Yoshua 6:18 - MUKANDA USANDU WA ZAMBI 1975

¹⁸ Alioze yenu, lifungenu ku yuma yize hanayijilila ha kwonwona, kuchina muze hinwayijilila munwanda yize hinwajilila, chocho munwalumuna chilombo cha Izalele chuma cha kwonwona, nikunehenako lamba.

Mukanda Wa Zambi 1970

¹⁸ Alioze kanda nwanda Chuma nichimwe chize chatamba kufwenya Nyi ngwe nwachilinga, munukoka lamba ha musumba wa Aisraele awonone.

Yoshua 6:18 Iomraidhean Croise

2 Samuel 21:1

Kwapwile kapunga ha matangwa a David miaka yitatu mwaka ha mwaka. David wahulile kuli Yehova. Yehova yamba ngwenyi, Chino chuma chapwa mumu hali Saulu ni munyachi wenyi wa kumwanga manyinga, mumu washihile A-Ngibeone.

Longeshi 9:18

Mana makumba yitwa ya jita alioze chivulumunyi umuwika matambula yuma yipema yinji.

Yona 1:12

Iye yamba kuli ayo ngwenyi, Nungwande, nungumbile mu kalunga-lwiji. Chocho manuholela. Mumu ngunanyingika ngwami, Ha mukunda wa yami kangonga yono munene hanutula.

A-ROMA 12:9

Zango likapwe kulishi ulembekese. Ivwenu lwaji ha ungulungulu; lalaminyenu ku yipema.

2 Korintu 6:17

Kashika tuhukenu mukachi ko, lihandununenu kuli ayo, chocho anambe Mwene, kanda nukwata ku chuma cha luchisa; mba mungukanutambula,

Efesu 5:11

Kanda nuliendela ni yitanga ya kuseka ya milima, alioze Shinaho kuyikanjisa.

Shimbi 13:17

Niyimwe ya yuma yajila kanda nuyikwata ni moko jenu, hanga Yehova alumuke ku usasu wa utenu wenyi, anuvwile keke, anuvwile vumbi, anwokese, ngwe alishingile kuli tulamba twenu,

Shimbi 23:10

Kachi mukupwa mukachi kenu lunga umwe kapemene mumu ha mukunda wa chuma chamuwana ha ufuku, atuhuke haze lia chilombo, kanda anjila muchima lia chilombo.

Shimbi 7:26

Kanda nunjisa mu mazuwo jenu chizelwokeso chimwe, kuchina munulifwa nacho mba munupwa ajila; nukachichine, nukachivwile lwaji lume; mumu kuchapwa chuma chajila.

Tiangu (Jake) 1:27

Uwayilo upema kuushi luchisa kumeso ja Zambi kanda ja mwe Tata, uno, Kunangisa ana-ashiwa ni twamishi ja mapwo mu luyinda wo, ni kulitunga mwene keshi chipeka ku yuma ya hano hashi.

Yoshua 7:1

Alioze A-Izalele avulumwine ha kutwala ku yuma yajila. Mumu Akane mwana wa Kame, mwana wa Zapati, mwana wa Zera wa ku munyachi wa Yunda wanjile yimwe ya yuma yajila. Kashika utenu wa Yehova walekwokele kuli A-Izalele.

Yoshua 7:13

Katuka! Selenu e atu ku usandu. Amba ngwe, Liselenu ku usandu ha tangwa lia hamene. Mumu chocho kanambe Yehova Zambi ya Izalele ngwenyi, Yuma yajila kuyili hakachi kenu A-Izalele. Kunuchi kuhasa kumana kumeso ja akwa kole jenu ndo munuchiza yino yuma yajila hakachi kenu.

Yoshua 7:15

Mba yoze mamuwana ni ye yuma yajila akamwoche ni kahia, ni mwene ni yuma yenyi yeswe, mumu hanatangula usendo wa Yehova. Chikwo nawa hanalingi chuma cha kukolesa sonyi mu Izalele.

Yoshua 7:25

Yoshua yamba ngwenyi, Kuchi te hiwatukokela lamba? Kashika Yehova makulamba musono. A-Izalele eswe yamwasa mawe. Yaocha ni kahia nikwaasa mawe.

1 Yoano 5:21

Ana akepe, lifungenu ku mahamba. Amene.

1 Samuel 15:9

Saulu ni e atu kashihile Agage ni yimuna apema hakachi ka mapanga, ni ngombe, ni yimbembe a maji, ni ana-mapanga, ni yuma yeswe yipema; kasolo kwanongesa. Alioze api eswe, amokomoko o aanongesene liakulu.