Yoshua 21:39 - MUKANDA USANDU WA ZAMBI 1975

³⁹ ni Heshebone ni ulilo wako, ni Yazere ni ulilo wako; yeswe yapwa yihunda yiwana.

Yoshua 21:39 Iomraidhean Croise

1 Sango Ja Mianangana 26:31

Kuli A-Heprone Jeria wapwile mukwa lutwe hali A-Heprone nikulita ni yisemuko yo kuli atato. Ha mwaka makumi awana wa kuyula cha David yaafupa mba yaawana hakachi ka akwa ndundo ni hamu ku Yazere ya Ngiliate.

1 Sango Ja Mianangana 6:81

ni Heshebone ni ulilo wako, ni Yazere ni ulilo wako.

Jeremia 48:32

Ena mutondo wa uva wa Sibima, ngunakulilila kuhiana Yazere. Mitango ye yahianyine kalunga-lwiji ni kuheta ndo ku Yazere. Mwe chonwonyi hapunda mihuko ye ya lwiza ni vinyu ye.

Kwalula 32:1

Achi A-Rupene ni A-Ngate apwile ni mbunga yinene ya yimuna; muze amwene chifuchi cha Yazere ni chifuchi cha Ngiliate, kumanyi chapwile chifuchi cha yimuna.

Kwalula 32:3

Atarote, ni Ndibone, ni Yazere, ni Nimera, ni Heshebone, ni Eleale, ni Shebame, ni Nebo, ni Mbeone,

Kwalula 32:35

ni Atarote-Sofa, ni Yazere, ni Jogabeha,

Kwalula 32:37

A-Rupene yatunga Heshebone, ni Eleale, ni Kiriataime,

Yoshua 13:17

hamuwika ni Heshebone ni yihunda yacho yeswe ha tunda, ngwo, Ndibone, ni Mbamote-Mbale, ni Mbete-Mbalemeone,

Yoshua 13:21

Acho chinalumbunuka yihunda yeswe ya ku tunda, ni chifuchi cheswe cha Sahone mwanangana wa A-Amore, yoze wayulile mu Heshebone. Mose wamukumbile hamuwika ni akwa kuyula ja A-Mindiane Evi, ni Rekeme, ni Zure, ni Hure, ni Reba, yilolo ja Sahone atwamine mu chifuchi.

Yoshua 13:25

Chifuchi cho chapwile Yazere ni yihunda yeswe ya Ngiliate, ni chihanda cha ha muchima cha chifuchi cha A-Amone ndo ku Aroere chili ku Chivumbuko cha Raba,

Yoshua 21:38

Ya ku munyachi wa Ngate ahanyine Ramote mu Ngiliate ni ulilo wako, chihunda cha kuchinyina hali yoze mashiha mutu, ni Mahaneme ni ulilo wako,

Yoshua 21:40

Ha kutwala ku yihunda ya minyachi ya A-Merari, umwe ha umwe, ngwami, waze asala a ku minyachi ya A-Levi yihunda yize aahele yapwile kumi lia yihunda ni yihunda yiali.