Yoshua 3:10 - MUKANDA USANDU WA ZAMBI 1975

¹⁰ Yoshua yamba ngwenyi, Ha chikuma chino mununyingika ngwenu, Zambi ya mwono hwali hakachi ka yetu, mba iye kechi kuhona kuhuma A-Kanana, ni A-Hete, ni A-Hevwe, ni A-Perize, ni A-Ngikashe, ni A-Amore, ni A-Yepushe kumeso jetu.

Mukanda Wa Zambi 1970

¹⁰ Muze munuya kulutwe, Zambi manuhangila Akanana, ni Ahite, ni Ahive, ni Aperize, ni Agirgashe, ni Aamore, ni Ajebuse. Mununyingika ngwenu, Zambi ya mwono kali mukachi kenu,

Yoshua 3:10 Iomraidhean Croise

Ubutukilo 15:21

ni A-Amore, ni A-Kanana, ni A-Ngikashe, ni A-Yepushe.

1 Yitanga Ya Mianangana 22:28

Mikaia ngwenyi, Pundu, nyi muwiza ni sambukila achi muchilumbunuka ngwe Yehova kahanjikile kuli yami. Chikwo ngwenyi, Panjikenu minyachi yeswe.

1 MIANANGANA 19:4

Hanji muchipwa Yehova Zambi ye mevwa maliji eswe a Rabeshaka yoze watumiwanga kuli mwata wenyi mwanangana wa Asuria kuchoka Zambi ya mwono, hanji iye makanjisa maliji eswe Yehova Zambi ye hevwa. Kashika uchilembele kama waze asala.

1 Sango Ja Mianangana 1:14

ni A-Yepushe, ni A-Amore, ni A-Ngikashe,

Miaso (Masamu) 42:2

Mbunge yami kuyakwivwa pwila ya Zambi, mwe Zambi ya mwono. Tangwa lika munguheta ngukasoloke kumeso ja Zambi?

Miaso (Masamu) 9:16

Atu kakunyingika Yehova mu upatwilo uze kakupatula; mwe chingulungulu hakwachika mu yitanga ya moko jenyi mwene. (Pukuna. Litulike.)

Kutuhuka 17:7

Yaluka kuma kuze jina ngwenyi, Masa kanda Meripa, mumu ha kulitachika cha A-Izalele, mumu o yeseka Yehova ha kwamba ngwo, Shina Yehova kwali hakachi ketu nyi shina ka?

Kutuhuka 3:8

Hinahulumuka mukwapulula ku moko ja A-Engitu, mukwachiza ku chifuchi chize, mukwatwala ku chifuchi chipema, chinene, ndo ku chifuchi kuze kunokela yamwa ni wuchi, ndo ku chihela cha A-Kanana, ni cha A-Hete, ni cha A-Amore, ni cha A-Perize, ni cha A-Hevwe, ni cha A-Yepushe.

Kutuhuka 33:2

Mungukatuma mungelo kumeso je, (mumu mungukahuma mu chifuchi A-Kanana, ni A-Amore, ni A-Hete, ni A-Perize, ni A-Hevwe, ni A-Yepushe)

Izaya 7:14

Kashika Mwene iye mwene makwaha chilayi. Nyingika, umwe *virgem maseseka, masema mwana wa lunga, mamuluka jina—Emanuele.

Jeremia 10:10

Alioze Yehova iye Zambi wamwenemwene, iye Zambi ya mwono ni mwanangana wa mutolo. Ha kutenuka chenyi hashi hakunyika. Ha ufwatulo wenyi mavungu kahashile kujikiza.

Hosea 1:10

Hindu kwalula cha A-Izalele muchipwa ngwe masekeseke a ku kalunga-lwiji aze kechi kuhasa kwaeseka hanji kwaalula, mba kuze ambile kuli ayo ngwo, Hi nuli atu jami ko, kwenako mamba kuli ayo ngwo, Nuli ana ja Zambi ya mwono.

Kwalula 13:29

A-Amaleke katwama mu chifuchi cha Negeve; ni A-Hete, ni A-Yepushe, ni A-Amore katwama ku milundu; ni A-Kanana katwama ku mbaka ni mu chikulo cha Yordau.

Mateu 16:16

Semone Petulu wamukumbulwile ngwenyi, Yena uli mwe Kristu, mwe Mwana wa Zambi ya mwono.

