Yoshua 21:1 - MUKANDA USANDU WA ZAMBI 1975

¹ Mba makulwana akwa lutwe a A-Levi A yeza kuli Eleazare mwe sasendote, ni kuli Yoshua mwana wa Nune, ni kuli makulwana akwa lutwe a minyachi ya A-Izalele.

Mukanda Wa Zambi 1970

^1-2 Miata ja akwa jiko lia vungu lia Levi yaaya ku Shilo, mu chifuchi cha Kanana, akalitakane ni hako Eleazare, ni Yoshua mwana wa Nune, ni miata ja majiko ja mavungu eswe ja Israele. Yaamba ngwo: “Mwene Zambi hanambila Mose hanga atwehe membo tutwame mo, hamwe ni ulishilo wa yimuna yetu.”

Yoshua 21:1 Iomraidhean Croise

Ubutukilo 49:7

Utenu wo ukashingiwe mumu wasashile chikolo. Ufwatulo wo ukashingiwe mumu wapwile wa uswi. Mungwahandununa muli Yakomba. Mungwamwanga muli Izalele.

Kutuhuka 6:14

Miata ja majiko ja akako ngwo, Rupene, mwana mutangu wa Izalele, ana jenyi a malunga akwa jiko lienyi, wano; ni Hanoke, ni Palu, ni Hezerone, ni Kame.

Kutuhuka 6:25

Eleazare, mwana wa lunga wa Arone, wambachile umwe wa kuli ana a mapwo a Putiele. Iye yasema nenyi Finehase. Wano te miata ja akwa jiko lia akako ja A-Levi nikulita ni minyachi yo.

Kwalula 35:1

Yehova yamba kuli Mose mu yana ya Moape, ku sesa lia Yordau, ku Yeriku, ngwenyi,

Kwalula 35:8

Ha kutwala ku membo munukahana a mu chihinga cha A-Izalele, kuli atu anji nukachize anji, kuli atu akehe nukachize akehe. Munyachi weswe Ukahane membo kuli A-Levi nikulita ni chifuchi o makahinga.

Yoshua 14:1

Yenayo yihinga A-Izalele atambwile mu chifuchi cha Kanana. Eleazare mwe sasendote, ni Yoshua mwana wa Nune, ni makulwana akwa lutwe a minyachi ya A-Izalele aateteleleyo.

Yoshua 17:4

O yaheta kuli sasendote Eleazare, ni kuli Yoshua mwana wa Nune, ni kuli akwa kuyula. Yamba ngwo, Yehova watumine Mose akatwehe chihinga hakachi ka usoko wetu. Chocho waahele chihinga hakachi ka ana-akwo ja tato nikulita ni shimbi ya Yehova.

Yoshua 19:51

Yino ye yihinga Eleazare mwe sasendote, ni Yoshua mwana wa Nune, ni makulwana akwa lutwe a minyachi ya A-Izalele atetele nikulita ni chela ku Shilo, kumeso ja Yehova, kwe ku chikolo cha mbalaka ya chikungulwila. Chocho amanyine kwatetela chifuchi.