Yoshua 4:24 - MUKANDA USANDU WA ZAMBI 1975

²⁴ Hanga mavungu eswe a hashi akanyingike ngwo, Kwoko lia Yehova ndundo Ukwete. Ni yenu nawa nukavwile woma Yehova Zambi yenu ndo ku miaka ya mutolo.

Mukanda Wa Zambi 1970

²⁴ Ha chino akwa hashi heswe maakanyingika ndundo ja Mwene Zambi, ni yenu munukalemesa Mwene Zambi, Zambi yenu, ku miaka yeswe.”

Yoshua 4:24 Iomraidhean Croise

1 Yitanga Ya Mianangana 8:40

hanga akakuvwile woma matangwa eswe matwama mu chifuchi wachihanyine kuli tulamba twetu.

1 Yitanga Ya Mianangana 8:60

hanga mavungu eswe a hashi akanyingike ngwo, Yehova iye Zambi, kukushi mukwo.

1 MIANANGANA 19:19

Kashika Yehova Zambi yetu, utulamwine yena ku moko jenyi, ngunalembe, hanga mawanangana eswe a hashi akanyingike ngwo, Ena uli Yehova Zambi, yena wika.

1 MIANANGANA 5:15

Aye yahiluka kuli mutu wa Zambi hamuwika ni atu jenyi eswe; yeza, yamana kumeso jenyi ngwenyi, Haliapwila ngunanyingika ngwami, Kuheshi niumwe Zambi hashi heswe shina mu Izalele. Kashika ngunalembe utambule kama mulambu kuli yami kavumbi ke.

1 Sango Ja Mianangana 29:12

Upite ni ulemu kuli yena unakatuka, ni yena wakuyula yuma yeswe. Ngolo ni ndundo jili mu chiyulo che, ni poko ya kulemesa atu ni kuhana tachi kuli eswe.

Jobe 40:9

Kwoko lie chimuwika liapwa ni lia Zambi? Muhasa kukulunguza ngwe liji lienyi?

Miaso (Masamu) 106:8

Hindu waalamwinyine mumu ha jina lienyi, hanga akafumanyise ngolo jenyi ja ndundo.

Miaso (Masamu) 89:13

Kwoko lia ndundo ukwete. Kwoko lia Hapwa lia tachi; kwoko lie lia chindume kulianangama.

Miaso (Masamu) 89:7

Hakachi ka punga ya asandu Zambi kapwa kole ni woma. Hakachi ka waze eswe anamujingilika iye chatamba kumuvwila woma kuhiana.

Kutuhuka 14:31

A-Izalele amwene chitanga cha tachi alingile Yehova kuli A-Engitu. E atu yavwila woma Yehova. Yafuliela muli Yehova ni muli Mose kavumbi kenyi.

Kutuhuka 15:16

Woma ni mwongo hiyaaholokela. Ku unene wa kwoko lie kanaholo kúlú ngwe liwe ndo te atu ja yena Yehova mazauka; ndo te e atu mazauka, waze yena unapichi.

Kutuhuka 20:20

Mose yamba kuli e atu ngwenyi, Kanda nwivwa woma mumu Zambi heza mukunweseka, hanga woma wenyi ukapwe kumeso jenu, hanga kunuchi kavulumuna.

Kutuhuka 9:16

Alioze chamwenemwene mumu ha chikuma chino hinakwaha mwono, ngukakulweze tachi jami, hanga jina liami akaliambujole hashi heswe.

Izaya 52:10

Yehova hanasolola kwoko lienyi lisandu kumeso ja mavungu eswe, mba akwa masongo eswe a hashi kumakamona ulamwino wa Zambi yetu.

Jeremia 32:40

Mungukakolesa no usendo wa mutolo, chichi katewuluka kuli ayo kulitwamina kwalinga yipema, mba mungukasa woma wami mu mbunge jo hanga o nawa kechi katewuluka kuli yami.

Shimbi 28:10

Mavungu eswe a hashi makamona ngwo, Hananuluku ni jina lia Yehova, mba makanuvwila woma.

Shimbi 6:2

Nukavwile woma Yehova Zambi yenu, mukufunga yiyulo yenyi yeswe ni shimbi jenyi ngunanwambeyo, ni yenu, ni ana jenu, ni ajikulu jenu, matangwa eswe a mwono wenu, hanga matangwa jenu akapwe anji.

1 Samuel 17:46

Tangwa lino Yehova makukunjika mu moko jami mba mungukushiha, mungukutapa mutwe. Musono munguhana mijimba ya A-Filistea kuli tujila a mu tetela ni kuli tushitu a mu yambu, hanga akwa hashi eswe akanyingike ngwo, Kwali umwe Zambi mu Izalele.