Yoshua 24:17 - MUKANDA USANDU WA ZAMBI 1975

¹⁷ mumu Yehova Zambi yetu iye watuchijile ku chifuchi cha Engitu ku zuwo lia upinji, ni yetu ni tulamba twetu. Iye walingile yipupu yize yinene kumeso jetu nikutufunga jila yeswe twendelele ni hakachi ka mavungu eswe muze twapalikile.

Mukanda Wa Zambi 1970

¹⁷ Mumu Mwene Zambi, Zambi yetu, hanatutuhwisa yetu ni atata jetu mu undungo mu chifuchi cha Egiptu, hitunamono yikomokeso yize alingile. Hanatufungu kanawa chibwe twendele mukachi ka mavungu anji muze twabaliekele.

Yoshua 24:17 Iomraidhean Croise

2 Sango Ja Mianangana 13:10

Alioze ha kutwala kuli yetu Yehova iye Zambi yetu, kutwamwehukile. Tuli ni asasendote ana ja Arone kanalingila Yehova, ni A-Levi ku milimo yo.

Kutuhuka 13:14

Muze manuhula kuli ana jenu kulutwe ngwo, Acho chika? Nukaambulwile ngwenu, Ni kwoko lia tachi, Yehova watuchijile ku Engitu ku zuwo lia upinji.

Kutuhuka 13:3

Mose yamba kuli atu ngwenyi, Iwulukenu lino tangwa muze nwakatukile ku Engitu, ewa ku zuwo lia upinji, mumu Yehova yanuchiza ku chihela chize ku tachi ja kwoko lienyi. Kanda nukalia mbolo niyimwe ya futunwiso.

Kutuhuka 19:4

Nwamwene chize nalingile kuli A-Engitu, ngwe yami nanumbachile ha mapulwa ja pupa nikunuhetesa kuli yami mwene.

Izaya 46:4

Ndo ku ushinakaji wenu hindu Yami Nguli, mungukanumbata ndusu ni kambu jitoma. Yami natangile ni yami munguzundula; mungumbata, mungulamwina.

Shimbi 29:2

Mose yatambika A-Izalele eswe ngwenyi, Nwamwene yeswe alingile Yehova kumeso jenu mu chifuchi cha Engitu kuli Falau, ni kuli ngamba jenyi, ni ku chifuchi chenyi cheswe.

Shimbi 32:9

Mumu chihanda cha Yehova chapwa atu jenyi. Yakomba yapwa chihinga chenyi cha kutongola.

Shimbi 7:19

yeseko yinene meso jenu ayimwene, ni yilayi, ni yikomokeso, ni kwoko lia ndundo, ni kwoko lia kwolola, ni yenayo Yehova Zambi yenu wanuchijile. Yehova Zambi yenu alinge chizechene ku mavungu eswe nunaavwila woma.

Yoshua 24:16

Mba atu eswe akumbulwile ngwo, Chikapwe kusuku ni yetu kwehuka Yehova tukalingile mazambi akwo,

Yoshua 24:18

Yehova wahumine kumeso jetu atu eswe, e A-Amore atwamine mu chifuchi, kashika ni yetu nawa mutulingila Yehova mumu iye Zambi yetu.