Yoshua 22:19 - MUKANDA USANDU WA ZAMBI 1975

¹⁹ Haliapwila nyi chifuchi chenu chalichisa, zaukenu nwize ku chifuchi cha Yehova kuze kwatwama tabernakulu ya Yehova, nukalianjile chihinga hakachi ketu. Alioze kanda nukolema Yehova, hanji kutupwisa yetu ngwe akwa kukolema, ha kulitungila chilumbilo chikwo cheka helu lia chilumbilo cha Yehova Zambi yetu.

Mukanda Wa Zambi 1970

¹⁹ Alioze nyi chifuchi chenu hichalichisa, tweyenu mu chifuchi cha Mwene Zambi, muze muli zuwo lienyi lia kuwayila, nukatambule chimwe chifuchi mukachi ketu. Alioze litwaminenu kulimika ni Mwene Zambi, ni kutupwisa nawa akwa kulimika nenyi muze nunatungu chilumbilo chino cha muchaali.

Yoshua 22:19 Iomraidhean Croise

2 Sango Ja Mianangana 11:13

Asasendote ni A-Levi a mu Izalele mweswe, yakatuka ku manjiza jo eswe nikuswila kuli iye.

Kutuhuka 15:17

Kumukaahetesa nikwatumbila ku mulundu wa chihinga che, kuma kuze hiwapwisa kwa yena Yehova kwa kutwamako. Zuwo lisandu yena Mwene hiunalulika ni moko je.

Daniel 10:13

Mukwa kuyula wanangana wa Persia yalimika ni yami makumi aali a matangwa ni tangwa limuwika, alioze Mikele umwe wa akwa lutwe hakachi ka akwa kuyula yeza, yangukwasa, mba yingusalako ni mukwa kuyula wanangana wa Persia.

Amose 7:17

Kashika Yehova kanambe ngwenyi, Pwo lie makapwa chikoi mu chihunda, anenu a malunga ni a mapwo makafwa ni katana, ni chifuchi che machipangila ni muhipu, ni yena mwene kumukafwa mu chifuchi cha luchisa, ni A-Izalele kumakaya ku unjize kusuku ni chifuchi cho.

Yoshua 18:1

Chikungulwila cheswe cha A-Izalele chakungulukile ku Shilo. Yamikako mbalaka ya chikungulwila. Chifuchi te chazeya kumeso jo.

Yoshua 22:11

Mba A-Izalele evwile ngwo, A-Rupene, ni A-Ngate, ni chihanda cha ha muchima cha munyachi wa A-Manase hatunga chilumbilo ku njiza ya chifuchi cha Kanana kwe ku Yordau sali lino hapwa lia mbala lia A-Izalele.