Yoshua 22:6 - MUKANDA USANDU WA ZAMBI 1975

⁶ Chocho Yoshua waawahishile waashikile, o yaya ku mahio.

Mukanda Wa Zambi 1970

^6-8 Mba Yoshua yaashika ni maliji wano ngwenyi: “Nunahiluka ku mahienu ni ubite Wahiana: ngombe, ni prata, ni oru, ni unengu, ni mahina. Yuma yize hinwabuba kuli akwa kole yenu nuyiteta ni usoko wenu Aisraele.” No yaakatuka ni kuya ku mahio. (Mose hanahana chifuchi cha ku chivumbuko cha lwiji Yordau ku mbunga yimuwika ya vungu lia Manase, alioze mbunga yikwo yaaha chifuchi cha ku chitokelo cha Yordau, hamwe ni mavungu akwo.)

Yoshua 22:6 Iomraidhean Croise

Ubutukilo 14:19

Yawahisa Apalama ngwenyi, Zambi Chitunda, Mwenya malilu ni hashi akawahise Apalama,

Ubutukilo 47:10

Chocho Yakomba yawahisa Falau, yakatuka kumeso jenyi.

Ubutukilo 47:7

José yaneha tato Yakomba, yamusela kumeso ja Falau. Yakomba yawahisa Falau.

2 Samuel 6:18

Muze te David hamana kulambula milambu ya kulumba ni milambu ya sambukila yawahisa atu mu jina lia Yehova-wa-Tujita.

2 Samuel 6:19

Yapangila hakachi ka atu eswe, ye mbunga yeswe ya A-Izalele, ni malunga ni mapwo, kuli mweswe mbolo yimuwika, ni chihanda cha yifwo, ni chandanda cha uva jomu. Mba atu eswe yaya, mutu ku zuwo lienyi, mutu ku zuwo lienyi.

2 Samuel 6:20

David yeza kuwahisa zuwo lienyi, alioze Mikale mwana Saulu yatuhuka kupatwiza David ngwenyi, Mba mwanangana wa Izalele walilemesanga kanawa musono nikulifukula kumeso ja ana-mapwo ja ngamba jenyi ngwe umwe mutu wamokomoko malifukula ni sonyi jakuhi.

1 Yitanga Ya Mianangana 8:66

Ha tangwa liamuchinake yashika ni atu. O yawahisa mwanangana, yaya ku mazuwo jo nikuwahilila ni chiseke cha mbunge mumu ha utu weswe Yehova hasolola kuli David kavumbi kenyi ni kuli atu jenyi A-Izalele.

2 Sango Ja Mianangana 30:18

Mumu mbunga yinene ya atu, anji a kuli A-Eframe, ni A-Manase, ni A-Isaka, ni A-Zapulone kalipemesene, hindu alile, alioze kalile nikulita ni yisoneko. Mumu Hezekia hanaalembela ngwenyi, Yehova mupema aakonekene eswe

Kutuhuka 39:43

Mose yatala milimo yeswe, kumanyi te halinga yeswe chizechene ngwe Yehova hamba, chocho hayilinga, mba Mose yaawahisa.

Luka 2:34

Semone waawahishile, wambile kuli naye Maria ngwenyi, Yono hanamusela ha kulimbuka ni ha kukatuka cha anji mu Izalele; akapwe chilayi chize anachihamikina.

Luka 24:50

Iye Waatwalile haze ndo hatalanganyi ni Mbetaniya; iye wazundwile moko jenyi, waawahishile.

Yoshua 14:13

Mba Yoshua yamuwahisa. Yahana Heprone kuli Kalemba mwana wa Yefune, chikapwe chihinga.

Yoshua 24:28

Chocho Yoshua yatuma e atu eswe ku yihinga yo.

1 Samuel 10:25

Mba Samuel yalumbununa kuli atu je shimbi ja wanangana; yajisoneka mu mulanda nikuutumbikila kumeso ja Yehova. Samuel yashika ni atu, yaatuma mutu mweswe ku zuwo lienyi.

1 Samuel 13:2

Mba Saulu walisakwilile tununu atatu a malunga A-Izalele. Tununu aali atwamine hamwe ni Saulu ku Mikimashi ni ku mulundu wa Mbetele, ni kanunu umuwika atwamine hamwe ni Jonatas mu Ngibia ya Mbenjamine. Atu akwo eswe waatumine mutu mweswe ku mbalaka yenyi.

1 Samuel 2:20

Eli yawahisa Elekana ni mukwopwo ngwenyi, Yehova akwehe ana kuli yono pwo mumu hali yono wamuhana kuli Yehova. Chocho yaya ku mahio.