Yoshua 22:4 - MUKANDA USANDU WA ZAMBI 1975

⁴ Mba haliapwila Yehova Zambi yenu hahana uhwimino kuli akwenu chizechene ngwe walilakenyene no. Kashika tewulukenu nukaye ku mahienu ku chifuchi kuze kwatwama chihinga chenu, chize Mose kavumbi ka Yehova wanuhele sali lize lia Yordau.

Mukanda Wa Zambi 1970

⁴ Haliabwila, ngwe chize hanalakenya, Mwene Zambi, Zambi yenu, hahana uhwimino kuli usoko wenu Aisraele. Kashika hilukenu ku chifuchi chize nwechile, cha musali lia Yordau ku chivumbuko, chize anuhele Mose, kavumbi ka Mwene Zambi.

Yoshua 22:4 Iomraidhean Croise

1 Sango Ja Mianangana 22:18

Yehova Zambi yenu kwali hamwe ni yenu. Hanuhwimisa kweswe kwa kujingilika mumu hanakunjika akwa chifuchi ku kwoko liami kashika chifuchi cheswe hichahomboka kumeso ja Yehova ni kumeso ja atu jenyi.

Kutuhuka 33:14

Yehova yamba ngwenyi, Yami mwene mungukapwa hamwe ni yena. Kumungukakuhwimisa.

Kwalula 32:18

Kutuchi kahiluka ku mazuwo jetu, ndo A-Izalele mutu mweswe makahinga chihinga chenyi.

Shimbi 12:9

Mumu kanda nuchiheta kwa kuhwimina ni ku chihinga Yehova Zambi yenu ananwehecho.

Shimbi 29:8

Yitutambula chifuchi cho, yituchihana kuli A-Rupene chihinga, ni kuli A-Ngate, ni ku chihanda cha munyachi wa A-Manase.

Shimbi 3:20

ndo Yehova mahana uhwimino kuli akwenu ngwe ahanyine kuli yenu, mba o nawa azuke chifuchi Yehova Zambi yenu anaahecho mu sali lia Yordau; henaho munuhiluka mutu ni mutu ku chihinga chenyi nanuhelecho.

Hebreu 4:8

Mumu kachi Yoshua waahetesele ku uhwimino, kachi kahanjikile kulutwe ha kutwala ku tangwa likwo.

Yoshua 1:15

ndo Yehova mahana uhwimino kuli akwenu ngwe hanwaha yenu, no nawa hazuka chifuchi Yehova Zambi yenu kanaahe. Mba kulutwe munuhilukila chifuchi cha chihinga chenu nuchizuke, ngwami, chifuchi chize Mose mwe kavumbi ka Yehova wanuhele mu sali lia Yordau ku Chivumbuko.

Yoshua 12:6

Mose kavumbi ka Yehova ni A-Izalele akumbile wano, mba Mose kavumbi ka Yehova wahanyine chifuchi cho chikapwe chihinga kuli A-Rupene, ni A-Ngate, ni chihanda cha ha muchima cha munyachi wa A-Manase.

Yoshua 13:15

Mose wahanyine chihinga ku munyachi wa A-Rupene nikulita ni majimo jo.

Yoshua 13:8

A-Rupene ni A-Ngate hamuwika ni chihanda chikwo cha munyachi wa A-Manase o atambwile chihinga cho, chize Mose waahele, mu sali lia Yordau ku Chivumbuko, che chize Mose kavumbi ka Yehova waahele.

Yoshua 22:3

Kunwehukile akwenu ha matangwa ano anji ndo musono. Hinwononoka kufunga chize anukunjikile kuli Yehova Zambi yenu.