Yoshua 23:16 - MUKANDA USANDU WA ZAMBI 1975

¹⁶ Nyi munutangula usendo wa Yehova Zambi yenu uze hanwamba, nukaye nikulingila mazambi akwo nikufukama kuli ayo, mba utenu wa Yehova muukalekwoka kulimika ni yenu nukanonge lume washi ha chifuchi chipema hanwaha.

Mukanda Wa Zambi 1970

¹⁶ Nyi kunwafungile Usendo wa Mwene Zambi, Zambi yenu, uze hanakolesa ni yenu, alioze nyi nwawayila ni kulingila mazambi eka, mba makanumwesa lamba mu ufwatulo wenyi. Munukanongena mu chifuchi chize chibema hananwehe, niumwe kechi kasala mo.”

Yoshua 23:16 Iomraidhean Croise

1 Yitanga Ya Mianangana 14:15

Mumu Yehova kumakalamba Izalele ngwe mbungu ja kunyika mu meya. Kumakatukula Izalele mu chifuchi chino chipema wachihanyine kuli tulamba two. Kumakaamwanga mu sali lia mwe Lwiji mumu halinga Ashera jo akehie Yehova ku utenu.

1 Yitanga Ya Mianangana 9:6

Alioze nyi mutewuluka nikulitwamina kungukaula, chipwe yena chipwe ana je, hanji kuchi kuhinga shimbi jami ni yiyulo yami yize hinasa kumeso je ukaye ukalingile mazambi akwo nikwawayila,

1 Yitanga Ya Mianangana 9:7

nyi chocho munguteta A-Izalele ku chifuchi chino naahele mba zuwo lino hinasela ku usandu ha jina liami mungulimbila kumeso jami. A-Izalele nawa kumalumuka ngwe chishima, kanda ngwe kashilikilo hakachi ka mavungu.

1 MIANANGANA 17:7

Chapwile chocho mumu A-Izalele hanavulumuna Yehova Zambi yo, yoze waachijile ku kwoko lia Falau mwanangana wa Engitu ni ku chifuchi chenyi. Hindu o havwila woma mazambi akwo,

1 MIANANGANA 24:20

Mumu ha mukunda wa utenu wa Yehova chino cheswe chejile ha Yerusaleme ni hali A-Yunda akaachize kumeso jenyi. Mba Zedekia yakatukila mwanangana wa Babilonia.

Izaya 24:5

Hashi hapwa ha luchisa kushi lia yiliato ya waze atwamaho, mumu hanatangula shimbi, hanavulumuna yiyulo, hanashihi usendo wa miaka yeswe.

Jeremia 32:23

O yanjila yachizuka, alioze kononokene ku liji lie, chipwe kwenda nikulita ni shimbi ye. Kalingile nichimwe cha yize waatumine yena. Kashika waatumine yikalu yino yeswe kuli ayo.

Jeremia 32:24

Milumba ya kuseleka hiyakundama ku chihunda kuchitambula, mumu ha katana, ni kapunga, ni chilungo chihunda chino hanachikunjika kuli A-Kaletea waze alinwa nacho. Chize wambile mba hichapwa, ni kumanyi unachimono.

Kwalula 33:56

Ngwami, Chizechene ngwe nanyongene kulinga kuli ayo, chocho mungukalinga kuli yenu.

Shimbi 17:3

te haya ni kuvumbika tuzambi tweka, hatuwayila, chipwe hawayita tangwa chipwe kakweji, chipwe chimwe cha chizavu cha malilu chanwambileyo,

Shimbi 28:15

Nyi kunuchi kapanjika ku liji lia Yehova Zambi yenu, ni kukanyama kulinga shimbi jenyi jeswe, ni yiyulo yenyi ngunanwambeyo musono, mba mashingo ano eswe makapwa hali yenu, makanuwana.

Shimbi 6:15

mumu Yehova Zambi yenu yoze uli hakachi kenu iye Zambi ya ukwa, kuchina utenu wa Yehova Zambi yenu muunukasumukina, iye makanukuwisa hashi heswe.

Akwa Kuyula 2:14

Kashika utenu wa Yehova wakasumukine hali A-Izalele; waakunjikile kuli akwa kupupa, akaapupe. Yaalanjisa ku tachi ja akwa kole jo ha kwajingilika, chocho kahashile kulimika nawa ni akwa kole jo.

Akwa Kuyula 2:20

Kashika utenu wa Yehova wakasumukine hali A-Izalele. Yamba ngwenyi, Mumu wano atu hatangula usendo wami uze natumine tulamba two, chipwe liji liami kaliononokenene,

1 Samuel 12:25

Alioze nyi hindu munulinga ungulungulu kumunukakuwa, ni yenu ni mwanangana wenu.