa utenu wenyi, anuvwile keke, anuvwile vumbi, anwokese, ngwe alishingile kuli tulamba twenu,

Shimbi 20:16

Ahoze membo a atu ano Yehova Zambi yenu ananweho apwe chihinga, kanda nukafunga niumwe wa mwono wakuhwima mwiku,

Yoshua 11:11

Yashiha ni katana waze eswe apwilemo, nikwanongesa liakulu. Niumwe wa kuhwima mwiku wasalilemo. Mba yocha Hazore ni kahia.

Yoshua 6:19

Alioze yuma yeswe ya prata ni ya oru, ni yikwachilo ya unengu ni ya utale, yapwa yisandu kuli Yehova. Munuyisa mu milambu ya Yehova.

Yoshua 6:25

Alioze mwe chikoi Rahape, ni akwa zuwo lia tato, e atu jenyi eswe, Yoshua waalamwinyine ni mwono. Mba iye kanatwama mu Izalele ndo musono mumu waswekele tunganda aze Yoshua watumine akendese Yeriku.

Yoshua 8:28

Chocho Yoshua yocha Ayi. Yachipwisa mulumba wa yiswaswa wa mutolo, chize chapwa ndo musono.

Usolwelo 17:16

Ni kumi lia mbinga jize hiwamona, ni ngongo, wano kumakapwa ni kole kuli chikoi, makamupwisa wa hululu, makamupwisa ni uselesele, makalia musunya wenyi, makamwocha ni kahia.

Usolwelo 18:8

Kashika ha tangwa limuwika lamba lienyi kumulikeza, kufwa ni kunenganyana, ni kapunga; kumakamwocha ni kahia; mumu mukwa ngolo, Mwene Zambi yoze wakumupatwila.