Yoshua 4:12 - MUKANDA USANDU WA ZAMBI 1975

¹² Ana ja Rupene, ni ana ja Ngate, ni chihanda cha ha muchima cha munyachi wa A-Manase azaukile nikumbata yitwa yo kumeso ja A-Izalele nikulita ni shimbi ja Mose.

Mukanda Wa Zambi 1970

¹² Malunga a ku mavungu ja Rubene, ni Gade, ni Chipinji cha Manase waze te haalipakata yitwa ya jita, eno aliangile kuzauka kulutwe lia atu akwo ngwe chize Mose alwezele.

Yoshua 4:12 Iomraidhean Croise

Kutuhuka 13:18

Alioze Zambi yajingisa e atu ku jila ya puya, ya kupalikila ku Kalunga-lwiji Muchila. A-Izalele nikwenda mu mikana akatukile ku chifuchi cha Engitu.

Kwalula 1:24

A-Ngate, yisemuko yo, mu minyachi yo, ku majiko ja atato, nikulita ni kwalula cha majina, chize kuli akwa makumi aali a miaka ndo kuli makulwana, eswe mahasa kuya ku jita:

Kwalula 32:17

alioze yetwene mutukapwa a kulipakata mukuya kumeso ja A-Izalele, ndo mutukaahetesa kuma kwo: ana jetu akepe makatwama mu membo akwete yipanga mumu hali akwa chifuchi.

Shimbi 3:18

Yingunwamba ha mwaka uze ngwami, Yehova Zambi yenu hananwehe chifuchi chino chihinga. Munuzauka ni yitwa yenu kumeso ja akwenu, A-Izalele, malunga eswe a hamu.

Shimbi 33:21

Yalitongwela chihanda chipema cha chifuchi. Kwenako afungile chihanda cha mukwa kuyula. Wejile kuli akwa lutwe a atu, walingile upatwilo wa Yehova ni shimbi jenyi ja ululi kuli Izalele.

Yoshua 1:14

Mapwo jenu, ni ana jenu akepe, ni yimuna jenu, o masala mu chifuchi Mose wanuhele sali lize lia Yordau. Alioze yitakame, akwa hamu eswe hakachi kenu o mazauka ni yitwa yo kulutwe lia akwenu nukaakwase,

Yoshua 4:11

Mba muze atu eswe hahwa kuzauka, mushete wa Yehova ni asasendote azaukile kumeso ja atu.

Yoshua 4:13

Ngwe makumi awana a tununu a kululika ni yitwa yo ya jita azaukile kumeso ja Yehova ha jita kwe ku yana ya Yeriku.