Yoshua 4:5 - MUKANDA USANDU WA ZAMBI 1975

⁵ Yoshua yamba kuli ayo ngwenyi, Palikenu kulutwe lia mushete wa Yehova Zambi yenu, ndo mukachi ka Yordau. Mba mutu mweswe hakachi kenu mambata liwe ha chipaya chenyi nikulita ni kwalula cha minyachi ya A-Izalele,

Mukanda Wa Zambi 1970

⁵ yaamba ngwenyi: “Yeenu mukachi ka Yordau haze hali mushete wa Usendo wa Mwene Zambi, Zambi yenu. Mutu mweswe ambate liwe ha chipaya chenyi, liwe limuwika ku vungu ni vungu lia Israele.

Yoshua 4:5 Iomraidhean Croise

Ubutukilo 31:46

Yakomba yamba kuli usoko wenyi ngwenyi, Andenu mawe. Mba yanda mawe, yaalunjika chilunjika. Chocho yalilako kwe ku chilunjika.

Kutuhuka 24:4

Mose yasoneka maliji eswe a Yehova, yalimeneka chimenemene mbwi, yatunga ku kulwa mulundu chilumbilo ni kumi lia manguji ni manguji aali nikulita ni mavungu a A-Izalele kumi ni aali.

Shimbi 27:2

Mba ha tangwa munukazauka Yordau, ku chifuchi Yehova Zambi yenu ananwehecho, nukalimike mawe anene, nukaashingule ni ndambo.

Shimbi 9:1

Enu A-Izalele, ivwenu, munuzauka Yordau musono, mununjila mu chifuchi, mukuhuma mavungu ananuhiana ni unene, ni ndundo, membo anene, ni yipanga ndo mwilu,

Yoshua 22:10

Muze ahetele ku chifuchi cha Yordau hindu chili mu chifuchi cha Kanana, A-Rupene, ni A-Ngate, ni chihanda cha ha muchima cha munyachi wa A-Manase atungileko chilumbilo kwe ku Yordau. Chilumbilo te chinene.

Yoshua 4:4

Chocho Yoshua yasanyika e kumi lia malunga ni malunga aali hakachi ka A-Izalele aze hasakula, ku munyachi mutu, ku munyachi mutu.

Yoshua 4:6

hanga chikapwe chilayi hakachi kenu muze ana jenu manuhula ku miaka ya kulutwe ngwo, Mawe ano kuchi ananulumbunuka?