Yoshua 3:4 - MUKANDA USANDU WA ZAMBI 1975

⁴ nukanyingike jila yize munuya, mumu kanda nuchipalika jila yino. Hindu munupwisa kapinji hakachi ka yenu ni mushete ngwe tununu aali a mbandu. Kanda nukundamako.

Mukanda Wa Zambi 1970

⁴ Ayo maanulweza jila, mumu yenu kanda nuchibalika kama mu jila yino nilimwe tangwa. Alioze kanda nukundama ku mushete wa Usendo, nuhichika ko Chipinji cha kilometro yimuwika hakachi.”

Yoshua 3:4 Iomraidhean Croise

Ubutukilo 31:2

Yakomba yamona meso ja Lapane kumanyi kamutalile kanawa ngwe miaka ya kunyima.

1 Sango Ja Mianangana 11:2

Kunyima muze Saulu wapwile mwanangana wetu hindu yenu nwasongwelele A-Izalele ha kutuhuka ni ha kunjila, mba Yehova Zambi ye wanwambile ngwenyi, Yena muopwa kafunga ka atu jami A-Izalele. Yena muopwa mwanangana wa atu jami A-Izalele.

Miaso (Masamu) 25:12

Mutu yoze wakuvwila woma Yehova iya? Mwenawo mamulongesa jila yize mayitongola.

Miaso (Masamu) 89:7

Hakachi ka punga ya asandu Zambi kapwa kole ni woma. Hakachi ka waze eswe anamujingilika iye chatamba kumuvwila woma kuhiana.

Kutuhuka 19:12

Ukasele atu njiza ya kujingilika. Amba ngwe, Nukanyame. Kanda nukanduka ha mulundu chipwe kukwata ku njiza yawo, ka. Mweswawo makwata ku mulundu akamushihe lume.

Kutuhuka 3:5

Yehova yamba ngwenyi, Kanda ukundama kuno, zula haku je ku molu je, mumu homa unamana, ha mavu asandu.

Kutuhuka 4:10

Mose yamba kuli Yehova ngwenyi, Mwene, ami chishi kuhasa kuhanjika ni kushilinginya chipwe matangwa a kunyima, chipwe a haliapwila, ka, chipwe katuke ku tangwa lize wahanjikile ni yami kavumbi ke, nguli mutu wa kuhanjika makoke, limi liami lilemu.

Izaya 30:33

Mumu jiko hanalilulika kulu, hali mwe mwanangana hanalilulika; mulumba wacho kutoha ni kusuha ni kahia ni kunyi ja kulumbama. Mba mwiku wa Yehova muuliwika ngwe muhwiji wa fundanga.

Izaya 48:17

Yehova, Mukwa-Kunukula, mwe Musandu wa Izalele, kanambe ngwenyi, Yami nguli Yehova Zambi yenu, yoze wakunulongesa hanga nukalumbunuke, yoze wakunusongwela mu jila yize Chanutamba kuya.

Yoshua 3:3

nikutuma e atu ngwo, Muze munumona mushete wa usendo wa Yehova Zambi yenu kanaumbata kuli asasendote A-Levi, hikatukenu kuze nwatwama nukaukaule,

Yoshua 3:5

Yoshua yamba kuli atu ngwenyi, Liselenu ku usandu mumu hamene Yehova malinga yipupu hakachi kenu.