Yoshua 24:15 - MUKANDA USANDU WA ZAMBI 1975

¹⁵ Nyi kunushi ni mbunge ya kulingila Yehova, hitongolenu musono waze munwalingila, shina mazambi aze tulamba twenu alingilile mu chifuchi cha mu sali lia Lwiji, nyi shina mazambi a A-Amore akwa chifuchi chino nwatwama. Alioze lia kutwala kuli yami ni akwa zuwo liami etu mutulingila Yehova.

Mukanda Wa Zambi 1970

¹⁵ Nyi kunwazangile kumulingila, hitongolenu musono yoze munulingila, mazambi waze tushakulu twenu te akukombelela mu Mesopotamia hanji mazambi ja Aamore, a mu chifuchi chize nwatwama haliabwila. Alioze yami ni akwa jiko liami mutulingila Mwene Zambi.”

Yoshua 24:15 Iomraidhean Croise

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

Ubutukilo 35:2

Kashika Yakomba yamba kuli akwa zuwo lienyi ni waze eswe apwile no ngwenyi, Mbilenu mahamba a tundaka nuli no hakachi kenu, lipemesenu, zalenu mazalo eka,

1 Yitanga Ya Mianangana 18:21

Eliya yakundama kuli atu eswe ngwenyi, Ndo mwaka uka munukakashana hakachi ka mbunge jiali? Nyi Yehova iye Zambi mukaulenu. Alioze nyi Mbale mukaulenu. Atu kamukumbulwile chipwe liji limuwika.

1 Sango Ja Mianangana 1:14

ni A-Yepushe, ni A-Amore, ni A-Ngikashe,

Miaso (Masamu) 101:2

Kumungulinga ni mana mu jila yingunu. Mwiji muka muwiza kuli yami? Kumungwenda mu zuwo liami ni mbunge yingunu.

Miaso (Masamu) 119:106

Hinalishinga, nachikolesa nawa, ngwami, Mungufunga upatwilo we wa ululi.

Kutuhuka 23:2

Kanda ukakaula mbunga mukulinga chipi. Chipwe ha kusopa mutonga kanda ukashindakenya nikukaula mbunga mukuhengesa upatwilo.

Kutuhuka 23:24

Kanda ukafukama kuli tuzambi two chipwe kwalingila, ka, chipwe kanda ukalinga nikulita ni yitanga yo alioze ukaapuzule liakulu. Ukapalwole yipinji tuponya two.

Kutuhuka 34:15

Kuchina mukakwata usendo ni akwa chifuchi chize, mba muze makaya, akalinge ukoi ni tuzambi two, akatambule kuli tuzambi two yitapo, hanji makakutambika mba mukalila ku chitapo chenyi.

Ezekiel 20:39

Ha kutwala kuli yenu, akwa munyachi wa Izalele, Mwene Yehova kanambe ngwenyi, Yénu nukalingile mutu mweswe mahamba jenyi, chipwe haliapwila chipwe kulutwe, nyi kunwangupanjikile. Alioze jina liami lisandu kunuchi kajilula nawa nilimwe tangwa ni milambu yenu ni mahamba jenu.

Daniel 3:18

Alioze nyi ka, nyingikenu mwanangana, hindu kutuchi kulingila mazambi jenu, chipwe kuwayila kaponya ka oru yono hinwamika.

Alevi 14:42

Mba makanda mawe akwo akasalakane mawe aze. Makashingula nawa ni mavu a kusalakana mavu aze hambila.

Mika 4:5

Mumu mavungu kakwenda vungu lieswe mu jina lia zambi yalio, alioze yetu mutwenda mu jina lia Yehova Zambi yetu ku miaka yeswe ya mutolo.

Yilinga 11:23

Iye, muze ahetele, ha kumona vumbi lia Zambi, wawahililile; waashinjile eswe hanga ni mbunge yeswe alalaminye kuli Mwene.

Shimbi 13:7

tuzambi twa mavungu anakujingilika, hehi ni yena, hanji kusuku ni yena, chize ku songo limwe lia hashi ndo ku songo likwo lia hashi,

Shimbi 29:18

Kuchina mukupwa mukachi kenu lunga, hanji pwo, hanji akwa jiko limwe, hanji munyachi, mbunge yenyi yinatewuluka musono kuli Yehova Zambi yetu, nikuya, nikuvumbika tuzambi twa mavungu aze, kuchina mukupwa mukachi kenu muji umwe unemi kasashisa ni musase.

Yoshua 24:16

Mba atu eswe akumbulwile ngwo, Chikapwe kusuku ni yetu kwehuka Yehova tukalingile mazambi akwo,

Akwa Kuyula 6:10

Nanwambile ngwami, Yami Yehova Zambi yenu, kashika kanda nulemesa mazambi ja A-Amore nwatwama mu chifuchi cho. Alioze kunwapanjikile ku liji liami.