Yoshua 22:34 - MUKANDA USANDU WA ZAMBI 1975

³⁴ A-Rupene, ni A-Ngate alukile chilumbilo jina ngwo, Uchela mumu, ngwo, chapwa uchela hakachi ketu wa kwamba ngwetu, Yehova iye Zambi.

Mukanda Wa Zambi 1970

³⁴ Atu ja Rubene ni Gade yaamba ngwo: “Chilumbilo chino chili chinyingi kuli yetu eswe ngwo, Mwene Zambi, kali Zambi.” Mba yaachiluka jina ngwo: “Shindakenyo.”

Yoshua 22:34 Iomraidhean Croise

Ubutukilo 31:47

Lapane yalukako ngwenyi, Yeka-sahanduta, alioze Yakomba yalukako ngwenyi, Ngalite.

Ubutukilo 31:48

Lapane yamba ngwenyi, Chilunjika chino chikapwe chinyingi hakachi ka yami ni yena musono. Kashika jina liaho yaliluka, Ngalite.

1 Yitanga Ya Mianangana 18:39

Muze atu eswe achimwene yafulamana ha meso jo, yamba ngwo, Yehova iye Zambi! Yehova iye Zambi!

Izaya 19:19

Ha tangwa lize hakachi ka chifuchi cha Engitu kumukukapwa chilumbilo kuli Yehova, ni nguji limwe kuli Yehova he ha njiza.

Izaya 43:10

Yehova kanambe ngwenyi, Enu nuli yela jami, kavumbi kami wa kutongola, hanga nukangunyingike nuka ngufuliele nukase chinyingi, Yami Nguli. Katangile niumwe zambi wakunguliangila kulutwe, chipwe kunyima yami kechi kapwako,

Mateu 4:10

Hohene Yesu yamba kuli iye ngwenyi, Sosolokako Satana: mumu chinasonewa ngwo, Ukawayile Mwene Zambi ye, iye wika ukamulingile.

Yoshua 22:27

alioze chikapwe uchela hakachi ketu ni yenu, ni hakachi ka yisemuko yize yili kulutwe ngwetu, Twakuvumbika Yehova kumeso jenyi ni milambu yetu ya kulumba, ni yitapo, ni milambu ya sambukila, kuchina ana jenu mamba kuli ana jetu ku miaka ya kulutwe ngwo, Chihanda kunushi nacho muli Yehova.

Yoshua 24:27

Yoshua yamba kuli atu eswe ngwenyi, Liwe lino mulikapwa uchela kulimika ni yetu mumu hilievwa maliji eswe a Yehova aze hatwamba. Kashika mulikapwa uchela kulimika ni yenu kuchina munulinga ni mafwefwe kuli Zambi yenu.