Yoshua 6:21 - MUKANDA USANDU WA ZAMBI 1975

²¹ Aho onwene liakulu waze eswe apwile mu chihunda, ni malunga ni mapwo, twanuke ni makulwana, ni ngombe, ni mapanga, ni yimbulu, eswe ni katana.

Mukanda Wa Zambi 1970

²¹ Yaashiha atu eswe mu limbo ni mikwale, malunga ni mapwo, makulwana ni twanuke. Yaashiha nawa ngombe, ni mapanga, ni yimbulu.

Yoshua 6:21 Iomraidhean Croise

1 Yitanga Ya Mianangana 20:42

Profeta yamba kuli iye ngwenyi, Yehova kanambe ngwenyi, Ena, hiwatusula mu kwoko lie lunga yoze yami hinafunjika kumwonwona kashika mwono we muusalakana mwono wenyi ni atu je masalakana atu jenyi.

Jeremia 48:18

Ena watwama mu Ndibone! Katuka ku uhenya we, ukatwame ha mavu a chau! Mumu mukwa kwonwona Moape haneza kulimika ni yena; hanonwona yihunda ye ya tachi.

Shimbi 13:16

Nukakungile upite walio weswe mukachi ka tapalo lialio, nwoche lie limbo ni kahia, ni upite weswe lukombo kuli Yehova Zambi yenu, likapwe mulumba wa mutolo. Kanda alitunga nawa.

Shimbi 2:34

Yitulwa membo jenyi eswe ha mwaka uze. Yitwonwona liakulu membo eswe, ni malunga, ni mapwo, ni ana akepe. Kutwalajhichikile niumwe, chipwe umuwika, ka.

Shimbi 7:16

Munukamanuna mavungu eswe Yehova Zambi yenu makakunjika kuli yenu, meso jenu kanda akaavwila keke. Kanda nukavumbika tuzambi two, mumu acho muchipwa kambwila kuli yenu.

Yoshua 10:28

Tangwa lioliene Yoshua yatambula chihunda cha Makeda nikulamba atu jako ni mwanangana wako ni katana. Yanongesa liakulu atu jamo eswe, niumwe wasala wakuhi. Kuli mwanangana wa Makeda yalinga chizechene ngwe halinga ni mwanangana wa Yeriku.

Yoshua 10:39

yachitambula, ni mwanangana wacho ni yihunda yacho yeswe nikwalamba ni katana, nikunongesa atu jamo eswe. Niumwe wasala wakuhi, chizechene ngwe halinga ku Heprone, ni ku Libna ni mwanangana wamo, chocho yalinga ku Ndebire ni mwanangana wamo.

Yoshua 11:11

Yashiha ni katana waze eswe apwilemo, nikwanongesa liakulu. Niumwe wa kuhwima mwiku wasalilemo. Mba yocha Hazore ni kahia.

Yoshua 11:14

Upite weswe wa yihunda yize hamwe ni yimuna A-Izalele yatambula yikapwe niyo. Alioze e atu aashihile eswe ni katana ndo haanongesa. Kukwasalile niumwe ni mwiku wa mwono.

Yoshua 8:2

Munukalinga ku Ayi ni mwanangana wacho chizechene ngwe nuna-kalinga ku Yeriku ni mwanangana wacho, alioze upite wamo ni yimuna jamo munutambula yikapwe upite wenu. Sako akwa kujikinyina kwe kunyima lia chihunda.

Yoshua 8:22

Akwo nawa atuhukile mu chihunda a kulimika no. Chocho apwile mukachi ka A-Izalele, amwe sali lino, amwe sali lize. Mba A-Izalele yaalamba ndo kukwasalile umuwika hanji wa kwomboka hanji wa kuchina.

Yoshua 9:3

Alioze akwa Ngibeone muze evwile chize Yoshua halinga kuli A-Yeriku ni A-Ayi,

Usolwelo 18:21

Mba mungelo wa ngolo wanjile liwe ngwe liwe linene ha kutwa nalio, walinyashine mu kalunga-lwiji, ngwenyi, Chocho ni tachi kumakanyasa hashi Babilonia, lie limbo linene, ni kechi kaliwana nawa nichimwe.

1 Samuel 15:3

Kashika yako haliapwila ukalambe Amaleke ukonwone yize yeswe ali nayo. Kanda uavwila keke alioze shiha malunga, ni mapwo, ni twanuke ni akwa kwamwa, ni ngombe, ni mapanga, ni tumelu, ni yimbulu.

1 Samuel 15:8

Yakwata Agage mwanangana wa A-Amaleke wa mwono. Yanongesa liakulu atu eswe ni tutana.