Yoshua 3:8 - MUKANDA USANDU WA ZAMBI 1975

⁸ Ena muwamba asasendote aze anambata mushete wa usendo ngwe, Muze munuheta ku sesa lia meya a Yordau munulima kúlú mwe mu Yordau.

Mukanda Wa Zambi 1970

⁸ Lweza mahako ambate mushete wa Usendo ndoo ku lwiji, aliate mu meya ni kushimbula.”

Yoshua 3:8 Iomraidhean Croise

1 MIANANGANA 2:6

Eliya yamba kuli iye ngwenyi, Sala kama kuno, mumu Yehova hangutuma ku Yordau. Aye ngwenyi, Ni mwono wa Yehova, ni mwono wa mbunge ye, chichi kulihandununa ni yena. Chocho o aali ayile.

2 Sango Ja Mianangana 29:15

O yakungulula usoko wo nikulisela ku usandu, ni kunjila nikulita ni liji lia mwanangana kuli Yehova akapemese zuwo lia Yehova.

2 Sango Ja Mianangana 29:27

Mba Hezekia yatuma atambule mulambu wa kulumba ha chilumbilo. Ha kuputuka mulambu wa kulumba mba mwaso wa Yehova yiuputuka nawa, ni yitavwi hamuwika ni yisaji ya David mwanangana wa Izalele nawa.

2 Sango Ja Mianangana 29:30

Chikwo nawa mwanangana Hezekia ni alemu yatuma A-Levi embile uhaliso Yehova ni maliji a David, ni a Asafwe mukwa kumona. Yemba uhaliso ni kulikwiza mba yahetamisa mitwe yo nikuwayila.

2 Sango Ja Mianangana 30:12

Ni mu Yunda nawa Zambi yaaha mbunge yimuwika akalinge nikulita ni liji lia mwanangana ni alemu, ku liji lia Yehova.

Nehemia 13:22

Yingwamba A-Levi alipemese, eze afunge mapito akasele ku usandu Sambata. Zambi yami Wiwuluke chino chuma nawa kuli yami ukangufunge nikulita ni unene wa utu wa zango lie.

Nehemia 13:28

Umwe wa ana a malunga ja Joiada mwana Eliashipe mwe sasendote mukwa lutwe, aye te hambata mwana wa Sambalate Ka-Horone. Aye namuhumine lume.

Kutuhuka 14:13

Mba Mose yamba kuli e atu ngwenyi, Kanda nwivwa woma, manenu, numone ulamwino wa Yehova, manulingilawo musono. Mumu A-Engitu nwamona musono, kunuchi kwiza kwamona nawa nilimwe tangwa.

Lungungu 3:26

Chinapeme mutu akatwaminyine ulamwino wa Yehova nikulifwita ka.

Yoshua 3:17

Shimbu te A-Izalele eswe anapalika ha mavu omu, asasendote akwa kumbata mushete wa usendo wa Yehova amanyine ha mavu omu hakachi ka Yordau ndo vungu lieswe hiliahwa kuzauka Yordau.

Yoshua 3:3

nikutuma e atu ngwo, Muze munumona mushete wa usendo wa Yehova Zambi yenu kanaumbata kuli asasendote A-Levi, hikatukenu kuze nwatwama nukaukaule,

Yoshua 3:7

Yehova yamba kuli Yoshua ngwenyi, Musono munguputuka kukunangamisa kumeso ja A-Izalele eswe, akanyingike ngwo, Chizechene apwile ni Mose chocho kwali nawa ni iye.

Yoshua 3:9

Yoshua yamba kuli A-Izalele ngwenyi, Tweyenu hano nwivwe maliji a Yehova Zambi yenu.

Yoshua 4:11

Mba muze atu eswe hahwa kuzauka, mushete wa Yehova ni asasendote azaukile kumeso ja atu.