Yoshua 24:11 - MUKANDA USANDU WA ZAMBI 1975

¹¹ Nwazaukile Yordau, yinwiza ku Yeriku. A-Yeriku ashile jita ni yenu, chocho nawa A-Amore, ni A-Perize, ni A-Kanana, ni A-Hete, ni A-Ngikashe, ni A-Hevwe, ni A-Yepushe. Alioze naakunjikile mu moko jenu.

Mukanda Wa Zambi 1970

¹¹ Yinuzauka Yordau, yinwiza ku limbo lia Yeriku. Akwa Yeriku yaasa nenu jita, ngwe chize alingile Aamore, ni Aperize, ni Akanana, ni Ahite, ni Agirgashe, ni Ahive, ni Ajebuse. Alioze yingunukwasa ni kwakumba eswe.

Yoshua 24:11 Iomraidhean Croise

Ubutukilo 15:19

ni A-Kene, ni A-Kenaze, ni A-Katumone,

Miaso (Masamu) 105:44

Waahele yifuchi ya mavungu. Azukile milimo ya mavungu ja atu;

Miaso (Masamu) 114:3

Kalunga-lwiji wachimwene, yachina. Yordau wahilukile kunyima.

Miaso (Masamu) 114:5

Kuchi unevu, yena kalunga-lwiji hiwachina? Ena Yordau, mba wahiluka kunyima?

Kutuhuka 13:5

Chikapwe muze Yehova makanuhetesa ku chifuchi cha A-Kanana, ni cha A-Hete, ni cha A-Amore, ni cha A-Hevwe, ni cha A-Yepushe, che chize alishingile kuli tulamba twenu mukunwaha, chifuchi kuze kunokela yamwa ni wuchi, ngwami, Ha kakweji yono mwene nukalinge uvumbiko uno.

Kutuhuka 23:23

Mumu mungelo wami kumakakutetekela, kumakakuhetesa ndo kuli A-Amore, ni kuli A-Hete, ni kuli A-Perize, ni kuli A-Kanana, ni kuli A-Hevwe, ni kuli A-Yepushe. Yami kumungukaateta.

Kutuhuka 23:28

Kumungukatuma mboji kulutwe lienu, waze makahuma kumeso jenu A-Hevwe, ni A-Kanana, ni A-Hete.

Kutuhuka 23:31

Mungukafunjika njiza jenu chize ku Kalunga-lwiji Muchila ndo ku kalunga-lwiji wa A-Filistea; chize ku puya ndo ku Lwiji, mumu mungukakunjika akwa chifuchi chize ku moko jenu mba yenu munukaahuma kulutwe lienu.

Kutuhuka 3:17

Hinamba ngwami, Mungukanuchiza ku luyinda wa Engitu, mungukanutwala ku chifuchi cha A-Kanana, ni A-Hete, ni A-Amore, ni A-Perize, ni A-Hevwe, ni A-Yepushe, ku chifuchi kuze kunokela yamwa ni wuchi.

Kutuhuka 3:8

Hinahulumuka mukwapulula ku moko ja A-Engitu, mukwachiza ku chifuchi chize, mukwatwala ku chifuchi chipema, chinene, ndo ku chifuchi kuze kunokela yamwa ni wuchi, ndo ku chihela cha A-Kanana, ni cha A-Hete, ni cha A-Amore, ni cha A-Perize, ni cha A-Hevwe, ni cha A-Yepushe.

Kutuhuka 33:2

Mungukatuma mungelo kumeso je, (mumu mungukahuma mu chifuchi A-Kanana, ni A-Amore, ni A-Hete, ni A-Perize, ni A-Hevwe, ni A-Yepushe)

Yilinga 13:19

Muze te hapupa mavungu shimbiali mu chifuchi cha Kanana, waahele chifuchi cho ngwe chihinga, ngwe kulakaji awana a miaka ni makumi atano a miaka.

Yilinga 7:45

Yize nawa tulamba twetu ayitambwile waze atetekelele, ayinehene hamwe ni Yoshua muze anjilile mukupita chifuchi cha akwa mavungu, waze Zambi Watuhwishile kumeso ja tulamba twetu ndo ku matangwa ja David.

Shimbi 7:1

Muze Yehova Zambi yenu manuhetesa mu chifuchi nunayi kuchizuka, ha kahuma mavungu anji kumeso jenu, A-Hete, ni A-Ngikashe, ni A-Amore, ni A-Kanana, ni A-Perize, ni A-Hevwe, ni A-Yepushe, mavungu shimbiali ananuhiana ni unene, ni ndundo,

Yoshua 3:10

Yoshua yamba ngwenyi, Ha chikuma chino mununyingika ngwenu, Zambi ya mwono hwali hakachi ka yetu, mba iye kechi kuhona kuhuma A-Kanana, ni A-Hete, ni A-Hevwe, ni A-Perize, ni A-Ngikashe, ni A-Amore, ni A-Yepushe kumeso jetu.

Yoshua 4:1

Muze lie vungu lieswe hiliahwa kuzauka Yordau Yehova yamba kuli Yoshua ngwenyi,

Yoshua 4:19

Atu atuhukile mu Yordau ha tangwa liamuchikumi lia kakweji mutangu. Yasa chilombo cho mu Ngilingali ha njiza ya Yeriku ku Chivumbuko.

Yoshua 4:23

Mumu Yehova Zambi yenu womishine meya a Yordau hali yenu ndo hinwazauka, chizechene ngwe Yehova Zambi yenu walingile ku Kalungalwiji Muchila nikumuumisa hali yetu ndo hitwazauka.

Yoshua 9:2

alikungulwile ni mbunge yimuwika akase jita ni Yoshua ni A-Izalele.