Yoshua 3:17 - MUKANDA USANDU WA ZAMBI 1975

¹⁷ Shimbu te A-Izalele eswe anapalika ha mavu omu, asasendote akwa kumbata mushete wa usendo wa Yehova amanyine ha mavu omu hakachi ka Yordau ndo vungu lieswe hiliahwa kuzauka Yordau.

Mukanda Wa Zambi 1970

¹⁷ Muze atu anazauka, mahako waze te anambata mushete wa Usendo wa Mwene Zambi yaamana hakachi ka Yordau ndoo ni muze atu eswe haazauka.

Yoshua 3:17 Iomraidhean Croise

1 MIANANGANA 2:8

Mba Eliya yanda hina lienyi, yalivunga hamuwika, yalamba e meya. Meya yahandunuka sali ni sali, mba o aali yapalika ndusu ha mavu omu.

Miaso (Masamu) 66:6

Walumwine kalunga-lwiji mavu omu; apalikile ndusu mu lwiji ha molu jo, henaho twawahililile muli iye.

Kutuhuka 14:21

Mose yolola kwoko lienyi ha kalunga-lwiji mba ufuku weswe Yehova yasosolola kalunga-lwiji ni fuji ya tachi ya ku Chivumbuko; yalumuna kalunga-lwiji hashi homu. Meya yahandunuka.

Kutuhuka 14:22

A-Izalele yanjila mukachi ka kalunga-lwiji nikwenda hashi homu. E meya yapwa ngwe chipanga kuli ayo ni ku chindume cho ni ku chimeso cho.

Kutuhuka 14:29

Alioze A-Izalele endele hashi homu mukachi ka kalunga-lwiji. E meya yapwa ngwe chipanga kuli ayo ni ku chindume cho ni ku chimeso cho.

Izaya 25:8

Kumakakumba che kufwa ndo ku miaka ya mutolo mba Mwene Yehova makusumuna masoji ku meso eswe. Ni sau lize liatwama hali atu jenyi makalichiza hashi heswe, mumu Yehova hanachambe.

Kwalula 33:51

Amba kuli A-Izalele ngwe, Muze munuzauka Yordau nikunjila mu chifuchi cha Kanana,

Hebreu 11:29

Ku Ufulielo apalikile ndusu mu Kalunga-lwiji Muchila ngwe hashi homu: chize A-Engitu ha kweseka kuchilinga atokele.

Yoshua 4:1

Muze lie vungu lieswe hiliahwa kuzauka Yordau Yehova yamba kuli Yoshua ngwenyi,

Yoshua 4:10

Mumu asasendote akwa kumbata mushete amanyine mukachi ka Yordau ndo yuma yeswe yamanunukine yize Yehova atumine Yoshua kuhana kuli atu, nikulita ni shimbi jeswe ja Mose kuli Yoshua. E atu azaukile kapupushi.

Yoshua 4:11

Mba muze atu eswe hahwa kuzauka, mushete wa Yehova ni asasendote azaukile kumeso ja atu.

Yoshua 4:22

Mba munulweza ana jenu ngwenu, A-Izalele azaukile yono Yordau ha mavu omu.

Yoshua 4:3

ukaatume ngwe, Andenu kumi lia mawe ni mawe aali hakachi ka Yordau kwe kuma kuze yiliato ya asasendote yamananga, nukaambate hamwe ni yenu mu sali, nukaatumbike ku chipombelo chenu ufuku uno.

Yoshua 5:1

Mianangana eswe a A-Amore waze atwama mu sali lia Yordau ku Chitokelo, ni mianangana eswe a A-Kanana waze atwama ku sesa lia kalunga-lwiji, muze evwile ngwo, Yehova womishine meya a Yordau hali A-Izalele ndo hazauka, mbunge jo jasangunukine. Kapwile nawa ni mbunge, mumu hali A-Izalele.