Yoshua 3:5 - MUKANDA USANDU WA ZAMBI 1975

⁵ Yoshua yamba kuli atu ngwenyi, Liselenu ku usandu mumu hamene Yehova malinga yipupu hakachi kenu.

Mukanda Wa Zambi 1970

⁵ Yoshua yalweza atu ngwenyi. “Lijilikenu, mumu hamene Mwene Zambi makalinga yilayi mukachi kenu.”

Yoshua 3:5 Iomraidhean Croise

Jobe 1:5

Muze matangwa a yiteleka hapalika, Jo watumine ni kwapemesa. Te malimeneka chimene ni kulambula milambu ya kulumba nikulita ni kwalula cha ana, mumu Jo wanyongene ngwenyi, Hanji anami havulumuna, hanji hatuka Zambi mu mbunge jo. Jo walingile chocho matangwa eswe.

Miaso (Masamu) 77:15

Yena ni kwoko lie hiwakula atu je, ana ja Yakomba ni José.(Litulike.)

Miaso (Masamu) 86:10

Mumu yena uli munene; kuwakulinga yikomokeso. Yena wika uli Zambi.

Joele 2:16

Kungululenu e atu; Selenu chikungulwila ku usandu; kungululenu makulwana; kungululenu ana, hamwe ni akwa kwamwa. Sandungi akatuke ku chipatulo chenyi, ni ndungi akatuke ku zuwo lienyi.

Alevi 10:3

Henaho Mose yamba kuli Arone ngwenyi, Chino che chuma Yehova hamba ngwenyi, Mungupwa wajila kuli waze eswe makakundama kuli yami. Kumeso ja e atu eswe mungukalema. Arone yaliholela lume.

Alevi 20:7

Liselenu kuli yami kashika. Pwenu asandu mumu yami Yehova Zambi yenu.

Kwalula 11:8

E atu alimwangine nikuyikunga. Ayichekele ni mawe, hanji kuyitwa mu chinu. Ayitelekele mu ndeho. Alingile nayo tumbolo. Kuyipanjika ngwe tumbolo twa kulinga ni maji.

Yoano 17:19

Mumu hali ayo nakulisela ku usandu, hanga ayo ene nawa akalisele ku usandu mu umwenemwene.

Yoshua 3:13

Mba muze yiliato ya asasendote aze anambata mushete wa Yehova, Mwene wa hashi heswe, muyimana mu meya a Yordau, hohene meya a Yordau aze anapalika mamana. E meya anakatuka ku tunda mamanyina mulumba umuwika.

Yoshua 3:15

ni muze akwa kumbata mushete haheta ku Yordau, ni yiliato ya asasendote akwa kumbata mushete yanjila mu sesa lia meya (Yordau kakusupwokela mungilingili wenyi weswe ha kakweji wa kucha mbuto),

Yoshua 3:4

nukanyingike jila yize munuya, mumu kanda nuchipalika jila yino. Hindu munupwisa kapinji hakachi ka yenu ni mushete ngwe tununu aali a mbandu. Kanda nukundamako.

Yoshua 3:6

Yoshua yamba kuli asasendote ngwenyi, Andenu mushete wa usendo nukatetekele e atu. O yanda mushete wa usendo yatetekela e atu.

Yoshua 7:13

Katuka! Selenu e atu ku usandu. Amba ngwe, Liselenu ku usandu ha tangwa lia hamene. Mumu chocho kanambe Yehova Zambi ya Izalele ngwenyi, Yuma yajila kuyili hakachi kenu A-Izalele. Kunuchi kuhasa kumana kumeso ja akwa kole jenu ndo munuchiza yino yuma yajila hakachi kenu.

1 Samuel 16:5

Iye ngwenyi, Ni sambukila nguneza kulambula chitapo kuli Yehova. Liselenu ku usandu nwize ni yami ku chitapo. Iye yasela ku usandu Yese ni ana jenyi; yaasanyika ku chitapo.