Yoshua 23:13 - MUKANDA USANDU WA ZAMBI 1975

¹³ nyingikenu kanawa ngwenu, Yehova Zambi yenu kechi kahuma wano mavungu kumeso jenu nawa alioze kumakapwa makambwila ni miheto kuli yenu. Kumakapwa shikote ha pachi jenu, ni mbimbo mu meso jenu ndo mununonga ha chifuchi chino chipema Yehova Zambi yenu hanwaha.

Mukanda Wa Zambi 1970

¹³ nyingikenu ngwenu, Mwene Zambi, Zambi yenu, kechi kahuma nawa mavungu wano ku meso jenu. Kumaakabwa makambwila ni miheto kuli yenu, ni shikote (fimbo) ha manyima jenu, ni mbimbo mu meso jenu. Chino kuchichi kahwa ndoo ni muze mununonga, niumwe kechi kasala ho mu chifuchi chino chibema, chize Mwene Zambi, Zambi yenu, hananwehe.

Yoshua 23:13 Iomraidhean Croise

1 Yitanga Ya Mianangana 11:4

Mumu muze Solomone hapwa mukulwana mapwo jenyi apiangwilile mbunge yenyi ku mazambi akwo. Mbunge yenyi kuyapwile yingunu liakulu kumeso ja Yehova Zambi yenyi ngwe mbunge ya tato David yapwile.

1 MIANANGANA 17:18

Kashika Yehova watenukine chikolo ni A-Izalele yaachiza kumeso jenyi. Kahichikile niamwe shina munyachi wa Yunda wika.

1 MIANANGANA 17:20

Kashika Yehova yalituna munyachi weswe wa Izalele. Yaapinjisa, nikwakunjika mu moko ja akwa kwapupa, ndo haachiza kumeso jenyi.

1 MIANANGANA 25:21

Mwanangana wa Babilonia yaalamba, yaashiha mu Ribila mu chifuchi cha Hamate. Chocho yachiza Yunda mu chifuchi chenyi nikumutwala funge.

1 MIANANGANA 25:26

Mba atu eswe, akepe ni anene, ni tupitau twa tujita yakatuka, yachinyina ku Engitu mumu evwile woma wa A-Kaletea.

Miaso (Masamu) 69:22

Mesa yo yikalumuke kambwila kumeso jo. Muze matwama nikuhwima, chikalumuke muheto kuli ayo.

Kutuhuka 10:7

Ngamba ja Falau ambile kuli iye ngwo, Ndo mwiji muka yono lunga mapwa kambwila kuli yetu? Echa malunga aye, akalingile Yehova Zambi yo. Kanda uchinyingika nyi? Ngwetu, Chifuchi cha Engitu kuchafwa.

Kutuhuka 23:33

Kanda akatwama mu chifuchi chenu kuchina manuvulumwisa mu yuma yami. Mumu nyi munulingila tuzambi two, chamwenemwene kumuchikapwa kambwila kuli yenu.

Kutuhuka 34:12

Ulifunge yena mwene kuchina mukakwata usendo ni akwa chifuchi kuze mukaya, kuchina muukapwa kambwila hakachi kenu.

Kutuhuka 34:16

Kuchina mukambachisa ana jo a mapwo kuli ana je a malunga, mba ana jo a mapwo makaya akalinge ukoi ni tuzambi two mba makazangisa ana je a malunga kuya akalinge ukoi ni tuzambi two.

Ezekiel 28:24

Ha kutwala kuli akwa munyachi wa Izalele kukuchi kapwa nawa mukalale kwahowa, hanji lumbimbo kwalemeka hakachi ka waze eswe anaajingilika, waze te hanaalelesa. Henaho makanyingika yami nguli Mwene Yehova.

Kwalula 33:55

Alioze kachi kunuchi kahuma akwa chifuchi kumeso jenu, henaho atu a kuli ayo, waze munukatayiza kutwama, makapwa ngwe misongolwela mu meso jenu, ngwe mbimbo mu malumbu jenu, kumakanupinjisa mu chifuchi muze munukatwama.

Luka 21:24

Kumakafwa ku lutwilo wa katana, kumakaatwala funge ku mavungu eswe; ni Yerusaleme kumakayiliata kuli akwa mavungu, ndo miaka ya akwa mavungu muyikamanunuka.

Shimbi 29:28

Yehova yaatukula ku chifuchi cho ni utenu wenyi, ni ufwatulo wenyi, ni matoto anji, yaambila mu chifuchi cheka, ngwe chapwa musono.

Shimbi 30:18

ngunanwambulwila musono ngwami. Chamwenemwene kumunukakuwa. Kunuchi kwokesa matangwa jenu mu chifuchi nunazauka Yordau kuchizuka.

Shimbi 4:26

ngunatambika malilu ni hashi yinushindakenye tangwa lino ngwo, Nikawashi munukakuwa liakulu mu chifuchi munuzauka Yordau kuchizuka. Kunuchi kwokesamo matangwa jenu, alioze munukakuwa liakulu.

Shimbi 7:16

Munukamanuna mavungu eswe Yehova Zambi yenu makakunjika kuli yenu, meso jenu kanda akaavwila keke. Kanda nukavumbika tuzambi two, mumu acho muchipwa kambwila kuli yenu.

2 Timoteu 2:26

Akalaule, akachine ku kambwila lia Ndiapu, (waze hanakwachika kuli iye mukulinga upale wenyi).

Akwa Kuyula 2:21

kashika mavungu aze Yoshua wahichikile muze wafwile chichi kwahuma kumeso jo,