Yoshua 23:8 - MUKANDA USANDU WA ZAMBI 1975

⁸ Alioze lalaminyenu kuli Yehova Zambi yenu chizechene hinwalinga musono.

Mukanda Wa Zambi 1970

⁸ Alioze lalaminyenu kuli Mwene Zambi, Zambi yenu, ngwe chize nwakulinga ndoo ni musono,

Yoshua 23:8 Iomraidhean Croise

1 MIANANGANA 18:6

Mumu walalaminyine kuli Yehova; kalitwaminyine kumukaula; yafunga shimbi jenyi jize Yehova watumine kuli Mose.

Yilinga 11:23

Iye, muze ahetele, ha kumona vumbi lia Zambi, wawahililile; waashinjile eswe hanga ni mbunge yeswe alalaminye kuli Mwene.

Shimbi 10:20

Nukavwile woma Yehova Zambi yenu, nukamuvumbike iye, nukamulalaminye, nukalishinge ni jina lienyi.

Shimbi 11:22

Mumu kachi munufunga kanawa liji lino lieswe lia shimbi ngunanwambe, ni kulilinga, nukuzanga Yehova Zambi yenu, mukwenda mu majila jenyi eswe, mukulalaminya kuli iye,

Shimbi 13:4

Nukakaule Yehova Zambi yenu, numuvwile woma, nufunge maliji jenyi a shimbi, nuzeyele liji lienyi, numuvumbike, numulalaminye.

Shimbi 13:5

Yoze profeta, hanji yoze mukwa kulota yilota mushihenu, mumu te iye hahanjika maliji a kukolema Yehova Zambi yenu, yoze wanuchijile mu chifuchi cha Engitu, nikunukula ku zuwo lia upinji ngwenyi, Nuhambuluke ku jila yize Yehova Zambi yenu anwambileyo ngwenyi, Nwendemo. Chocho nukatwise che chipi hakachi kenu.

Shimbi 4:4

Hindu yenu eswe nwalalaminyine kuli Yehova Zambi yenu, nuli a mwono tangwa lino.

Shimbi 8:20

Enu nawa munukakuwa ngwe mavungu aakuwishile kuli Yehova kumeso jenu mumu te kunusolo kupanjika liji lia Yehova Zambi yenu.

Yoshua 22:5

Ononokenu kufunga shimbi ni yiyulo yize Mose kavumbi ka Yehova wanutumine, nukazange Yehova Zambi yenu, nukende mu majila jenyi eswe, nukafunge yiyulo yenyi, nukalalaminye kuli iye, nukamulingile ni mbunge jenu jeswe ni alma jenu jeswe.

Yoshua 23:7

Kanda nukalifutula ni mavungu aze asala hakachi kenu. Kanda nukavuluka majina ja mazambi jo, chipwe kulishinga ni majina jo, chipwe kwalingila, chipwe kufukama kuli ayo.

Yoshua 23:9

Mumu Yehova hahuma kumeso jenu mavungu anene a tachi, mba ha kutwala kuli yenu, niumwe hahasa kuhamika ni yenu ndo musono.