Yoshua 5:6 - MUKANDA USANDU WA ZAMBI 1975

⁶ Mumu A-Izalele endele makumi awana a miaka mu puya ndo lie vungu lieswe, e matanga eswe a jita afwile, waze akatukile ku Engitu, mumu kapanjikile ku liji lia Yehova. Kuli ayo Yehova walishingile ngwenyi, Kunuchi kumona chifuchi chize Yehova walishingile kuli tulamba twenu kuhana kuli yenu, chifuchi kuze kunokela yamwa ni wuchi.

Yoshua 5:6 Iomraidhean Croise

Miaso (Masamu) 107:4

Endanganyine mu puya mu jila ya makango. Kawanyine chihunda cha kutwamamo.

Kutuhuka 3:17

Hinamba ngwami, Mungukanuchiza ku luyinda wa Engitu, mungukanutwala ku chifuchi cha A-Kanana, ni A-Hete, ni A-Amore, ni A-Perize, ni A-Hevwe, ni A-Yepushe, ku chifuchi kuze kunokela yamwa ni wuchi.

Kutuhuka 3:8

Hinahulumuka mukwapulula ku moko ja A-Engitu, mukwachiza ku chifuchi chize, mukwatwala ku chifuchi chipema, chinene, ndo ku chifuchi kuze kunokela yamwa ni wuchi, ndo ku chihela cha A-Kanana, ni cha A-Hete, ni cha A-Amore, ni cha A-Perize, ni cha A-Hevwe, ni cha A-Yepushe.

Jeremia 2:2

Yako ukambe mu matwi ja A-Yerusaleme ngwe, Yehova kanambe ngwenyi, Ngunewuluka kulalaminya cha ukweze we ni zango lie lia ndungi, chize wangukawile mu puya mu chifuchi chize kakuwilemo mbuto.

Ezekiel 20:15

Chikwo nawa nalishingile kuli ayo mu puya ngwami, Chichi kanutwala ku chifuchi chize nanuhele, chifuchi chinokela yamwa ni wuchi, chifuchi chahiana yifuchi yeswe ni uhenya,

Ezekiel 20:6

Ha tangwa lize nalishingile kuli ayo kwachiza mu chifuchi cha Engitu nikwaneha ku chifuchi hinaafupila; chifuchi chinokela yamwa ni wuchi, che chifuchi chahiana yifuchi yeswe ni uhenya.

Joele 3:18

Ha tangwa lize milundu muyikasutwoka vinyu yipema, ni mindundena muyikapukumuna yamwa. Yitwetwe yeswe ya Yunda muyikazala ni meya. Mba fuji limwe mulikapukukila mu zuwo lia Yehova nikutuchikisa chana cha Shitime.

Kwalula 14:23

o kechi kamona wate che chifuchi nalakenyene ni shingo kuhana kuli tulamba two, chipwe niumwe wa kuli ayo angunyehwine kechi kachimona.

Kwalula 26:63

Wano a kwalula kuli Mose ni sasendote Eleazare; o yalula A-Izalele mu yana ya Moape, ku sesa lia Yordau mu Yeriku.

Shimbi 1:3

Mba ha mwaka makumi awana, ha kakweji kumi ni limuwika, ha tangwa litangu lia mwe kakweji, Mose yamba kuli A-Izalele, nikulita ni yeswe amuhele Yehova ni shimbi hali ayo,

Shimbi 2:14

Katuke ku Kandeshe-Mbania ndo twazaukile chitwetwe cha Zerede kwapwile makumi atatu a miaka ni miaka nake, ndo chisemuko cheswe cha tujita chakuwile ku chilombo, ngwe Yehova alishingile kuli ayo.

Shimbi 2:7

Mumu te Yehova Zambi yenu hananuwahisa ni milimo yeswe ya moko jenu, iye kananyingika kwendangana chenu mu puya yino yinene. Makumi aze awana a miaka Yehova wapwile hamwe ni yenu, kunwahonene nichimwe.

Shimbi 8:4

Mazalo jenu kafwile hali yenu, molu jenu nawa kajimbile, makumi aze awana a miaka.

Hebreu 3:11

Ngwe nalishingile mu utenu wami ngwami, Kechi kanjila mu uhwimino wami.

Yoshua 1:6

Takama, hamuka mumu yena muhetesa vungu lino mu chifuchi cha chihinga chize nalakenyene ni shingo kuli tulamba two kwaaha.

Yoshua 24:7

Muze atetele kuli Yehova iye wasele milima hakachi ka yenu ni A-Engitu, walundumwishine e meya hali ayo nikwafuka. Meso jenu amwene yize nalingile mu Engitu, mba nwatwamine shimbu linene mu puya.

Yoshua 5:5

Waze eswe akatukile ku Engitu o ngalami, alioze waze eswe asemukine mu jila ya mu puya muze te hakatuka ku Engitu o kaapwishile ngalami.

Yoshua 5:7

Kashika Yoshua wapwishile ngalami ana jo aze asangwile kwasalakana, mumu o te yilima se kaapwishile ngalami mu jila.