Yoshua 22:22 - MUKANDA USANDU WA ZAMBI 1975

²² Mukwa Ndundo, Zambi, Yehova! Mukwa Ndundo, Zambi, Yehova! Iye kananyingika, kashika A-Izalele no akanyingike ngwetu, Nyi kachi chapwa kukolema, hanji mafwefwe, kuli Yehova kanda nutuvwila keke musono

Mukanda Wa Zambi 1970

²² “Mukwa Ndundo kali Zambi! Kali Mwene Zambi! Mukwa Ndundo kali Zambi! Kali Mwene Zambi! Kananyingika chikuma chize tunakachitungila, ni yenu nawa chanutamba kunyingika! Nyi tunakachilinga tulilemese hanji tushihe Shimbi ya Mwene Zambi, tushihenu kwetu!

Yoshua 22:22 Iomraidhean Croise

1 Yitanga Ya Mianangana 8:39

hipanjika yena mwilu watwama ukaakonekene, ukalinge ni kuhana kuli mutu mweswe nikulita ni ndako jenyi jeswe, mbunge yenyi, unanyingika (mumu yena wika ukawe unanyingika mbunge ja ana ja atu eswe)

Jobe 10:7

chipwe unanyingika chishi mulonga, ni wakuhi yoze mahasa kungupulula ku kwoko lie, nyi?

Jobe 23:10

Hindu kananyingika jila yize ngunendela; mba muze hangweseka mungutuhuka ngwe oru.

Jobe 31:22

chituwo chami chikaholoke ku chipaya chami, ni kwoko liami likamakuke ku konekeno lialio lume.

Miaso (Masamu) 136:2

Sakwililenu mwe Zambi ya mazambi; mumu utu wa zango lienyi wa mutolo.

Miaso (Masamu) 37:6

Iye kumafumanyisa ululi we ngwe pangu, ni chiyulo che ngwe tangwa ha muchima.

Miaso (Masamu) 40:9

Hinambujola ululi mu chikungulwila chinene. Talenu, chichi kuholesa mivumbo yami, Yehova yena unachinyingika.

Miaso (Masamu) 44:21

Kachi Zambi kachinyingikishine nyi? Mumu iye kananyingika yuma yeswe ya kuhengama mu mbunge.

Miaso (Masamu) 44:22

Alioze hali yena kakutushila tangwa lieswe nganganga; kakutufunjika ngwe mapanga aze maashiha.

Miaso (Masamu) 50:1

Mukwa Ndundo, Zambi, Yehova hanahanjika. Hasanyika hashi chize ku chivumbuko cha tangwa ndo ku Chitokelo.

Miaso (Masamu) 82:1

Zambi kanamana mu chikungulwila cha Zambi. Kanapatula hakachi ka mazambi.

Miaso (Masamu) 95:3

Mumu Yehova iye Zambi munene; iye mwanangana munene helu lia mazambi eswe.

Miaso (Masamu) 97:7

Waze eswe akulingila tuponya twa kwola ni waze eswe akulisamba ni mahamba akevwe sonyi. Muwayilenu, enu mazambi eswe.

Kutuhuka 18:11

Haliapwila kungunanyingika ngwami, Yehova iye Wahiana tuzambi tweswe chipwe mu chuma chize alengumukine nacho.

Jeremia 12:3

Alioze yena Yehova unangunymgika. Unangumono, nikweseka manyonga jami ha kutwala kuli yena. Watukule ngwe mapanga a kuya ku chishihilo, ukaatulike ha tangwa lia kushiha.

Jeremia 17:10

Yami Yehova kunakupolongoza mu manyonga ni kweseka mbunge, hanga ngukahane kuli mutu mweswe nikulita ni ndako jenyi, nikulita ni mihuko ya yitanga yenyi.

Daniel 11:36

Mwe mwanangana makalinga nikulita ni upale wenyi mwene. Makalinangamisa, ni kulifuza helu lia mazambi eswe. Makahanjika yuma ya kukomwesa ya kulimika ni mwe Zambi wa mazambi. Kumakaya kulutwe ndo utenu hiwamanunuka; mumu chize hanafunjika kumuchikalingiwa.

