Yoshua 3:1 - MUKANDA USANDU WA ZAMBI 1975

¹ Ha chimenemene Yoshua yakatuka ku Shitime hamuwika ni A-Izalele eswe. Yaheta ku Yordau, yapombako shimbu kanda azauka.

Mukanda Wa Zambi 1970

¹ Muze hikwacha Yoshua ni Aisraele eswe yaakatuka ku musumba wa Akasia, yaaya ku lwiji Yordau, yaasa ko musumba akashimbwile tangwa lia kuzauka.

Yoshua 3:1 Iomraidhean Croise

Ubutukilo 21:14

Apalahama yalimeneka, yanda mbolo ni tuku ya meya, yayihana kuli Hekare nikumutwikayo ha chipaya, ni mwe mwana, chocho yaakatwisa. Mba mwe pwo yaya nikwendangana mu puya ya Mbia-shipa.

Ubutukilo 22:3

Chocho Apalahama yalimeneka chimenemene, yalulika chimbulu chenyi, yatwala akweze jenyi aali hamwe nenyi, ni mwanenyi Izake. Yapula kunyi ja mulambu wa kulumba, yakatuka, yaya kuma kuze Zambi te hamulweza.

Miaso (Masamu) 119:60

Natambukile, chalalukile ha kufunga shimbi je.

Jeremia 25:3

Makumi aali a miaka ni miaka yitatu (chize ku mwaka kumi ni tatu wa Josia mwana Amone mwanangana wa Yunda ndo musono) liji lia Yehova liakwizaza kuli yami, ni yami hinahanjika kuli yenu nikulimenyeka nikuhanjeka, hindu kunwapanjikile.

Jeremia 26:5

nukapanjike ku maliji a tuvumbi twami aprofeta, aze nakulikoleza kutuma chipwe kunwachinyongene,

Jeremia 7:13

Kashika haliapwila Yehova kanambe ngwenyi, Mumu hinwalinga yuma yino yeswe mba muze nahanjikile kuli yenu nikutumatuma kunwapanjikile, muze nasanyikine kunwakumbulwile,

Mika 6:5

Enu atu jami, iwulukenu chize Mbalake mwanangana wa Moape watakile, ni chize Mbalau mwana Mbeore wamukumbulwile; ni chize chanuwanyine chize ku Shitime ndo ku Ngilingali hanga nukanyingike yilinga ya ulamwino wa Yehova.

Kwalula 25:1

A-Izalele atwamine ku Shitime, e atu yaputuka kulinga ukoi hamwe ni ana-mapwo a Moape.

Marku 1:35

Ha chimenemene, shimbu kuchili milima, wahindukile, watuhukile, wayile kuma ku puya, walembeleleko.

Yoshua 2:1

Ku Shitime Yoshua mwana wa Nune watumine malunga aali ngendeshi ngwe ku tenga ngwenyi, Yénu nukatale chifuchi ni Yeriku. O yaya, yaheta ku zuwo lia umwe chikoi jina lienyi, Rahape. Yapombako.

Yoshua 6:12

Mba Yoshua yalimeneka, asasendote yazundula mushete wa Yehova.

Yoshua 6:15

Tangwa liamuchishimbiali yalimeneka he ha kucha. Yajinguluka chihunda chizechene yisuho shimbiali. Tangwa lioliene wika ajingulukile chihunda yisuho shimbiali.

Yoshua 7:16

Chocho Yoshua walimenekene chimenemene, yakundamisa A-Izalele munyachi ha munyachi; yatongola munyachi wa Yunda.

Yoshua 8:10

Yoshua yalimeneka chimenemene, yakungulula atu, yakanduka hamuwika ni makulwana a Izalele kulutwe lia atu ku Ayi.

Akwa Kuyula 20:19

Mba A-Izalele yakatuka chimene, yasa yilombo yo ya kulimika ni A-Ngibia.

1 Samuel 17:20

David yalimeneka chimenemene yahichika mapanga ni kafunga, yaya ngwe hamutuma kuli Yese. Yeza ku chilombo cha matemba shimbu te chizavu muchituhuka nikukalumioka ha jita.