Yoshua 24:14 - MUKANDA USANDU WA ZAMBI 1975

¹⁴ Kashika vwilenu woma Yehova haliapwila, numulingile ni mbunge yimuwika ni kushishika. Chizenu hakachi kenu mazambi aze tulamba twenu akombelelele sali lize lia Lwiji, ni mu Engitu, hanga nukalingile Yehova.

Mukanda Wa Zambi 1970

¹⁴ Yoshua yaweza ho maliji ngwenyi: “Kashika, haliabwila lemesenu Mwene Zambi, numulingile ni mbunge yimuwika ya kushishika. Mbilenu mahamba waze te tushakulu twenu akukombelela mu yifuchi ya Mesopotamia ni Egiptu; lingilenu Mwene Zambi wika.

Yoshua 24:14 Iomraidhean Croise

Ubutukilo 17:1

Muze te Apalama kali ni makumi livwa a miaka ni miaka livwa Yehova yasoloka kuli Apalama nikwamba kuli iye ngwenyi, Yami nguli Zambi Mukwa-Ndundo-Jeswe, enda kumeso jami upwe mungunu.

Ubutukilo 35:2

Kashika Yakomba yamba kuli akwa zuwo lienyi ni waze eswe apwile no ngwenyi, Mbilenu mahamba a tundaka nuli no hakachi kenu, lipemesenu, zalenu mazalo eka,

1 MIANANGANA 20:3

Ngunalembe, Yehova, iwuluka kama chize hinenda kumeso je ni umwenemwene ni mbunge yingunu, nikulinga chipema kumeso je. Mba Hezekia yalila chikolo.

Ezra 9:11

jize watumine kuli tuvumbi twe aprofeta ngwe, Chifuchi chize nunayi kutambula, chifuchi cha luchisa mumu ha luchisa wa atu a yifuchi, ni yizelwokeso yo yize hiyachizalisa ni luchisa, chize ku songo limwe ndo ku songo likwo.

Jobe 1:1

Kwapwile umwe lunga mu chifuchi cha Uze; jina lienyi Jo. Mwe lunga te keshi kapalia, mukwa ululi, mukwa kuvwila woma Zambi, keshi kutala ku chuma chipi.

Jobe 28:28

Mba wambile kuli mutu ngwenyi, Tala, woma wa Yehova, e mana aze ene. Kukatuka ku yuma yipi, che chinyingi chenacho.

Miaso (Masamu) 111:10

Woma wa Yehova, we uputukilo wa mana. Waze eswe akulinga nikulita, malinjekela akwete. Uhaliso wenyi kuwalinduluka wa mutolo.

Miaso (Masamu) 119:1

Kawaha waze alulama mu jila; waze enda mu shimbi ja Yehova.

Miaso (Masamu) 119:80

Mbunge yami yikapwe yingunu mu yiyulo ye, mba chichi kevwa sonyi. Kafe

Miaso (Masamu) 130:4

Alioze ukonekeno ukwete, hanga akuvwile woma.

Miaso (Masamu) 81:10

Yami nguli Yehova Zambi ye, nakuchijile ku chifuchi cha Engitu. Pakula kanwa lie liakulu mba mungulizalisa.

Ezekiel 20:18

Yingwamba kuli ana jo mu puya ngwami, Kanda nwenda mu yiyulo ya tulamba twenu, chipwe kufunga shimbi jo, chipwe kulichisa ni mahamba jo.

Ezekiel 23:3

O yalinga ukoi mu Engitu; yalinga ukoi ha wana-mapwo wo; kwenako ashindakenyene mele jo; kwenako akwachilekwachile mele jo ja *uvirgem.

Hosea 3:5

Mba kulutwe A-Izalele makahiluka nikufupa Yehova Zambi yo ni mwanangana wo David. Mba makeza ni woma wa Yehova ku upeme wenyi ha matangwa a kusula.

Alevi 17:7

Chocho akalitwamine kushihila mahamba waze akulichisa no. Yino muyipwa chiyulo cha mutolo kuli ayo ndusu yisemuko yo yeswe.

Mika 6:8

Ena lunga, hanakulweze chize Chinapeme. Yehova yika anafupu kuli yena shina kupatula ni ululi, ni kuzanga vumbi, ni kuliendela ni Zambi ye ni kulikehesa?

Luka 8:15

Yize ha mavu apema, waze mu mbunge jipema, jashishika, muze hevwa liji, malikakaminya, mema mbuto ni uhumikizo.

Yilinga 9:31

Chocho chikungulwila mu Yundeya mweswe ni Ngalileya ni Samaria ahwimine, alikolezele; endele mu woma wa Mwene ni mu kulembejeka cha Spiritu Musandu, mba okele.

2 Korintu 1:12

Mumu kulisamba chetu chino ngwetu, Shindakenyo ya mbunge jetu, ngwe ni usandu ni kutuwika cha mbunge kumeso ja Zambi, hi ni mana ja musunya ko alioze ni vumbi lia Zambi, hitunende hano hashi, ni kuhiana kuli yenu.

Efesu 6:24

Vumbi likapwe hamwe ni waze eswe akuzanga Mwene wetu Yesu Kristu ni zango liamwenemwene.

Shimbi 10:12

Haliapwila, enu A-Izalele, Yehova Zambi yenu kuchi anafupu kuli yenu? Kanafupu nuvwile woma Yehova Zambi yenu ni kwenda mu majila jenyi eswe, nikumuzanga, nikuvumbika Yehova Zambi yenu ni mbunge jenu jeswe ni alma jenu jeswe,

Shimbi 18:13

Nupwe angunu ni Yehova Zambi yenu.

Shimbi 6:13

Nukavwile woma Yehova Zambi yenu, nukamuvumbike iye, nukalishinge ni jina lienyi.

Filipu 1:10

hanga nukasele Shindakenyo ha yuma yahiana kupema; hanga nukapwe akwa kutuwika ku mbunge, nukapwe kunushi chitalingiso ndo ku tangwa lia Kristu;

Yoshua 24:2

Yoshua yamba kuli atu eswe ngwenyi, Yehova Zambi ya Izalele kanambe ngwenyi, Tulamba twenu ha shakulu atwamine mu sali lia Ufrateze, ngwami, Tera tato ya Apalahama ni ya Nehore. Alingilile mazambi akwo.

Yoshua 24:23

Iye yamba ngwenyi, Nyi chocho mbilenu mazambi a tundaka nuli no hakachi kenu, nukatalikise mbunge jenu kuli Yehova mwe Zambi ya Izalele.

1 Samuel 12:14

Nyi munuvwila woma Yehova, nikumulingila, nikupanjika ku liji lienyi, kunwakolemene shimbi ja Yehova, ni yenu ni mwanangana yoze wanuyula munupwa akwa kukaula Yehova Zambi yenu—chipema.

1 Samuel 12:24

Chino wika ngwami, Vwilenu woma Yehova nukamulingile mu umwenemwene ni mbunge jenu jeswe, nukazewule yuma yinene yipwa haha hananulingila.

1 Samuel 7:3

Samuel yamba kuli A-Izalele eswe ngwenyi, Nyi nunahilukila Yehova ni mbunge jenu jeswe katwisenu hakachi kenu mazambi eka ni Asatarote nukatalikise mbunge jenu kuli Yehova nikumulingila iye wika. Mba kumakanupulula kuli A-Filistea.