Yoshua 24:8 - MUKANDA USANDU WA ZAMBI 1975

⁸ Mba nanuhetesele ku chifuchi cha A-Amore waze atwamine sali lize lia Yordau. Ashile jita ni yenu alioze naakunjikile mu moko jenu. Nwazukile chifuchi cho, ni yami naanongesene kumeso jenu.

Mukanda Wa Zambi 1970

⁸ Mba yingunuhetesa mu chifuchi cha Aamore, waze te atwama ku chivumbuko cha Yordau. Yaasa nenu jita, alioze yingunukwasa ni kwakumba. Yinutambula chifuchi cho, yingwoonona ku meso jenu.

Yoshua 24:8 Iomraidhean Croise

Nehemia 9:22

Chikwo nawa waahele yifuchi ni mavungu yize waapangilile nikulita ni yihanda yo. Chocho azukile chifuchi cha Sahone, chifuchi cha mwanangana wa Heshebone, ni chifuchi cha Oge mwanangana wa Mbashane.

Kutuhuka 23:23

Mumu mungelo wami kumakakutetekela, kumakakuhetesa ndo kuli A-Amore, ni kuli A-Hete, ni kuli A-Perize, ni kuli A-Kanana, ni kuli A-Hevwe, ni kuli A-Yepushe. Yami kumungukaateta.

Amose 2:10

Chikwo nawa nanuchijile mu chifuchi cha Engitu nikungongwela mu puya makumi awana a miaka hanga nukatunge chifuchi cha A-Amore.

Amose 2:9

Alioze nanongesene A-Amore aze aaliangile; Chizundamo cho chapwile ngwe cha misedru, ni tachi jo ngwe tachi ja mitondo ya carvalho. Nanongesene mihuko yenyi kwilu ni miji yenyi kushi.

Shimbi 2:32

Henaho kwejile mwe Sahone hamwe ni atu jenyi eswe mukwasa jita ni yetu ku Yahaze.

Yoshua 13:10

Ni yihunda yeswe ya Sahone mwanangana wa A-Amore yoze watwamine mu Heshebone, nikuyula ndo ku njiza ya A-Amone.