Yoshua 4:9 - MUKANDA USANDU WA ZAMBI 1975

⁹ Yoshua yalumbika kumi lia mawe ni mawe aali mukachi ka Yordau, kuma kuze kwamanyine yiliato ya asasendote anambata mushete wa usendo. Kokwene kwali ndo musono.

Mukanda Wa Zambi 1970

⁹ Yoshua yatunga nawa chingina cha mawe kumi ni aali hakachi ka Yordau, haze te anamana mahako waze anambata mushete wa Usendo. (Mawe waze kwe ali ndoo ni musono uno.)

Yoshua 4:9 Iomraidhean Croise

Ubutukilo 26:33

Iye yaliluka ngwenyi, Shipa, kashika jina lia chihunda chize ngwo, Mbiashipa ndo musono.

Ubutukilo 28:18

Yakomba yalimeneka, yanda liwe lize halitenga mushachilo, yalimika lipwe liwe lia kumika yazuza maji ha songo lialio.

2 Samuel 4:3

Akwa Mberote yachinyina ku Ngitaime, katwamako ndo musono).

1 Yitanga Ya Mianangana 18:31

Eliya yanda kumi lia mawe ni mawe aali nikulita ni kwalula cha ana ja Yakomba yoze watambwile liji kuli Yehova ngwo, Jina lie yena Izalele.

2 Sango Ja Mianangana 5:9

Mikambo yasuha, chocho masongo jayo amonekene ku mushete kulutwe lia uhanjikilo. Alioze kayimwene haze. Kwenako yatwama ndo musono.

Kutuhuka 24:12

Yehova yamba kuli Mose ngwenyi, Kanduka ha mulundu ndo kuli yami, utwameko. Mungukwaha mawe ni shimbi ni maliji a shimbi, yize hingunasoneka, ukayilongese.

Kutuhuka 28:21

E mawe akalite ni majina ja ana a Izalele, kumi lia mawe ni mawe aali nikulita ni majina jo, ngwe kwola cha ha kazeya, vungu ni vungu nikulita ni jina lialio. Akapwe a mavungu kumi ni aali.

Mateu 27:8

Kashika avulukile munda uze ngwo, Munda wa manyinga, ndo ku tangwa lino.

Mateu 28:15

O atambwile mbongo, alingile chizechene ngwe nalongesele: ni liji lino linafumana hakachi ka A-Yunda ndo ku tangwa lino.

Shimbi 34:6

Yamufunda mu chikulo, mu chifuchi cha Moape, kwatalangana ni Mbete-Peore, alioze niumwe unanyingika fuka lienyi ndo ku tangwa lino.

Yoshua 24:26

Mba Yoshua wasonekene maliji ano eswe mu mukanda wa shimbi ya Zambi. Yanda luliwe, yalumika kuze kwene mushi lia mutondo wa carvalho muma musandu mwa Yehova.

Yoshua 4:10

Mumu asasendote akwa kumbata mushete amanyine mukachi ka Yordau ndo yuma yeswe yamanunukine yize Yehova atumine Yoshua kuhana kuli atu, nikulita ni shimbi jeswe ja Mose kuli Yoshua. E atu azaukile kapupushi.

Akwa Kuyula 1:26

Mwe lunga yaya ku chifuchi cha A-Hete, yatunga chihunda, yachiluka jina ngwenyi, Luze. Chocho Hapwa jina liacho ndo musono.

1 Samuel 30:25

Chize ku tangwa lize ndo musono yachikolesa shimbi ni chiyulo mu Izalele.

1 Samuel 7:12

Henaho Samuel yanda liwe, yalimikina hakachi ka Mizepa ni Shene, yaliluka jina ngwenyi, Ebenezere, mumu ngwenyi, Ndo ku kuno Yehova hatukwasa.