Yoshua 22:23 - MUKANDA USANDU WA ZAMBI 1975

²³ ha kutunga chilumbilo kutewuluka ha kukaula Yehova. Nyi kachi twachilingile kulambwilaho milambu ya kulumba, hanji milambu ya wunga, hanji milambu ya sambukila, mba Yehova mwene atulambilecho.

Mukanda Wa Zambi 1970

²³ Nyi ngwe twakolema Mwene Zambi ni kulinga chilumbilo cha yetwene tulambwile ho milambu ya mbuto, hanji ya kulivwa, chinalite Mwene Zambi atushihe kwetu.

Yoshua 22:23 Iomraidhean Croise

Ubutukilo 9:4

Alioze kuchi kulia yifwo yize yikwete manyinga jayo, acho chinalumbunuka we mwono.

2 Sango Ja Mianangana 24:22

Chocho mwanangana Njoashe kewulukile utu wa Jehoiada tato ya Zekaria kuli iye, alioze yashihisa mwanenyi. Ha kufwa, Zekaria yamba ngwenyi, Yehova achitale, akachifwetese.

Ezekiel 3:18

Nyi mungwamba kuli chingulungulu ngwami, Kumuofwa, ni yena kwamutowezele, chipwe kuhanjika kukanjisa chingulungulu mu jila yenyi ya ungulungulu akalamwine mwono wenyi, chingulungulu kumafwa mu uhenge wenyi; alioze ku kwoko lie munguhula manyinga jenyi.

Ezekiel 33:6

Alioze nyi kalayi mamona katana kaneza hindu kahumwine chitavwi, atu kevwile liji lia kutoweza, mba katana meza, manda mweswawo hakachi ko; au lunga hamwanda mu uhenge wenyi, alioze manyinga jenyi mungufwetesa hali mwe kalayi.

Ezekiel 33:8

Nyi mungwamba kuli chingulungulu ngwami, Ena chingulungulu, pundu kumuofwa, mba yena kwahanjikile kutoweza chingulungulu akakatuke ku ndako jenyi, chingulungulu kumafwa mu uhenge wenyi, alioze manyinga jenyi mungwafwetesa hali yena.

Shimbi 12:11

kuze Yehova Zambi yenu makatongola kusa jina lienyi, nukaheteseko yeswe ngunanwambeyo; milambu yenu ya kulumba, ni yitapo yenu, ni yihanda yenu ya ku kumi, ni milambu ya kuzundula ni moko jenu, ni yilakenyo yenu yeswe yilemu munulakenya kuli Yehova.

Shimbi 18:19

Mba mweswawo kechi kapanjika maliji jami iye makahanjika mu jina liami, kumungukamuhulacho.

Yoshua 22:24

Hi chocho ko, twachilingile ha woma ngwetu, Ku miaka ya kulutwe ana jenu hanji makamba kuli ana jetu ngwo, Enu te chimwe chuma nuli nacho ni Yehova mwe Zambi ya Izalele?

1 Samuel 20:16

kanda utayiza kuteta jina lia Jonatas ku zuwo lia David. Yehova akalambe akwa kole a David.