Yoshua 24:2 - MUKANDA USANDU WA ZAMBI 1975

² Yoshua yamba kuli atu eswe ngwenyi, Yehova Zambi ya Izalele kanambe ngwenyi, Tulamba twenu ha shakulu atwamine mu sali lia Ufrateze, ngwami, Tera tato ya Apalahama ni ya Nehore. Alingilile mazambi akwo.

Mukanda Wa Zambi 1970

² Yoshua yaamba ngwenyi: “Mwene Zambi, Zambi ya Aisraele, kanambe chino ngwenyi: ‘Mwakawali tushakulu twenu te kaatwama musali lia lwiji Ufrateze ni kuwayila mazambi eka. Umuwika hakachi ko jina lienyi Tera, tato ya Abrahama ni Nahore.

Yoshua 24:2 Iomraidhean Croise

Ubutukilo 11:22

Selugu yatwama makumi atatu a miaka, yasema Nehore.

Ubutukilo 11:24

Nehore yatwama ni mwono makumi aali a miaka ni miaka livwa, yasema Tera.

Ubutukilo 11:26

Tera yatwama ni mwono makumi shimbiali a miaka, yasema Apalama, ni Nehore, ni Harane.

Ubutukilo 11:27

Yisemuko ya Tera yino; Tera yasema Apalama, ni Nehore, ni Harane. Harane yasema Lote.

Ubutukilo 31:19

Alioze te Lapane haya kutewula mapanga jenyi, kashika Rakele yeya mahamba ja tato.

Ubutukilo 31:30

Chikwo nawa, chipwe chakutamba kuya mumu usona wunji uli nawo wa zuwo lia tatenu, alioze kuchi te unakeya mahamba jami?

Ubutukilo 31:32

Mweswawo muwana ni mahamba je, kechi kutwama nawa ni mwono. Kumeso ja usoko wetu tala kanawa cheswacho chapwa niché uchimbate. Mumu Yakomba kanyingikine ngwenyi, Rakele heya mahamba.

Ubutukilo 31:53

Zambi ya Apalahama, Zambi ya Nehore, Zambi ya tato akapatwile hakachi ketu. Mba Yakomba yalishinga ni woma wa tato Izake.

Ubutukilo 35:4

Mba yahana kuli Yakomba mahamba eswe a tundaka apwile no, ni yingelengele apwile nayo mu matwi jo. Yakomba yayivumbika mushi lia mutondo wa carvalho ku Shekeme.

1 Sango Ja Mianangana 1:27

ni Apalama (mwenawo Apalahama).

Izaya 51:2

Talenu kuli kalamba kenu Apalahama, kuli Sara yoze wanusemene, mumu shimbu te achili umuwika namusanyikine, namuwahishile, namupwishile anji.

Ezekiel 16:3

wambe ngwe, Mwene Yehova kanambe kuli Yerusaleme ngwenyi, Chikota che ni kusemuka che, ya ku chifuchi cha A-Kanana. Tatenu Ka-Amore, ni noko aye Ka-Hete.

Luka 3:34

mwana Yakomba, mwana Izake, mwana Apalahama, mwana Tera, mwana Nehore,

Shimbi 26:5

Ukumbulule kumeso ja Yehova Zambi ye ngwe, Kulwami wapwile Ka-Seria, te kanambe kutoka. Yapalumukina ku Engitu, yatwamako ni atu akehe. Kwenako yapwa vungu linene, lia ndundo, lia atu anji.

Yoshua 24:15

Nyi kunushi ni mbunge ya kulingila Yehova, hitongolenu musono waze munwalingila, shina mazambi aze tulamba twenu alingilile mu chifuchi cha mu sali lia Lwiji, nyi shina mazambi a A-Amore akwa chifuchi chino nwatwama. Alioze lia kutwala kuli yami ni akwa zuwo liami etu mutulingila Yehova.