Yoshua 5:10 - MUKANDA USANDU WA ZAMBI 1975

¹⁰ Shimbu A-Izalele achili ku Ngilingali mu chilombo, afungile Chizomboka ha tangwa kumi ni liamuchiwana ha chingoloshi, ha yana ya Yeriku.

Mukanda Wa Zambi 1970

¹⁰ Muze te Aisraele achili ha musumba mu chana cha Yeriku, yaalinga chiwanyino cha Kubalika chingoloshi ha tangwa kumi ni lia muchiwana lia kakweji.

Yoshua 5:10 Iomraidhean Croise

2 Samuel 15:28

Ami mungutwama ku chau cha ku puya ndo mungutambula liji lia kuli yena lia kungulweza kanawa.

Kutuhuka 12:11

Chocho nukamulie, miya yenu ya kulijichika mu zalilo, nikuzala haku jenu, nikukwata milumbu yenu mu moko jenu, nukamulie ni kapupushi. Che Chizomboka cha Yehova.

Kutuhuka 12:18

Ha kakweji mutangu ha tangwa kumi ni liamuchiwana ha chingoloshi nukalie mbolo kuyishi futunwiso ndo ku chingoloshi cha tangwa makumi aali ni litangu lia mwe kakweji.

Kutuhuka 12:6

Nukamukuchike ndo tangwa kumi ni liamuchiwana lia kakweji yoze mwene, mba chikungulwila cheswe cha A-Izalele akamushihe ha chingoloshi.

Jeremia 39:5

Alioze maswalale ja A-Kaletea yaahanga, yaliheta ni Zedekia mu yana ya Yeriku, mba muze hamukwata yamuneha kuli Nabukanezore mwanangana wa Babilonia ku Ribila, mu chifuchi cha Hamate. Kwenako yamupatwila.

Ezekiel 12:3

Kashika, yena mwana mutu, lilulikile yikwata ya njize ukaye ku unjize ha mwalwa kumeso jo. Mukatuka kuma kwe ukaye unjize kuma kweka kwe kumeso jo. Hanji muchialumbunuka chipwe kapwa munyachi wa yihulia.

Alevi 23:5

ha kakweji mutangu, ha tangwa kumi ni liamuchiwana ha chingoloshi muhapwa Chizomboka cha Yehova.

Mika 6:5

Enu atu jami, iwulukenu chize Mbalake mwanangana wa Moape watakile, ni chize Mbalau mwana Mbeore wamukumbulwile; ni chize chanuwanyine chize ku Shitime ndo ku Ngilingali hanga nukanyingike yilinga ya ulamwino wa Yehova.

Yoshua 4:19

Atu atuhukile mu Yordau ha tangwa liamuchikumi lia kakweji mutangu. Yasa chilombo cho mu Ngilingali ha njiza ya Yeriku ku Chivumbuko.

Yoshua 5:11

Muze Chizomboka chapalika mulinachi, ha tangwa lioliene alile mbuto ya kutulika ya mu chifuchi, mbolo kujishi futunwiso hamwe ni tiliku ya kwocha.

Yoshua 9:6

Chocho ayile kuli Yoshua mu chilombo ku Ngilingali, yamba kuli iye ni malunga a Izalele ngwo, Etu twakatuka ku chifuchi chisuku, kashika kolesenu usendo ni yetu.

1 Samuel 7:16

Yajinga mwaka ha mwaka ku Mbetele, ni ku Ngilingali, ni ku Mizepa nikuyulila A-Izalele mu membo ano eswe.