Yoshua 24:7 - MUKANDA USANDU WA ZAMBI 1975

⁷ Muze atetele kuli Yehova iye wasele milima hakachi ka yenu ni A-Engitu, walundumwishine e meya hali ayo nikwafuka. Meso jenu amwene yize nalingile mu Engitu, mba nwatwamine shimbu linene mu puya.

Mukanda Wa Zambi 1970

⁷ tushakulu twenu yaakololoka kuli yami ngwakwase. Yingusa milima hakachi ko ni akwa Egiptu, yingupukwila meya hali akwa Egiptu, eswe yaafwa. Nunanyingika chize nalingile ku chifuchi cha Egiptu. “ ‘Nwabwile mu puya miaka yinji.

Yoshua 24:7 Iomraidhean Croise

Kutuhuka 14:10

Muze Falau akundamine A-Izalele yahetula meso jo, kumanyi A-Engitu te kaneza kuli ayo. A-Izalele woma wunji evwile. Yateta kuli Yehova.

Kutuhuka 14:20

Yiliya mukachi ka chendo cha A-Engitu ni chendo cha A-Izalele. Kwapwile lelwa ni milima, hindu liatemwine ha ufuku. Chocho ufuku weswe kalikundamine.

Kutuhuka 14:31

A-Izalele amwene chitanga cha tachi alingile Yehova kuli A-Engitu. E atu yavwila woma Yehova. Yafuliela muli Yehova ni muli Mose kavumbi kenyi.

Shimbi 1:46

Chocho yinutwama matangwa anji ku Kandeshe, nikulita ni matangwa nwatwamineko.

Shimbi 2:14

Katuke ku Kandeshe-Mbania ndo twazaukile chitwetwe cha Zerede kwapwile makumi atatu a miaka ni miaka nake, ndo chisemuko cheswe cha tujita chakuwile ku chilombo, ngwe Yehova alishingile kuli ayo.

Shimbi 29:2

Mose yatambika A-Izalele eswe ngwenyi, Nwamwene yeswe alingile Yehova kumeso jenu mu chifuchi cha Engitu kuli Falau, ni kuli ngamba jenyi, ni ku chifuchi chenyi cheswe.

Shimbi 4:34

Chipwe umwe Zambi weka wesekele limwe tangwa kuya ni kulitongwela vungu hakachi ka mavungu akwo ni yeseko, ni yilayi, ni yikomokeso, ni jita, ni kwoko lia ndundo, ni kwoko lia kwolola, ni yuma yinene ya kukolesa mwongo, nikulita ni yeswe anulingilile Yehova Zambi yenu mu Engitu kumeso jenu nyi?

Hebreu 3:17

Mba hali aya wapihililile makumi awana a miaka? Hi hali waze avulumwine ko, nyi? Waze mijimba yo yalimbukile mu puya, nyi?

Yoshua 5:6

Mumu A-Izalele endele makumi awana a miaka mu puya ndo lie vungu lieswe, e matanga eswe a jita afwile, waze akatukile ku Engitu, mumu kapanjikile ku liji lia Yehova. Kuli ayo Yehova walishingile ngwenyi, Kunuchi kumona chifuchi chize Yehova walishingile kuli tulamba twenu kuhana kuli yenu, chifuchi kuze kunokela yamwa ni wuchi.