Yoshua 22:5 - MUKANDA USANDU WA ZAMBI 1975

⁵ Ononokenu kufunga shimbi ni yiyulo yize Mose kavumbi ka Yehova wanutumine, nukazange Yehova Zambi yenu, nukende mu majila jenyi eswe, nukafunge yiyulo yenyi, nukalalaminye kuli iye, nukamulingile ni mbunge jenu jeswe ni alma jenu jeswe.

Mukanda Wa Zambi 1970

⁵ Fungenu kanawa Shimbi jize anuhele Mose ngwenyi: ‘Zangenu Mwene Zambi. Zambi yenu, lingenu chize anazange, fungenu Shimbi jenyi, bwenu akwa kushishika, mulingilenu ni mbunge jenu Jeswe, ni mwono wenu weswe.’ ”

Yoshua 22:5 Iomraidhean Croise

Miaso (Masamu) 106:3

Kawaha waze akufunga upatwilo, ni yoze wakulinga ululi matangwa eswe.

Miaso (Masamu) 78:7

Hanga akasele kutalatala cho muli Zambi, nikuvulama yitanga ya Zambi ka, alioze akafunge shimbi jenyi.

Kutuhuka 15:26

Yamba ngwenyi, Kachi yenu munuhalakana pundu ku liji lia Yehova Zambi yenu, nikulinga chize chinate ku meso jenyi, nikupanjika ku maliji jenyi a shimbi, nikufunga yiyulo yenyi yeswe, kachi chichi kusa hali yenu kuyiza nichimwe nasele hali A-Engitu, mumu Yami Yehova, mukwa kunuwuka.

Kutuhuka 20:6

nikulweza utu wa zango kuli tununu twa waze akunguzanga, kuli waze akufunga shimbi jami.

Kutuhuka 23:13

Nukafunge yuma yeswe hinamba kuli yenu. Kanda nukavuluka majina ja tuzambi tweka, chipwe kanda akaevwa ku makanwa jenu.

Kutuhuka 23:25

Nukavumbike Yehova Zambi yenu. Iye kumakawahisa kulia chenu ni meya jenu. Kumungukachiza kuyiza hakachi kenu.

Yishima 4:23

Funga mbunge ye kuhiana yuma yeswe, mumu kwe kuuto ya mwono kwenako.

Izaya 55:2

Kuchi te wakumwanga mbongo je ha chize hi mbolo ko? Kuchi te wakutokesa milimo ye ha chize kuchayukishile mbunge? Panjika kanawa kuli yami, ukalie yuma yipema, ukawahilile ni maji.

Jeremia 12:16

Muchikapwa nyi malilongesa kanawa kanawa ndako ja atu jami, akalishinge ni jina liami ngwo, Ni mwono wa Yehova, chizechene ngwe alongesele atu jami kulishinga ni Mbale; nyi chocho mba maatungisa hakachi ka atu jami.

Mateu 22:37

Yesu wambile kuli iye ngwenyi, Ngwo, Ukazange Mwene Zambi-ye ni mbunge ye yeswe, ni mwono we weswe, ni kunyonga che cheswe.

Mateu 4:10

Hohene Yesu yamba kuli iye ngwenyi, Sosolokako Satana: mumu chinasonewa ngwo, Ukawayile Mwene Zambi ye, iye wika ukamulingile.

Mateu 6:24

Niumwe mahasa kulingila miata aali: mumu hanji mavwila kole umwe, mazanga mukwo; hanji makakaminya kuli umwe, malelesa mukwo. Kunwahashile kulingila Zambi ni kulingila upite hamuwika.

Luka 1:74

Mukuhana kuli yetu, tukapuluke ku moko ja akwa kole jetu, tukamulingile ni woma wakuhi,

Yoano 12:26

Kachi umwe manguvumbika, kachi akangukaule; ni kuze yami nguli, kuze kwene nawa kumakapwa kavumbi kami: kachi umwe manguvumbika, kachi Tata kumakamulemesa.

Yoano 14:15

Kachi nunanguzange, fungenu shimbi jami.

Yilinga 11:23

Iye, muze ahetele, ha kumona vumbi lia Zambi, wawahililile; waashinjile eswe hanga ni mbunge yeswe alalaminye kuli Mwene.

Yilinga 27:23

Mumu kamananga ku lumbu liami ufuku uno, mungelo wa Zambi, yoze wangupita, yoze nawa nakumulingila,

A-ROMA 1:9

Mumu Zambi iye chela chami, yoze nakumulingila ni spiritu yami mu sango lipema lia Mwanenyi, ngwe nakunuvulwoka mu yilemba yami nikulitwamina nichimwe;

A-ROMA 12:9

Zango likapwe kulishi ulembekese. Ivwenu lwaji ha ungulungulu; lalaminyenu ku yipema.

