Yoshua 6:19 - MUKANDA USANDU WA ZAMBI 1975

¹⁹ Alioze yuma yeswe ya prata ni ya oru, ni yikwachilo ya unengu ni ya utale, yapwa yisandu kuli Yehova. Munuyisa mu milambu ya Yehova.

Mukanda Wa Zambi 1970

¹⁹ Yuma yeswe yakulinga ni prata, ni oru, ni unengu, ni utale, yili ya chijila, ya mbala ya Mwene Zambi. Chatamba kuyisa mu mushete wa Mwene Zambi.”

Yoshua 6:19 Iomraidhean Croise

2 Samuel 8:11

Yino nawa mwanangana David yatumbikila kuli Yehova hamuwika ni prata ni oru yize yatumbikila va ku mavungu eswe haakumba,

1 Yitanga Ya Mianangana 14:26

Yachiza upite wa zuwo lia Yehova ni upite wa zuwo lia mwanangana; weswe lume, yaumbata. Yambata kepwe jeswe ja oru jize Solomone walingile.

1 Yitanga Ya Mianangana 7:51

Chocho milimo yeswe ya mwanangana Solomone mu zuwo lia Yehova yayimana. Mba Solomone yaneha yuma yize tato David hatumbikila; ni prata, ni oru, ni yikwata, yayisa mu yikwachilo ya upite mu zuwo lia Yehova.

1 MIANANGANA 24:13

Mba yachizako upite weswe wa zuwo lia Yehova, ni wa zuwo lia mwanangana. Yateta yipinji yikwachilo yeswe ya oru yize Solomone mwanangana wa Izalele walingile mu tembele ya Yehova, nikulita ni liji lia Yehova.

1 Sango Ja Mianangana 18:11

Yino nawa mwanangana David yatumbikila kuli Yehova hamuwika ni prata ni oru yize yatumbikila ya ku mavungu eswe, ya Endome, ni Moape, ni A-Amone, ni A-Filistea, ni A-Amaleke.

1 Sango Ja Mianangana 26:20

A kuli A-Levi Ahija wapwile helu lia upite wa zuwo lia Zambi, ni upite wa yuma ya kutumbikila.

1 Sango Ja Mianangana 26:26

Yono Shelomote ni usoko wenyi ayulile upite weswe wa yuma ya kutumbikila, yize atumbikilile kuli mwanangana David, ni akwa lutwe mu minyachi ya atato, ni tupitau twa tununu ni twa kulakaji, ni tupitau twa tujita.

1 Sango Ja Mianangana 26:27

Te yatumbikila ku milimo ya kululika zuwo lia Yehova chihanda cha upite uze apupile mu jita.

1 Sango Ja Mianangana 26:28

Ni upite uze atumbikilile nawa Samuel mukwa kumona, ni Saulu mwana Kishi, ni Abenere mwana Nere, ni Joabe mwana Zeluia. Mweswawo watumbikilile chimwe chuma chapwile ku chiyulo cha Shelomote ni usoko wenyi.

1 Sango Ja Mianangana 28:12

ni cheseko cha yuma yeswe hatambula kuli Spiritu, ha maze a zuwo lia Yehova, ni mazuwo eswe a kujingilika, ni ha mazuwo a upite wa zuwo lia Zambi, ni ha mazuwo a upite wa yuma ya kutumbikila,

2 Sango Ja Mianangana 15:18

Yaneha mu zuwo lia Zambi yuma yize tato hatumbikila, ni yuma yize iye hatumbikila: prata, ni oru, ni yikwachilo.

2 Sango Ja Mianangana 31:12

Mba yanehamo kanawa kanawa milambu, ni yihanda ya kumi, ni yuma ya kutumbikila. Mukwa kuyiyula Ka-Levi Kononia, ni chikwashi chenyi mwanakwo Shimei.

Nehemia 10:38

Ni mwe sasendote mwana Arone mapwa hamwe ni A-Levi muze matambula yihanda ya kumi. Mba A-Levi maneha chihanda cha kumi cha yihanda ya kumi ku zuwo lia Zambi yetu ku yipatulo mwe mu zuwo lia upite.

Jeremia 38:11

Chocho Ebede-meleke yaya ni e malunga; yaya ku zuwo lia mwanangana ku chisweko chimwe cha mazalo mu zuwo lia kutulikila. Yachizamo yipuzu yikulu ni mazalo amwe apapujoka; yayisosela kuli Jeremia mu wina ni mihipu.

Alevi 19:24

Ha mwaka wamuchiwana mihuko yayo muyikapwa yisandu, muyikapwa mulambu wa uhaliso kuli Yehova.

Mika 4:13

Mwana-pwo Zaione, katuka uzungule! Mumu mungupwisa mbinga ye ya utale, ni sende je ja unengu ukapalwole mavungu anji. Kumukatumbikila kufumbuka cho kuli Yehova; upite wo mukauhana kuli Mwene wa hashi heswe.

Kwalula 31:11

Yatambula yikumba yeswe ni yuma yeswe ya kupupa, ni atu ni yimuna.

Kwalula 31:12

Yahetesa funge ni yuma ya kupupa, ni yikumba kuli Mose ni kuli sasendote Eleazare, ni ku chikungulwila cha A-Izalele, ku chilombo mu yana ya Moape, yapwile ku sesa Ha Yordau, ku Yeriku.

Kwalula 31:22

Hindu oru, ni prata, ni unengu, ni utale, ni chifoya, ni shumbu,

Mateu 27:6

Mba asasendote akwa lutwe anjile mbongo ja prata, ngwo, Kuchalitele ni shimbi kujisa mu milambu ya tembele, se ndando ya manyinga.

Marku 12:41

Yesu Watwamine hatalanganyi ni chikasa cha milambu, wamwene ngwe chize mbunga ambilile mbongo mu chikasa cha milambu, ni pichi anji ambililemo.

Yoshua 7:11

A-Izalele hanavulumuna. Hanatangula usendo wami uze naatumine. Hanande yimwe ya yuma yajila. Haneyi, hahanjika mahuza, hayisweka hakachi ka yuma yo.