Daniel 2:47

Mwanangana yamba kuli Daniel ngwenyi, Pundu, Zambi ye mwe Zambi ya mazambi, ni Mwene wa mianangana; kapwa nawa mukwa kujimbula yijimbikilo se yena hiwahasa kujimbula chijimbikilo chino.

Mika 7:9

Mungutambula utenu wa Yehova mumu hinamuvulumuna; ndo manguhakwila ni chikuma chami, ndo mangupatwila. Kumangutuhwishila mu pangu; kumungumona ululi wenyi.

Malaki 3:18

Henaho mba munuhandununa hakachi ka akwa ululi ni yingulungulu; hakachi ka mukwa kulingila Zambi ni yoze kamulingilile.

Yoano 21:17

Yamba kuli iye chisuho chamuchitatu ngwenyi, Semone, mwana Yona, unangufwila, nyi? Petulu wevwile chinyengo mumu wambile kuli iye chisuho chamuchitatu ngwenyi, Unangufwila, nyi? Yamba kuli iye ngwenyi, Mwene, yena unanyingika yuma yeswe; yena unanyingika ngunakufwila. Yesu yamba kuli iye ngwenyi, Lisa mapanga jami.

Yilinga 1:24

Mba alembele, ngwo, Mwene, mukwa kunyingika mbunge ja eswe, tulweze kama hakachi ka wano aali yoze hiunamutongola.

Yilinga 25:11

Kachi ngunakalinga chipi chimwe, kachi ngunakavulumuna chuma chimwe cha kutela kufwa, kachi chichi kuchina kufwa; alioze kachi kuchishiko nichimwe cha ku yuma yize anangusumu, niumwe mahasa kungwecha kuli ayo; ngunalikunjika kuli Sesare.

2 Korintu 11:11

Kuchi te? Mumu chishi kunuzanga, nyi? Zambi kananyingika.

2 Korintu 11:31

Zambi kanda Tato ya Mwene Yesu Kristu, yoze wafumuna ndo ku miaka ya mutolo, kananyingika chishi kuhanjika mahuza.

2 Korintu 5:11

Kashika se tunanyingika woma wa Mwene, twakukununa atu; alioze kanatusolola kuli Zambi; mba ngunatatatata tukalumbunuke ku mbunge jenu.

Shimbi 10:17

Mumu Yehova Zambi yenu iye Zambi ya tuzambi, Mwene wa ene, Zambi munene, mukwa ndundo, kole ni mwongo, keshi katonde, chipwe keshi kutambula chindo, ka.

1 Timoteu 6:16

Iye wika keshi kufwa, katwama mu pangu lize keshi kuhasa kukundamako; mutu niumwe kamumwene, chipwe mahasa kumumona, ka: ulemu ni ndundo ja mutolo jikapwe kuli iye. Amene.

Hebreu 4:13

Ni chuma chize kuchishi kumoneka kuli iye chakuhi nichimwe; aiioze yuma yeswe yapwa ya uselesele, ya kufukuka kumeso ja yoze mutukamulumbunwina yuma yeswe.

Yoshua 22:21

Henaho A-Rupene ni A-Ngate ni chihanda cha ha muchima chá munyachi wa A-Manase akumbulwile akwa lutwe a majimo ja A-Izalele ngwo,

Usolwelo 19:16

Iye ha hina lienyi ni ha chitongo chenyi jina akwete, linasonewa ngwo, Mwanangana wa mianangana, Mwene WA ENE.

Usolwelo 2:23

Mungukashiha ana jenyi ni kufwa; ni yikungulwila yeswe kumanyingika yami nguli yoze wakuhengula muchima ni mu mbunge: mba mungukahana kuli mweswe wa kuli yenu nikulita ni yitanga yenu.

1 Samuel 15:23

Mumu kukolema kuchapwa ngwe mulonga wa umbanda, ni upama kuwapwa ngwe uhenge ni kukombelela. Ena hiunalitunu liji lia Yehova; kashika aye hanalitunu yena. Kuchi kupwa mwanangana.

1 Samuel 2:3

Kanda nuhanjika nawa nikulengumuka kuhiana. Kanda nulivwimba mu makanwa jenu. Mumu Yehova iye Zambi ya yinyingi, iye kakupezalisa yitanga.