Yoshua 22:24 - MUKANDA USANDU WA ZAMBI 1975

²⁴ Hi chocho ko, twachilingile ha woma ngwetu, Ku miaka ya kulutwe ana jenu hanji makamba kuli ana jetu ngwo, Enu te chimwe chuma nuli nacho ni Yehova mwe Zambi ya Izalele?

Mukanda Wa Zambi 1970

²⁴ Alioze hi chocho ko! Twachitungile mumu twevwile woma ngwetu, ku miaka ya kulutwe hanji ana jenu maakahula ana jetu ngwo: ‘Kulikunda chika mukachi ka yenu ni Mwene Zambi, Zambi ya Aisraele?

Yoshua 22:24 Iomraidhean Croise

Ubutukilo 18:19

Mumu hingunamunyingika hanga akayule ana jenyi ni munyachi wenyi kulutwe, akafunge jila ya Yehova akalinge ni ululi ni upatwilo, hanga Yehova akalinge kuli Apalahama yuma yize hamushindakenya.

Ubutukilo 30:33

Chocho ululi wami muungusambisa kulutwe muze muwiza kutala fweto yami. Nyi muwana kuli yami umwe keshi yipekayipeka hanji yihesayihesa hakachi ka pembe hanji umwe mulá hakachi ka mapanga muwamba ngwe, Wa kwiya.

Kutuhuka 13:14

Muze manuhula kuli ana jenu kulutwe ngwo, Acho chika? Nukaambulwile ngwenu, Ni kwoko lia tachi, Yehova watuchijile ku Engitu ku zuwo lia upinji.

Shimbi 6:20

Muze manuhula kuli ana jenu ha miaka muyizaho ngwo, Shindakenyo yinalumbunuka kuchi? ni yiyulo, ni upatwilo, Yehova Zambi yetu anwambileyo?

Yoshua 22:23

ha kutunga chilumbilo kutewuluka ha kukaula Yehova. Nyi kachi twachilingile kulambwilaho milambu ya kulumba, hanji milambu ya wunga, hanji milambu ya sambukila, mba Yehova mwene atulambilecho.

Yoshua 22:25

Se Yehova hasela Yordau njiza hakachi ka yetu ni yenu, kashika enu A-Rupene ni A-Ngate kunushi ni chihanda muli Yehova. Chocho ana jenu hanji machinda ana jetu kuwayila Yehova.

Yoshua 4:6

hanga chikapwe chilayi hakachi kenu muze ana jenu manuhula ku miaka ya kulutwe ngwo, Mawe ano kuchi ananulumbunuka?