Yoshua 24:21 - MUKANDA USANDU WA ZAMBI 1975

²¹ Ahoze e atu ambile kuli Yoshua ngwo, Hi chocho ko, etu mutulingila Yehova.

Mukanda Wa Zambi 1970

²¹ Atu yaakumbulula Yoshua ngwo: “Ka! Mutulingila Mwene Zambi.”

Yoshua 24:21 Iomraidhean Croise

Kutuhuka 19:8

Atu eswe yakumbulula hamuwika ngwo, Yuma yeswe hamba Yehova, kumutukalinga. Mose yambulwila Yehova maliji a e atu.

Kutuhuka 20:19

O yamba kuli Mose ngwo, Hanjika yena ni yetu mba kumutwivwa, alioze Zambi kanda ahanjika kama kuchina mutufwa.

Kutuhuka 24:3

Mose yaya, yambulwila atu maliji eswe a Yehova ni chiyulo cheswe. Atu eswe akumbulwile ni liji limuwika ngwo, Maliji ano eswe Yehova hahanjika kumutukaalinga.

Kutuhuka 24:7

Iye yanda we mukanda wa usendo, yautanga hanga atu akevwe. O yamba ngwo, Ye yeswe hahanjika Yehova yetu kumutukayilinga. Kumutukononoka.

Izaya 44:5

Umwe mamba ngwenyi, Ami nguli wa Yehova; mukwo maliluka jina lia Yakomba; mukwo masoneka ha kwoko lienyi, Wa mbala wa Yehova, ni kuliwezela jina likwo ngwenyi, Izalele.

Shimbi 26:17

Nwalishika ni Yehova musono ngwenu, Yehova iye Zambi yetu, kumutwenda mu majila jenyi eswe, ni kufunga yiyulo yenyi ni maliji jenyi a shimbi, ni upatwilo wenyi, mukupanjika ku liji lienyi.

Yoshua 24:20

Nyi munwehuka Yehova nukalingile mazambi a tundaka mba makalumuka akanulinge chipi nikununongesa, muze te hanulinga chipema.

Yoshua 24:22

Henaho Yoshua wambile kuli atu ngwenyi, Nuli yela a kulimika ni yenwene ngwenu, Hitwatongola Yehova tukamulingile. O ngwo, E tuli yela.