Yoshua 6:2 - MUKANDA USANDU WA ZAMBI 1975

² Kashika Yehova yamba kuli Yoshua ngwenyi, Kwamwene! Hinakwaha Yeriku mu kwoko lie hamuwika ni mwanangana wo ni yitakame, akwa hamu.

Mukanda Wa Zambi 1970

² Mwene Zambi yambila Yoshua ngwenyi: “Tala, hinakunjika Yeriku mu moko jenu, hamwe ni mwe mwanangana walio ni e tujita twalio eswe a tachi.

Yoshua 6:2 Iomraidhean Croise

2 Samuel 5:19

David yahula Yehova ngwenyi, Ngukanduke ngukase jita ni A-Filistea nyi? Muakunjika kuli yami, nyi? Yehova yamba kuli David ngwenyi, Kanduka, mumu pundu mungukunjika A-Filistea kuli yena.

Nehemia 9:24

Chocho e ana anjilile ni kuzuka chifuchi, ni yena wazeyesele enya chifuchi kumeso jo, ngwami, A-Kanana; waakunjikile mu moko jo hamwe ni mianangana jo ni mavungu a chifuchi akalinge no cheswacho azangile.

Daniel 2:21

Iye kakwalumuna miaka ni tungonde; kakuchiza mianangana; kakumika mianangana. Kakuhana mana kuli akwa mana; kakuhana yinyingi kuli waze yuma muyialumbunuka.

Daniel 2:44

Ha matangwa ja mianangana aze Zambi ya mwilu makakolesa umwe wanangana uze kuuchi kanonga. Chipwe chiyulo chawo kechi kachiswanyisa kuli atu eka. Muukafwenya mawanangana ano akwo ni kwasulisa, alioze wene muukakola wa mutolo,

Daniel 4:17

Upatwilo uno wa ku shimbi ja tulayi; chiyulo chino cha ku liji lia asandu hanga akwa mwono akanyingike, mwe Chitunda kakuyula mu wanangana wa atu, kakuuhana kuli mweswawo mapala; kakusa alelu chikolo hakachi ka atu akauyule.

Daniel 4:35

Akwa hashi eswe kapwa ngwe nichimwe; iye kakulinga upale wenyi hakachi ka akwa mwilu ni hakachi ka akwa hashi. Iya makwika kwoko lienyi, hanji mamwamba ngwenyi, Yika unalingi?

Daniel 5:18

Enu mwanangana, Zambi Chitunda yahana kuli tatenu Nabukanezore wanangana, ni unene, ni uhenya, ni ulamba;

Shimbi 7:24

Iye kumakakunjika mianangana jo mu moko jenu; enu kumunukajimisa majina jo kushi lia malilu, kukuchi kapwa mutu niumwe wa kumana kumeso jenu, ndo munukaonwona.

Yoshua 12:9

Mwanangana wa Yeriku, umuwika, ni mwanangana wa Ayi hehi ni Mbetele, umuwika,

Yoshua 2:24

Yamba kuli Yoshua ngwo, Chamwenemwene Yehova hakunjika chifuchi cheswe mu moko jetu. Chikwo nawa akwa chifuchi eswe analezumuka ha mukunda wa yetu.

Yoshua 2:9

Yamba kuli malunga ngwenyi, Ngunanyingika ngwami, Yehova hanwaha chifuchi, ni woma wa yenu hiwatukwata. Chikwo nawa akwa chifuchi eswe anasangunuka kumeso jenu.

Yoshua 20:1

Henaho Yehova yamba kuli Yoshua ngwenyi,

Yoshua 6:1

Acho chihunda cha Yeriku hachiyika muchima ni haze mumu hali A-Izalele. Niumwe watuhukile, niumwe wanjilile.

Yoshua 6:3

Munujinguluka chihunda; tujita eswe majinguluka chihunda kamuwika. Chocho munulinga ha matangwa asambano.

Yoshua 8:1

Yehova yamba kuli Yoshua ngwenyi, Kanda wivwa woma hanji mwongo. Twala tujita eswe, katuka uye ku Ayi. Hinakunjika mwanangana wa Ayi, ni atu jenyi, ni chihunda chenyi, ni chifuchi chenyi mu kwoko lie.

Akwa Kuyula 11:21

Alioze Yehova mwe Zambi ya Izalele yakunjika Sahone ni atu jenyi eswe mu moko ja A-Izalele akaakumbe. Chocho A-Izalele azukile chifuchi cheswe cha A-Amore waze atwamine mu chifuchi chize.

Akwa Kuyula 11:24

Yika wachina kuzuka chize zambi ye Chemoshe hakwaha kuzuka? Mba chize cheswe Yehova Zambi yetu hakumba kulutwe lietu yetu mutuzuka.