Yoshua 3:11 - MUKANDA USANDU WA ZAMBI 1975

¹¹ Talenu mushete wa usendo wa Mwene wa hashi heswe muupalika kulutwe lienu mu Yordau.

Mukanda Wa Zambi 1970

¹¹ muze we mushete wa Usendo wa Mwene wa hashi heswe hiwazauka Yordau kulutwe lienu.

Yoshua 3:11 Iomraidhean Croise

1 Sango Ja Mianangana 29:11

Unene weswe wa mbala wa yena Yehova, ni ndundo, ni uhenya, ni kukumba, ni wanangana. Mumu cheswe chili mwilu ni hashi niche. We wanangana wa yena Yehova, ni yena kuwatunda ngwe mutwe helu lia yuma yeswe.

Jobe 41:11

Iya hangwaha mba changutamba kumufweta nawa? Yuma yeswe mushi lia malilu mweswe niyami.

Miaso (Masamu) 24:1

Hashi ha mbala ha Yehova, ni yuma yeswe yiliho; ni muno-muze ni aze eswe atwamamo.

Miaso (Masamu) 97:5

Milundu yasangunukine ngwe sela kumeso ja Yehova; kumeso ja Mwene wa hashi heswe.

Izaya 3:12

Atu jami—ana amokomoko kakwapinjisa, ni mapwo kakwayula. Atu jami, tusongo twenu kananwongo, ni kulumbangenya majila jenu.

Izaya 54:5

Mumu Tangi ye iye lunga lie, jina lienyi Yehova-wa-Tujita. Musandu wa Izalele iye Mukwa-Kukukula, kakumutongola ngwo, Zambi ya hashi heswe.

Jeremia 10:7

Iya kechi kukuvwila woma, ena Mwanangana wa mavungu? Chino chinakute mumu hakachi ka akwa mana a mavungu ni mu yifuchi yo kukushi umwe walita ni yena.

Mika 4:13

Mwana-pwo Zaione, katuka uzungule! Mumu mungupwisa mbinga ye ya utale, ni sende je ja unengu ukapalwole mavungu anji. Kumukatumbikila kufumbuka cho kuli Yehova; upite wo mukauhana kuli Mwene wa hashi heswe.

Zefania 2:11

Yehova mapwa kole ni woma ha kulimika no. Ewa, makahongesa mazambi eswe a hashi, mba yifuchi yeswe ya mavungu makahetamina kuli iye, mweswe kuma kwenyi.

Zakaria 14:9

Yehova makeza kupwa mwanangana wa hashi heswe. Ha tangwa lize Yehova makapwa umuwika ni jina lienyi limuwika.

Zakaria 4:14

Aye yamba ngwenyi, Wano e aali a kuwayisa ni maji akumana kumeso ja mwe Mwene wa hashi heswe.

Zakaria 6:5

Mungelo yangukumbulula ngwenyi, Wano fuji jiwana ja malilu jize jakutuhuka muze te halikunjika kuli Mwene wa hashi heswe.

Shimbi 9:3

Kashika, nyingikenu musono ngwami, Yehova Zambi yenu, iye kanazauka kumeso jenu ngwe kahia ka kulesa, iye kumakaakuwisa, kumakaakumba kumeso jenu, chocho munukaahuma, nikwakuwisa washi, ngwe ambile Yehova kuli yenu.

Yoshua 3:13

Mba muze yiliato ya asasendote aze anambata mushete wa Yehova, Mwene wa hashi heswe, muyimana mu meya a Yordau, hohene meya a Yordau aze anapalika mamana. E meya anakatuka ku tunda mamanyina mulumba umuwika.