Yoshua 3:16 - MUKANDA USANDU WA ZAMBI 1975

¹⁶ e meya aze anakatuka ku tunda yamanyina mulumba kusuku, te ku Alama chihunda chasulangana ni Zaretane. Ni meya waze anayi ku mwanda ku Chitende cha Arapa, che Chitende cha Mungwa, o apatukile ngwi. Chocho atu azaukile hatalanganyi ni Yeriku.

Mukanda Wa Zambi 1970

¹⁶ e meya yaalihandununa, yaamana ngwe chingina kusuku ku limbo lia Samutu, lize lili hehi ni limbo lia Zaretane Meya a ku sango lia chitende cha Kufwa yaabatuka lume ngwii, ni atu yaazauka Yordau hashi homu hehi ni Yeriku.

Yoshua 3:16 Iomraidhean Croise

Ubutukilo 14:3

Wano eswe alifutwile hamuwika mu chana cha Shindime (likwo ngwo, Chitende cha Mungwa).

1 Yitanga Ya Mianangana 4:12

Bana mwana Ahilude mu Tanaka ni Megidu ni Mbete-Shiane kweswe sali lia Zaretane ku mwanda wa Yezerele chize ku Mbete-Shiane ndo ku Abelemehola ni sali lize lia Jokemeame.

1 Yitanga Ya Mianangana 7:46

Ha chikulo cha Yordau mwanangana yayizuzulula haze hatwama uma hakachi ka Sukote ni Zaretane.

Miaso (Masamu) 114:3

Kalunga-lwiji wachimwene, yachina. Yordau wahilukile kunyima.

Miaso (Masamu) 114:5

Kuchi unevu, yena kalunga-lwiji hiwachina? Ena Yordau, mba wahiluka kunyima?

Miaso (Masamu) 29:10

Ku sanga lia meya Yehova Watwamine ngwe mwanangana. Ewa, katwama ngwe mwanangana wa mutolo.

Miaso (Masamu) 33:7

Iye kakukunga meya a kalunga-lwiji ngwe mulumba; kakutulika meya a mu jondo mu machila.

Miaso (Masamu) 66:6

Walumwine kalunga-lwiji mavu omu; apalikile ndusu mu lwiji ha molu jo, henaho twawahililile muli iye.

Miaso (Masamu) 74:15

Wapulile fuji lia meya ni sanga lia meya; womishine njiji jinene.

Miaso (Masamu) 77:19

Jila ye yapwile mu kalunga-lwiji. Majila je apwile mu meya anene. Ngano je kajinyingikine.

Miaso (Masamu) 78:13

Wapulile kalunga-lwiji nikwapalikisamo ndusu. Walumbikile meya ngwe mulumba.

Kutuhuka 14:21

Mose yolola kwoko lienyi ha kalunga-lwiji mba ufuku weswe Yehova yasosolola kalunga-lwiji ni fuji ya tachi ya ku Chivumbuko; yalumuna kalunga-lwiji hashi homu. Meya yahandunuka.

Kutuhuka 14:22

A-Izalele yanjila mukachi ka kalunga-lwiji nikwenda hashi homu. E meya yapwa ngwe chipanga kuli ayo ni ku chindume cho ni ku chimeso cho.

Kutuhuka 14:29

Alioze A-Izalele endele hashi homu mukachi ka kalunga-lwiji. E meya yapwa ngwe chipanga kuli ayo ni ku chindume cho ni ku chimeso cho.

Kutuhuka 15:8

Ni mwiku wa ku mazulu je wamikanga e meya, masanga a meya yachindama ngwe mulumba. Majinga yakonda, mwe muchima lia kalunga-lwiji.

Izaya 50:2

Muze nejile kuchi te kukwapwile niumwe? Muze nasanyikine kuchi te mukwa kutá wakuhi? Te kwoko liami liahiha, kashika kuliahashile kukula? Tachi chishi najo ja kupulula? Nyongenu, ha liji liami lia kukanda nakuumisa kalunga-lwiji, nakupwisa njiji ngwe puya. Yishi jamo kanakupuka ha kuhona meya, kakufwa ni pwila.

Ezekiel 47:8

Aye yamba kuli yami ngwenyi, Meya wano kanende nikutalikisa ku chifuchi cha Chivumbuko, mba mapalumuka ku Arapa. E meya wano atuhukile kuze manjila mu kalunga-lwiji, mba makayemesa meya jamo.

Nahume 1:4

Kakukanjisa kalunga-lwiji ni kumuumisa; kakuumisa njiji jeswe. Mbashane ni Karmela kuyakulila, ni yitemo ku Lebano kuyakuma.

Habakuke 3:8

Yehova, ufwatulo we wapwile wa kulimika ni njiji? Utenu we walimikine ni njiji? Hanji matoto je a kulimika ni kalunga-lwiji muze wendele hali tuvwalu twe ni ha temba lie lia kukumba?

Kwalula 34:3

henaho chifuchi chenu cha ku Sule chikapwe chize ku puya ya Zini nikupalika ku sali lia Endome, njiza yenu ya ku Sule yikapwe chize ku songo lia Chitende cha Mungwa nikutwala ku Chivumbuko.

Shimbi 1:1

Maliji ano ambile Mose kuli A-Izalele eswe mu sali lia Yordau, mu puya, mu Arapa chatalangana ni Kalunga-lwiji Muchila, hakachi ka Parane, ni Tofele, ni Lapane, ni Hazerote, ni Dizahabe.

Shimbi 3:17

Ni Arapa nawa ni Yordau ni njiza yacho, katuke ku Chinerote ndo ku kalunga-lwiji wa Arapa, Chitende cha Mungwa, ku mwanda wa Pisiga ni kutala ku Chivumbuko.

Yoshua 12:3

ni Arapa ndo ku Chitende cha Chinerote ku Chivumbuko, kwa kuya ku Mbete-Jeshimote, ku Chitende cha Arapa, che Chitende cha Mungwa, kwa kutalikisa ku Sule ndo ku ukandukilo wa mulundu wa Pisiga.

Yoshua 15:2

Njiza yo ya ku Sule yachijile ku songo lia Chitende cha Mungwa, ku konda yize yatala ku Sule.

Yoshua 16:7

Yachiza ku Njanoa ndo ku Atarote, ni ku Nara, yalisesa ni Yeriku nikusulila ku Yordau.

Yoshua 3:13

Mba muze yiliato ya asasendote aze anambata mushete wa Yehova, Mwene wa hashi heswe, muyimana mu meya a Yordau, hohene meya a Yordau aze anapalika mamana. E meya anakatuka ku tunda mamanyina mulumba umuwika.

Yoshua 4:22

Mba munulweza ana jenu ngwenu, A-Izalele azaukile yono Yordau ha mavu omu.

Yoshua 5:1

Mianangana eswe a A-Amore waze atwama mu sali lia Yordau ku Chitokelo, ni mianangana eswe a A-Kanana waze atwama ku sesa lia kalunga-lwiji, muze evwile ngwo, Yehova womishine meya a Yordau hali A-Izalele ndo hazauka, mbunge jo jasangunukine. Kapwile nawa ni mbunge, mumu hali A-Izalele.

Akwa Kuyula 7:22

Muze o yemba kulakaji atatu a yitavwi Yehova yatalikisa katana ka mutu mweswe kulimika ni mukwo nikulimika ni tujita eswe. Chocho tujita eswe achinyine ndo ku Mbete-Shita kwakuya ku Zelela, ndo ku njiza ya Abelemehola ku Tabata.