Yoshua 20:9 - MUKANDA USANDU WA ZAMBI 1975

⁹ Yino ye yihunda ayitongwele hali A-Izalele eswe ni hali njize yoze watwama hakachi ko. Mweswawo mashiha mutu kachihalile, akachinyineko hanga kechi kafwa ku kwoko lia mukwa kukala manyinga, ndo mamana kumeso ja chikungulwila.

Mukanda Wa Zambi 1970

⁹ Wano e membo waze atongwele a kuchinyina Aisraele ni yilambala waze te atwama mukachi ko. Mweswawo mashiha mutu mukwo te kachizangile, mahasa kuswama mo kuli mutu yoze unambe kukala usoko wenyi. Te kahashile kumushiha muze kanda achimusopesa.

Yoshua 20:9 Iomraidhean Croise

Kwalula 35:13

E membo munukahana akapwe kuli yenu membo asambano a uchinyino.

Kwalula 35:15

Hali A-Izalele, ni hali chilambala, ni hali njize uli hakachi ko, membo aze asambano akapwe a uchinyino, hanga eswe makashiha mutu, kachihalile, akachinyinemo.

Yoshua 20:4

Machinyina ku chimwe cha yihunda yino, mamanyina ku chikolo cha kunjila mu chihunda, malumbununa chikuma chenyi kuli makulwana a chihunda chize. Mba o mamutambula mu chihunda, mamwaha chihela, iye matwama hakachi ko.

Yoshua 20:6

Matwama mu chihunda chize ndo hamana kumeso ja chikungulwila akamupatwile, ndo ku kufwa cha sasendote wa lutwe ha mwaka uze. Henaho mukwa kushiha maya ku chihunda chenyi ku mahio, ku chihunda chize akatukile.

Yoshua 20:8

Mu sali lia Yordau ku sali lia Yeriku ku Chivumbuko atongwele Mbezere mu puya ku tunda, ku munyachi wa Rupene, ni Ramote mu Ngiliate ku munyachi wa Ngate, ni Ngolane mu Mbashane ku munyachi wa Manase.