Yoshua 22:18 - MUKANDA USANDU WA ZAMBI 1975

¹⁸ Kashika hinwahambuluka mu jila ya Yehova musono nyi? Alioze nyi munukolema Yehova musono iye hamene matenukina chikungulwila cheswe cha Izalele.

Mukanda Wa Zambi 1970

¹⁸ Kuma hinwalituna kukaula Mwene Zambi, nyi? Nyi hinwalimika ni Mwene Zambi musono, hamene makevwila ufwatulo Aisraele eswe.

Yoshua 22:18 Iomraidhean Croise

2 Samuel 24:1

Kulutwe nawa utenu wa Yehova wakasumukine hali A-Izalele mba wasa ngumwine David kwalinga chipi ngwenyi, Yako Ualule A-Izalele ni A-Yunda.

1 Yitanga Ya Mianangana 9:6

Alioze nyi mutewuluka nikulitwamina kungukaula, chipwe yena chipwe ana je, hanji kuchi kuhinga shimbi jami ni yiyulo yami yize hinasa kumeso je ukaye ukalingile mazambi akwo nikwawayila,

1 MIANANGANA 17:21

Mumu wapulile Izalele ku munyachi wa David; o yasa ku wanangana Jeroboame mwana Nebate, mba Jeroboame yashinjika A-Izalele alitwamine kukaula Yehova. Iye waavulumwishine mulonga unene.

1 Sango Ja Mianangana 21:1

Satana yalimika ni Izalele. Yasongojola David alule A-Izalele.

1 Sango Ja Mianangana 21:14

Chocho Yehova yatuma chilungo hali A-Izalele mba yikufwa makumi shimbiali a tununu a malunga A-Izalele.

2 Sango Ja Mianangana 25:27

Chize ku mwaka uze Amazia walitwaminyine kukaula Yehova, yamutwama punga mu Yerusaleme. Aye yachinyina ku Lakishi, alioze yatuma kuli iye ku Lakishi, yamushihilako.

2 Sango Ja Mianangana 34:33

Mba Josia yachiza yizelwokeso mu yifuchi yeswe yapwile ya A-Izalele. Yashinjika eswe a mu Izalele kulingila Yehova Zambi yo. Matangwa jenyi eswe kalitwaminyine kukaula Yehova Zambi ya tulamba two.

Alevi 10:6

Mba Mose yamba kuli Arone, ni kuli Eleazare, ni kuli Itama, anenyi a malunga ngwenyi, Kanda nukasulula kambu jenu, chipwe mazalo jenu kanda nwasonya, kuchina munufwa, kuchina ufwatulo ukapwile ha chikungulwila cheswe. Alioze akwenu, vungu lieswe Ha Izalele mahasa kulilila kahia kano Yehova hawika.

Kwalula 16:22

O yafulamana hashi, yamba ngwo, Zambi, mwe Zambi ya maspiritu a atu eswe, mutu umuwika mavulumuna mba mutenuka ni chikungulwila cheswe nyi?

Kwalula 32:15

Mumu kachi munukondoloka kuli iye, kachi makaehuka cheka nawa mu puya. Kumunukonwona vungu lino lieswe.

Shimbi 7:4

Mumu o makahambulwisa ana jenu a malunga kungukaula yami, hanga akavumbike tuzambi tweka, chocho utenu wa Yehova muukanukasumukina, Yehova makanwonwona nikawashi.

Yoshua 22:15

O yeza kuli A-Rupene, ni A-Ngate, ni chihanda cha ha muchima cha munyachi wa A-Manase mu chifuchi cha Ngiliate, yamba kuli ayo ngwo,

Yoshua 22:16

Liji lia chikungulwila cheswe cha Yehova ngwo, Mafwefwe wano aka nwalinga kuli Zambi ya Izalele? Se musono hinwatewuluka ha kukaula Yehova, hinwalitungila chilumbilo cha kukolema Yehova.

Yoshua 22:20

Akane mwana wa Zera te kalingile ni mafwefwe mu chikuma cha yuma yajila, mba ufwatulo kuwaholokelele ha chikungulwila cheswe cha Izalele nyi? Kafwile ukawenyi ha uhenge wenyi.

Yoshua 7:1

Alioze A-Izalele avulumwine ha kutwala ku yuma yajila. Mumu Akane mwana wa Kame, mwana wa Zapati, mwana wa Zera wa ku munyachi wa Yunda wanjile yimwe ya yuma yajila. Kashika utenu wa Yehova walekwokele kuli A-Izalele.

Yoshua 7:11

A-Izalele hanavulumuna. Hanatangula usendo wami uze naatumine. Hanande yimwe ya yuma yajila. Haneyi, hahanjika mahuza, hayisweka hakachi ka yuma yo.

Yoshua 7:21

Muze namwene hakachi ka yuma ya kupupa chikuto chimwe chipema cha ku Babilonia, ni kulakaji aali a shekele ja prata, ni chipinji cha oru cha makumi atano a shekele nayivwilile kuzo, yinguyitambula. Kuyili ya kusweka mu mavu muchima lia mbalaka yami. Prata kushi yili.

1 Samuel 12:14

Nyi munuvwila woma Yehova, nikumulingila, nikupanjika ku liji lienyi, kunwakolemene shimbi ja Yehova, ni yenu ni mwanangana yoze wanuyula munupwa akwa kukaula Yehova Zambi yenu—chipema.

1 Samuel 12:20

Samuel yamba kuli atu ngwenyi, Kanda nwivwa woma. Chamwenemwene hinwalinga chipi chino cheswe, hindu ha kukaula Yehova, kanda nupiasuka. Lingilenu Yehova ni mbunge jenu jeswe.