A-ROMA 8:28

Alioze tunanyingika, kuli waze akuzanga Zambi, yuma yeswe kuyakulinga hamuwika ha yipema, te kuli waze hanaatambika nikulita ni upale wenyi.

Shimbi 10:20

Nukavwile woma Yehova Zambi yenu, nukamuvumbike iye, nukamulalaminye, nukalishinge ni jina lienyi.

Shimbi 11:1

Kashika, zangenu Yehova Zambi yenu, nufunge ulayilo wenyi, ni yiyulo yenyi, ni upatwilo wenyi, ni maliji jenyi a shimbi matangwa eswe.

Shimbi 11:13

Kashika, nyi munupanjika kanawa ku maliji jami a shimbi ngunanwambe musono, nukazange Yehova Zambi yenu, mukumuvumbika ni mbunge jenu jeswe ni alma jenu jeswe,

Shimbi 11:22

Mumu kachi munufunga kanawa liji lino lieswe lia shimbi ngunanwambe, ni kulilinga, nukuzanga Yehova Zambi yenu, mukwenda mu majila jenyi eswe, mukulalaminya kuli iye,

Shimbi 13:4

Nukakaule Yehova Zambi yenu, numuvwile woma, nufunge maliji jenyi a shimbi, nuzeyele liji lienyi, numuvumbike, numulalaminye.

Shimbi 4:29

Alioze nyi munukafupako Yehova Zambi yenu munukamuwana, nyi munukamufupa ni mbunge jenu jeswe ni alma jenu jeswe.

Shimbi 4:4

Hindu yenu eswe nwalalaminyine kuli Yehova Zambi yenu, nuli a mwono tangwa lino.

Shimbi 4:6

Nuyifunge, nuyilinge; mumu yino kuyapwa mana jenu ni yinyingi yenu kumeso ja mavungu makevwa yiyulo yino. O mamba ngwo, Chamwenemwene munyachi uno kuwapwa atu a mana ni yinyingi.

Shimbi 4:9

Chino wika ngwami, Nukanyame, nufunge chikolo mbunge jenu kuchina munuvulama yuma yize hinunayimono, kuchina muyikatuka ku mbunge jenu matangwa eswe a mwono wenu, ni ana jenu ni ajikulu jenu nwanyingikiseyo.

Shimbi 5:10

nikulweza utu wa zango kuli tununu twa waze akunguzanga, kuli waze akufunga shimbi jami.

Shimbi 6:17

Nufunge kanawa maliji a shimbi a Yehova Zambi yenu, ni Shindakenyo jenyi ni yiyulo yenyi anwambileyo.

Hebreu 12:15

Talenu kanawa kuchina mapwa umwe wakuhona vumbi lia Zambi, kuchina muji umwe wa usasu muze wasoka, muunupinjisa, ni anji malichisa nawo;

Tiangu (Jake) 1:12

Kawaha mutu yoze manyongonona mu cheseko; mumu muze hamusela Shindakenyo yipema, makatambula chipangula cha mwono, chize Mwene hanalakenya kuli waze akumuzanga.

Tiangu (Jake) 2:5

Ivwenu, mandumbu jami a zango, ngwami, Zambi te katongwele yiswale a hashi pichi ni Ufulielo, ni maswana ja wanangana, uze walakenyene kuli waze akumuzanga nyi?

Yoshua 23:8

Alioze lalaminyenu kuli Yehova Zambi yenu chizechene hinwalinga musono.

Usolwelo 15:3

O yemba mwaso wa Mose, ndungo ya Zambi, ni mwaso wa mwe Mwana-panga, ngwo, Yitanga ye yinene ni ya ku komwesa, Mwene Zambi ya Ndundo-Jeswe! Majila je amwenemwene ni a ululi, Mwanangana wa mavungu!

1 Samuel 12:20

Samuel yamba kuli atu ngwenyi, Kanda nwivwa woma. Chamwenemwene hinwalinga chipi chino cheswe, hindu ha kukaula Yehova, kanda nupiasuka. Lingilenu Yehova ni mbunge jenu jeswe.

1 Samuel 12:24

Chino wika ngwami, Vwilenu woma Yehova nukamulingile mu umwenemwene ni mbunge jenu jeswe, nukazewule yuma yinene yipwa haha hananulingila.

1 Samuel 7:3

Samuel yamba kuli A-Izalele eswe ngwenyi, Nyi nunahilukila Yehova ni mbunge jenu jeswe katwisenu hakachi kenu mazambi eka ni Asatarote nukatalikise mbunge jenu kuli Yehova nikumulingila iye wika. Mba kumakanupulula kuli A-Filistea.