Yoshua 6:15 - MUKANDA USANDU WA ZAMBI 1975

¹⁵ Tangwa liamuchishimbiali yalimeneka he ha kucha. Yajinguluka chihunda chizechene yisuho shimbiali. Tangwa lioliene wika ajingulukile chihunda yisuho shimbiali.

Mukanda Wa Zambi 1970

¹⁵ Ha tangwa lia muchishimbiali yaalimeneka muze te hikwabatwoka ngwangwangwa. Yaajinga limbo chizechene nawa; yaachilinga yisuho shimbiali. Shina tangwa lize limuwika ajingile limbo yisuho shimbiali.

Yoshua 6:15 Iomraidhean Croise

Miaso (Masamu) 119:147

Naliangile kusanyika shimbu kanda kucha. Nataliletalile maliji je.

Mateu 28:1

Achi, kulutwe lia Sambata, shimbu kwaputukile kutemwoka ha tangwa litangu lia semana, Maria Ka-Mandala ni Maria mukwo ayile mukutala fuka.

Hebreu 11:30

Ku Ufulielo yipanga ya Yeriku yapuzukile, muze te hayijinguluka matangwa shimbiali.

Yoshua 3:1

Ha chimenemene Yoshua yakatuka ku Shitime hamuwika ni A-Izalele eswe. Yaheta ku Yordau, yapombako shimbu kanda azauka.

Yoshua 6:14

Tangwa liamuchiali ajingulukile chihunda kamuwika mba yahilukila ku chilombo. Chocho alingile matangwa asambano.

Yoshua 6:16

Ha chisuho chamuchishimbiali, muze asasendote hahumuna yitavwi, Yoshua yamba kuli atu ngwenyi, Kololokenu mumu Yehova hanwaha che chihunda.

2 Petulu 1:19

Ni yetu, liji lia uprofeto tuli nalio, hanalikolesa kuhiana chikolo; munulinga kanawa nuliononokene ngwe ku ndeya ya kupanguka mu milima, ndo tangwa mulicha, ni mukwa pangu mavumbuka mu mbunge jenu.