Yoshua 23:7 - MUKANDA USANDU WA ZAMBI 1975

⁷ Kanda nukalifutula ni mavungu aze asala hakachi kenu. Kanda nukavuluka majina ja mazambi jo, chipwe kulishinga ni majina jo, chipwe kwalingila, chipwe kufukama kuli ayo.

Mukanda Wa Zambi 1970

⁷ kunuchi kulichinga ni mavungu waze ali hakachi kenu ni kuvuluka majina ja mazambi jo, chibwe kuuchinga no, kwafukamina ni kwakombelela.

Yoshua 23:7 Iomraidhean Croise

1 MIANANGANA 17:12

Alingilile tuponya aze Yehova hanambe ngwenyi, Kanda nulinga chuma chino.

1 MIANANGANA 5:18

Alioze ha chuma chino chimuwika Yehova angukonekene kama yami kavumbi ke, ngwami, muze mwata wami maya ku zuwo lia Rimone kuwayila, neye majamina ha kwoko liami ni yami munguhetamina mu zuwo lia Rimone, Yehova angukonekene yami kavumbi ke ha chuma chino.

2 Sango Ja Mianangana 7:19

Alioze nyi munutewuluka nikwehuka maliji jami ni shimbi jami jino hinasa kumeso jenu nukaye nikulingila mazambi eka nikwawayila,

Miaso (Masamu) 16:4

Yinyengo ya waze akukaula mazambi akwo muyoka. Chichi kulambula milambu yo ya manyinga, majina jo chichi kuvuluka ha mivumbo yami.

Kutuhuka 20:5

Kanda ukafukama kuli ayo, chipwe kwalingila, ka, mumu yami Yehova Zambi ye, nguli Zambi ya ukwa, nikufwetesa ana uhenge wa atato ndo ku chisemuko chamuchitatu ni chamuchiwana cha waze akunguvwila kole;

Kutuhuka 23:13

Nukafunge yuma yeswe hinamba kuli yenu. Kanda nukavuluka majina ja tuzambi tweka, chipwe kanda akaevwa ku makanwa jenu.

Kutuhuka 23:33

Kanda akatwama mu chifuchi chenu kuchina manuvulumwisa mu yuma yami. Mumu nyi munulingila tuzambi two, chamwenemwene kumuchikapwa kambwila kuli yenu.

Yishima 4:14

Kanda unjila mu jila ya yingulungulu; kanda uliata mu jila ya atu api.

Jeremia 12:16

Muchikapwa nyi malilongesa kanawa kanawa ndako ja atu jami, akalishinge ni jina liami ngwo, Ni mwono wa Yehova, chizechene ngwe alongesele atu jami kulishinga ni Mbale; nyi chocho mba maatungisa hakachi ka atu jami.

Jeremia 5:7

Kuchi munguhasa kunukonekena? Ana jenu hanangwehuka, hanalishingi ni waze hi mazambi ko. Muze naalishile kanawa, alingile utanji, ni kakuya mu yendo ku mazuwo ja yikoi.

Hosea 2:17

Mumu mungukachiza majina ja Ambale ku kanwa lienyi. Kechi kaatongola ni majina jo nawa.

Zefania 1:5

waze ha mafulumba kakulihetamina ku mbunga ya mwilu; waze akulihetamina nikulishinga ni Yehova, hindu kakulishinga ni Malekame,

Kwalula 32:38

ni Nebo, ni Mbale-meone (te yalumuna majina jo) ni Sibima: membo aze atungile yaaluka majina eka.

Kwalula 33:55

Alioze kachi kunuchi kahuma akwa chifuchi kumeso jenu, henaho atu a kuli ayo, waze munukatayiza kutwama, makapwa ngwe misongolwela mu meso jenu, ngwe mbimbo mu malumbu jenu, kumakanupinjisa mu chifuchi muze munukatwama.

1 Korintu 15:33

Kanda nulionga, Usepa upi kuwakupihisa ndako jipema.

Efesu 5:11

Kanda nuliendela ni yitanga ya kuseka ya milima, alioze Shinaho kuyikanjisa.

Shimbi 10:20

Nukavwile woma Yehova Zambi yenu, nukamuvumbike iye, nukamulalaminye, nukalishinge ni jina lienyi.

Shimbi 6:13

Nukavwile woma Yehova Zambi yenu, nukamuvumbike iye, nukalishinge ni jina lienyi.

Shimbi 6:14

Kanda nukaula tuzambi tweka, tuzambi twa mavungu ananujingilika,

Yoshua 23:12

Mumu nyi munuhilukila kunyima nikulifutula ni mavungu aze asala hakachi kenu nukalimbate no, hanga nukambate mapwo jo, no akambate mapwo jenu,

Yoshua 23:8

Alioze lalaminyenu kuli Yehova Zambi yenu chizechene hinwalinga musono.