Yoshua 21:8 - MUKANDA USANDU WA ZAMBI 1975

⁸ Yihunda yino ni ulilo wako A-Izalele ahanyine nikulita ni chela kuli A-Levi, chizechene ngwe Yehova watumine Mose.

Mukanda Wa Zambi 1970

⁸ Chenacho Aisraele atele chela nikuteta membo wano, ni ulishilo wa yimuna yo, kuli Alevi, ngwe chize Mwene Zambi ambilile Mose.

Yoshua 21:8 Iomraidhean Croise

Ubutukilo 49:5

Simeone ni Levi, songo ni mutu. Tutana two twapwa yitwa ya tachi.

Ubutukilo 49:7

Utenu wo ukashingiwe mumu wasashile chikolo. Ufwatulo wo ukashingiwe mumu wapwile wa uswi. Mungwahandununa muli Yakomba. Mungwamwanga muli Izalele.

Yishima 16:33

Ngombo kakuyisakula mu kondo, alioze kuchimanununa muchipwa cha Yehova.

Yishima 18:18

Chela kuchakuholesa kulitachika; kuyakuhandununa hakachi ka akwa ndundo.

Kwalula 32:2

A-Ngate ni A-Rupene yaheta, yamba kuli Mose, ni kuli sasendote Eleazare, ni kuli miata ja chikungulwila ngwo,

Kwalula 33:54

Nukahinge chifuchi nikulita ni chela, nikulita ni akwa minyachi yenu, kuli atu anji hikuhana chifuchi chinene, kuli akehe hikuhana chifuchi chikehe. Kweswako chela muchimwinyi kina mutu, chocho chikapwe nichenyi. Nikulita ni minyachi ya tulamba twenu nukatambule che chihinga.

Kwalula 35:3

Akapwe ni membo a kutwamamo, ulilo wo ukapwe wa yimuna jo, ni wa yikumba yo, ni wa tushitu two eswe.

Yoshua 18:6

Munusoneka chifuchi mu yihanda shimbiali nukanehe ulumbunwiso wacho kuli yami. Mba yami mungunutela chela kuno kwene kumeso ja Yehova Zambi yetu.

Yoshua 21:3

Kashika nikulita ni shimbi ya Yehova A-Izalele ahanyine kuli A-Levi yihunda yino ya kuchiza ku chihinga cho, hamwe ni ulilo wako.

Yoshua 21:7

A-Merari nikulita ni majimo jo atambwile ku munyachi wa A-Rupene, ni ku munyachi wa A-Ngate, ni ku munyachi wa A-Zapulone kumi lia yihunda ni yihunda yiali.

Yoshua 21:9

Ya ku munyachi wa Yunda ni munyachi wa Simeone ahanyine yihunda yino ha majina jayo.