Yoano 6:69

Hitunafuliela, kutunanyingika mwe Musandu wa Zambi yena.

Shimbi 31:17

Mba utenu wami muukaakasumukina ha tangwa lize, mungukaehuka, mungukaaswekela meso jami, makaamanuna. Yipi yinji ni lamba linji mulikaawana, chocho o mahamba ha tangwa lize ngwo, Kuma, yipi yino yeswe yinatuwana mumu te Zambi yetu keshi hakachi ketu nyi?

Shimbi 5:26

Iya uliko kuli eswe evwile liji lia Zambi ya mwono anahanjika ni liji Unatuhuka mukachi ka ke kahia, ngwe yetu hitwevwa, hindu achili ni mwono?

Shimbi 7:1

Muze Yehova Zambi yenu manuhetesa mu chifuchi nunayi kuchizuka, ha kahuma mavungu anji kumeso jenu, A-Hete, ni A-Ngikashe, ni A-Amore, ni A-Kanana, ni A-Perize, ni A-Hevwe, ni A-Yepushe, mavungu shimbiali ananuhiana ni unene, ni ndundo,

Shimbi 7:21

Kanda nususamiana mumu hali ayo, mumu Yehova Zambi yenu hwali hakachi kenu, Zambi munene, kole ni mwongo.

1 Tesalonika 1:9

Mumu ayo ene kakwambujola ha kutwala kuli yetu, kunjila chize twapwile nacho kuli yenu; ni ngwe chize nwatewulukilile kuli Zambi nikwehuka mahamba, mukulingila Zambi ya mwono, wamwenemwene,

Hebreu 10:31

Kuholokela mu moko ja Zambi ya mwono, chuma cha kukolesa woma.

Yoshua 11:3

ni kuli A-Kanana ku Chivumbuko ni ku Chitokelo, ni kuli A-Amore, ni A-Hete, ni A-Perize, ni A-Yepushe mu milundu, ni A-Hevwe ku mwanda wa Hermone mu chifuchi cha Mizepa.

Yoshua 12:8

mu chifuchi cha milundu, ni mu chifuchi cha ku mwanda, mu Arapa, ha mindundena, mu puya, mu Negeve, ni chifuchi cha A-Hete, ni A-Amore, ni A-Kanana, ni A-Perize, ni A-Hevwe, ni A-Yepushe.)

Yoshua 21:45

Nichimwe chilakenyo chipema chahonene kuli akwa vungu lia Izalele chize Yehova hanalakenya. Yeswe yamanunukine.

Yoshua 22:31

Mba Finehase mwana wa Eleazare mwe sasendote wambile kuli A-Rupene, ni A-Ngate, ni A-Manase ngwenyi, Musono hitwanyingika ngwetu, Yehova mwali mukachi ketu, mumu kunwalingile ni mafwefwe ano kuli Yehova, kashika hinwalamwina A-Izalele ku kwoko lia Yehova.

Yoshua 24:11

Nwazaukile Yordau, yinwiza ku Yeriku. A-Yeriku ashile jita ni yenu, chocho nawa A-Amore, ni A-Perize, ni A-Kanana, ni A-Hete, ni A-Ngikashe, ni A-Hevwe, ni A-Yepushe. Alioze naakunjikile mu moko jenu.

Yoshua 3:9

Yoshua yamba kuli A-Izalele ngwenyi, Tweyenu hano nwivwe maliji a Yehova Zambi yenu.

Yoshua 9:1

Mba mianangana aze eswe atwama mu sali lia Yordau mu milundu ni mu yana yeswe ya ku mbaka ya Kalunga-lwiji Munene, kwa kuya ku Lebano, ni A-Hete, ni A-Amore, ni A-Kanana, ni A-Perize, ni A-Hevwe, ni A-Yepushe; o muze evwile chuma chino

1 Samuel 17:26

David yamba kuli malunga aze amujingilikile ngwenyi, Yika malinga kuli lunga yoze mashiha yono Ka-Filistea nikuchiza luchoko yono kuli A-Izalele? Mumu yono chilima cha Ka-Filistea kuchi apwa akahase kutomba chizavu cha tujita twa Zambi ya mwono.

1 Samuel 26:6

David yamba kuli Ahimeleke Ka-Hete, ni kuli mwanakwo wa Joabe, Abishai mwana wa Zeluia ngwenyi, Iya maya hamwe ni yami ku chilombo cha Saulu? Abishai ngwenyi, Munguya yami.